Kaduva prequel | പൃഥ്വിരാജിന്റെ കടുവയ്ക്ക് രണ്ടാം ഭാഗം; കോരുത് മാപ്പിളയാവാൻ മമ്മൂട്ടി വരുമോ?

പാലാക്കാരൻ പ്ലാന്റർ കുര്യാച്ചന്റെ കഥ പറഞ്ഞെത്തിയ പൃഥ്വിരാജ് (Prithviraj Sukumaran)- ഷാജി കൈലാസ് (Shaji Kailas) ചിത്രം കടുവയ്ക്ക് രണ്ടാം ഭാഗം ഇറങ്ങുമെന്ന സൂചനയുമായി പൃഥ്വിരാജ്. അടുത്തിടെ നടന്ന സിനിമയുടെ വിജയാഘോഷ പരിപാടിയിൽ വച്ചാണ് സിനിമയ്ക്ക് 'പ്രീക്വൽ' ഉണ്ടാവുമെന്ന് അറിയിപ്പ് ലഭിച്ചത്. കുര്യാച്ചന്റെ പിതാവ് കോരുത് മാപ്പിളയാവും ഈ സിനിമയിലെ നായകൻ

സുപ്രിയ മേനോനാണ് ചിത്രം നിർമ്മിച്ചത്. ഇനി രണ്ടാം ഭാഗമിറങ്ങുമ്പോൾ അതിൽ ആരൊക്കെയുണ്ടാവും എന്ന ചോദ്യത്തിനും പൃഥ്വിരാജ് മറുപടി നൽകി. 'കടുവ'യിൽ കുര്യാച്ചന്റെ പിതാവിന്റെ ഛായാചിത്രം നടൻ മമ്മൂട്ടിയുടേതായിരുന്നു. അടുത്ത ചിത്രത്തിൽ മമ്മൂട്ടിയുണ്ടാവുമോ? (തുടർന്ന് വായിക്കുക)

കടുവ പ്രീക്വലിൽ മമ്മൂട്ടിയെയോ മോഹൻലാലിനെയോ സുരേഷ് ഗോപിയെയോ കേന്ദ്ര കഥാപാത്രമായി അവതരിപ്പിക്കാൻ ആഗ്രഹിക്കുന്നുവെന്ന് പൃഥ്വിരാജ് വെളിപ്പെടുത്തി

എന്നാൽ, മലയാള സിനിമയിലെ മൂന്ന് സൂപ്പർ താരങ്ങളും ഈ ഓഫർ നിരസിച്ചാൽ തലമുടി ഡൈ പൂശി അറുപതുകളിലുള്ള കോരുത് മാപ്പിളയായി താൻ അഭിനയിക്കുമെന്നും പൃഥ്വിരാജ് കൂട്ടിച്ചേർത്തു എന്ന് 'പിങ്ക് വില്ല' റിപ്പോർട്ട് ചെയ്യുന്നു

നീണ്ട 7 വർഷത്തെ ഇടവേളയ്ക്ക് ശേഷം സംവിധായകൻ ഷാജി കൈലാസിന്റെ സംവിധാനത്തിലേക്കുള്ള തിരിച്ചുവരവ് അടയാളപ്പെടുത്തിയ 'കടുവ' ബോക്സ്ഓഫീസിൽ 50 കോടി കടന്ന ചിത്രമാണ്

വിവേക് ​​ഒബ്‌റോയിയാണ് ചിത്രത്തിലെ പ്രധാന പ്രതിനായകൻ. സംയുക്ത മേനോൻ, കലാഭവൻ ഷാജോൺ, അർജുൻ അശോകൻ, ബൈജു സന്തോഷ്, അലൻസിയർ ലേ ലോപ്പസ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്