Nakshatra Indrajith | അച്ഛനും അമ്മയും അഭിനേതാക്കൾ, ചേച്ചി ഗായിക, നക്ഷത്രയുടെ കഴിവ് എന്തെന്ന് പറഞ്ഞ് പ്രാർത്ഥന

പ്രാർത്ഥനയും നക്ഷത്രയും പിറന്നത് തന്നെ തലമുറകളുടെ അഭിനയ പാരമ്പര്യത്തിന് നടുവിലായാണ്. മുത്തച്ഛനും, മുത്തശ്ശിയും, അച്ഛനും, അമ്മയും, ഇളയച്ഛനുമെല്ലാം സിനിമാ ലോകത്ത് അവരുടേതായ സ്ഥാനങ്ങൾ നേടിയവർ. വളർന്ന ശേഷം പ്രാർത്ഥന പിന്നണി ഗായികയായി മാറി, നക്ഷത്ര ബാലതാരത്തിന്റെ വേഷത്തിലുമെത്തി. പക്ഷെ നക്ഷത്രയ്ക്ക് തന്റേതായ ഒരു കഴിവുണ്ട്. അതിപ്പോൾ പ്രാർത്ഥന പറഞ്ഞിരിക്കുകയാണ്

ഏതാനും ദിവസങ്ങൾക്കു മുൻപ് പ്രാർത്ഥന സ്വന്തം യൂട്യൂബ് ചാനൽ ആരംഭിച്ചിരുന്നു. പാശ്ചാത്യ സംഗീതത്തിൽ കമ്പമുള്ള പ്രാർത്ഥന കവർ സോംഗുകൾ അവതരിപ്പിക്കുന്നതിൽ മിടുക്കിയാണ്. അതിനിടയിലാണ് പാത്തു എന്ന പ്രാർത്ഥന നച്ചു എന്ന അനുജത്തിക്കുട്ടിയുടെ ആ കഴിവിനെ കൂടി പരിചയപ്പെടുത്തിയത് (തുടർന്ന് വായിക്കുക)

അതായത് പ്രാർത്ഥനയുടെ വീഡിയോയുടെ പിന്നിലെ സാങ്കേതിക സഹായം മറ്റാരുമല്ല, തന്റെ തന്നെ അനിയത്തിക്കുട്ടിയാണ്. ആദ്യ ദിവസം ഒലിവിയ റോഡ്റിഗോയുടെ ഗാനത്തിന്റെ കവർ സോംഗ് പ്രാർത്ഥന പോസ്റ്റ് ചെയ്തിരുന്നു. ഇനി ഇൻട്രോ വീഡിയോ ഒരുങ്ങുമ്പോൾ, അതിൽ കത്രിക വച്ച് മിനുസ്സപ്പെടുത്തി എഡിറ്റിംഗ് നടത്തുന്നത് നക്ഷത്രയാണ്

നക്ഷത്രയുടെ  എഡിറ്റ് സ്യൂട്ടിൽ നിന്നും പ്രാർത്ഥന പോസ്റ്റ് ചെയ്ത ഒരു ചിത്രമാണിത്

പ്രളയത്തിന്റെ നാളുകളിൽ അവശ്യ വസ്തുക്കൾ കയറ്റിഅയക്കുന്ന ക്യാമ്പിൽ കുട്ടികളായ പ്രാർത്ഥനയും നക്ഷത്രയും ഇന്ദ്രജിത്തിനും പൂർണ്ണിമയ്ക്കും ഒപ്പം എത്തിച്ചേർന്നിരുന്നു.  രണ്ടുപേരും സോഷ്യൽ മീഡിയയിലും സജീവമാണ്. ഇവർക്ക് സ്വന്തമായി സോഷ്യൽ മീഡിയയിൽ അക്കൗണ്ടുകൾ ആരംഭിച്ചിട്ടുണ്ട്

സകുടുംബം നടത്തിയ ഒരു യാത്രയുടെ മദ്ധ്യേ ഇന്ദ്രജിത് കുടുംബം