അച്ഛൻ ഒരു പള്ളീലച്ചൻ കൂടിയായിരുന്നു; കുട്ടിക്കാലത്തെ ചിത്രത്തിലെ ഈ മലയാള താരത്തെ മനസ്സിലായോ?

ഈ ഫാദേഴ്‌സ് ഡേയിൽ അച്ഛൻ കൂടെയില്ലാത്ത മക്കളും അവരുടെ അച്ഛനെ ഓർക്കുന്നുണ്ടാവും. അത്തരമൊരു ഓർമ്മക്കുറിപ്പുമായാണ് ഈ മലയാള സിനിമാതാരം വന്നിരിക്കുന്നത്. ഇദ്ദേഹത്തിന്റെ അച്ഛൻ ഒരു പള്ളീലച്ചൻ കൂടിയായിരുന്നു. ഇന്ന് താൻ സ്വന്തം മക്കളെ ഓമനിക്കുമ്പോഴും ശാസിക്കുമ്പോഴും സ്വന്തം അച്ഛൻ തന്നെ എത്രത്തോളം സ്നേഹിക്കുകയും കരുതൽ നൽകിയിരുന്നുവെന്നും ഓർക്കാറുണ്ടെന്നു ഈ ചിത്രം പോസ്റ്റ് ചെയ്‌തു പറയുകയാണ് ആ മകൻ

അച്ഛൻ 'അരുത്' എന്ന് പറഞ്ഞപ്പോഴെല്ലാം ഹൃദയം തകർന്നിട്ടുണ്ട്. പക്ഷെ അത് തന്റെ പാത വ്യക്തമാകാൻ ഉതകുന്നവയായി. ഇന്ന് മറ്റൊരു ലോകത്തിരിക്കുന്ന അച്ഛനെ താൻ മിസ് ചെയ്യുന്നു എന്നാണ് ഈ മകന്റെ വാക്കുകൾ. അച്ഛൻ ഹീറോ ആണെന്ന് പറയുന്ന മകനെ നിങ്ങൾക്ക് മനസ്സിലായോ? (തുടർന്ന് വായിക്കുക)

ഇന്ന് ഇദ്ദേഹം രണ്ടാണ്മക്കളുടെ പിതാവാണ്. സിനിമയിൽ കാമ്പുള്ള കഥാപാത്രങ്ങൾ അവതരിപ്പിക്കുന്നു. തന്റെ അച്ഛൻ എങ്ങനെയായിരുന്നോ, സ്വന്തം മക്കൾക്ക് അതുപോലൊരു പിതാവാകാൻ താൻ നിരന്തരം ശ്രമിക്കും എന്നും ഈ ഇൻസ്റ്റഗ്രാം കുറിപ്പിലെ വാചകത്തിൽ കാണാം. അച്ഛനെ താൻ വിളിക്കുന്ന പോലെ തന്റെ മക്കളും തന്നെ 'ഹീറോ' എന്ന് വിളിക്കട്ടെ എന്ന് അദ്ദേഹം ആഗ്രഹിക്കുകയാണ്

ഓപ്പറേഷൻ ജാവയിലെ ബഷീർ സാർ ആയും, ആക്ഷൻ ഹീറോ ബിജുവിലെ തന്ത്രശാലിയായ രാഷ്ട്രീയക്കാരനായുമെല്ലാം സ്‌ക്രീനിൽ തെളിഞ്ഞ പ്രശാന്ത് അലക്‌സാണ്ടർ ആണ് ഇത്. Rev. ഫാദർ കെ.പി. അലക്‌സാണ്ടറിന്റെയും ലീലാമ്മയുടെയും മകനാണ് ഈ തിരുവല്ലാക്കാരൻ

കമൽ സംവിധാനം ചെയ്ത 'നമ്മൾ' സിനിമയിലെ തുടക്കക്കാരിൽ ഒരാൾ പ്രശാന്ത് ആണ്. അടുത്തിടെയായി മികച്ച കഥാപാത്ര തെരഞ്ഞെടുപ്പിലൂടെയാണ് പ്രശാന്ത് അലക്‌സാണ്ടർ കൂടുതൽ ശ്രദ്ധിക്കപ്പെട്ടു തുടങ്ങിയത്

പ്രശാന്തും ഭാര്യ ഷീബയും മക്കൾക്കൊപ്പം

മോഹൻലാൽ ചിത്രം 'നെയ്യാറ്റിൻകര ഗോപന്റെ ആറാട്ട്' എന്ന സിനിമയിലും പ്രശാന്ത് വേഷമിടുന്നുണ്ട്

സണ്ണി ലിയോണിക്കൊപ്പം മധുരരാജായിൽ നൃത്തം ചെയ്ത രംഗത്തിലും പ്രശാന്ത് ശ്രദ്ധാകേന്ദ്രമായിരുന്നു