പൃഥ്വിരാജും മുരളി ഗോപിയും തമ്മിലുളള ഭാഷ എന്ത്? ഇതാണോ ഇല്ലുമിനാണ്ടി കോഡ്?

മലയാള സിനിമയുടെ സകലകാല റെക്കോർഡുകളും ഭേദിച്ച് കൊണ്ട് പുറത്തിറങ്ങിയ ചിത്രമാണ് പൃഥ്വിരാജിന്റെ കന്നി സംവിധാന സംരംഭം ലൂസിഫർ. മുരളി ഗോപിയുടെ ചാട്ടുളി കൊണ്ട് തീർത്ത സ്ക്രിപ്റ്റ് തിയേറ്റർ വിട്ടത് 200 കോടി ക്ലബ് എന്ന നേട്ടവുമായാണ്

മോഹൻലാൽ-പൃഥ്വിരാജ്-മുരളി ഗോപി-ആന്റണി പെരുമ്പാവൂർ എന്ന നാൽവർ സംഘമാണ് ചിത്രത്തിന്റെ പിന്നിലെ പ്രധാന പ്രവർത്തകർ

ഈ സിനിമയിൽ നിന്നും ഉടലെടുത്ത പദപ്രയോഗമാണ് ഇല്ലുമിനാണ്ടി. ഇല്ലുമിനാറ്റി എന്ന സങ്കീർണ്ണ ശ്രിംഖലയിൽ നിന്നുമാണ് പിന്നീടങ്ങോട്ട് ഹാസ്യരൂപേണ ഇല്ലുമിനാണ്ടി ഉണ്ടായത്. ഇപ്പോൾ പൃഥ്വിരാജും മുരളി ഗോപിയും അത്തരമൊരു ഇല്ലുമിനാണ്ടി ഭാഷ ഉണ്ടോ എന്ന തരത്തിൽ പ്രേക്ഷരിൽ സംശയം ജനിപ്പിക്കുകയാണ്. സംഭവം ഇങ്ങനെ

ലോക്ക്ഡൗൺ വിരസതക്കിടെ മുരളി ഗോപി ഇട്ട പോസ്റ്റിലാണ് പൃഥ്വിയും മുരളിയും തമ്മിലെ സങ്കീർണ്ണ കോഡ് ഭാഷയിലെ സംസാരം. 'എഴുത്തെന്ന ഒളിത്താവളം' എന്ന് ക്യാപ്ഷൻ നൽകിയ ഫോട്ടോക്ക് കീഴിൽ പൃഥ്വിരാജ് നൽകുന്ന കമന്റ് കണ്ടോ?

#C #E എന്നാണ് പൃഥ്വിരാജ് കമന്റ് ചെയ്തത്. ഇതിനു ഇമോജികൾ ചേർത്തുകൊണ്ടാണ് മുരളിയുടെ മറുപടി. എമ്പുരാൻ ക്ലൈമാക്സ് ആണോ എന്ന് ഇരുവരുടെയും സംഭാഷണത്തിനിടയിൽ കയറി ഒരാരാധകൻ ചോദിക്കുന്നുമുണ്ട്

ലൂസിഫർ രണ്ടാം ഭാഗം പ്രഖാപിച്ച്‌, ആടുജീവിതം ഷൂട്ടിങ്ങ് തുടങ്ങിയ ശേഷമാണ് കോവിഡ് പൊട്ടപ്പുറപ്പെടലും തുടർന്നുള്ള അനിശ്ചിതാവസ്ഥയും ഉണ്ടാവുന്നത്. ഇനി എന്നാവും എമ്പുരാൻ ആരംഭിക്കുക എന്ന ചോദ്യത്തിനുള്ള ഉത്തരത്തിനായി കാത്തിരിക്കാം. ലുസിഫറിലെ 'എമ്പുരാനെ...' എന്ന ഗാനം റെക്കോർഡ് ചെയ്ത വേളയിൽ പകർത്തിയ ചിത്രമാണ് ഈ കാണുന്നത്