മോഹൻലാലിൻറെ ഭാര്യ പൃഥ്വിരാജിന് വേണ്ടി പാകം ചെയ്ത ഭക്ഷണം; പ്രശംസിച്ച് സുപ്രിയ മേനോൻ

അഭിനയം പോലെത്തന്നെ മോഹൻലാലിന്റെ കൈപ്പുണ്യം അറിഞ്ഞവർ വായിൽ കപ്പലോടിയ കഥ പലപ്പോഴും വാഴ്ത്തിയിട്ടുണ്ട്. എന്നാൽ ആരും അറിയാത്ത ഒരു മികച്ച പാചകക്കാരി കൂടിയുണ്ട് ലാലേട്ടന്റെ വീട്ടിൽ; ഭാര്യ സുചിത്ര. ആ രുചിക്കൂട്ട് നുകരാൻ പൃഥ്വിരാജിന് അവസരം ലഭിച്ചിരിക്കുകയാണ്

ഓറിയന്റൽ സ്റ്റൈലിൽ തയാർ ചെയ്ത കാളാഞ്ചി അഥവാ സീ ബാസ് ആണ് ചോറിനൊപ്പം സുചിത്ര പൃഥ്വിരാജിന് വിളമ്പിയത്. ഭക്ഷണം കഴിച്ച പൃഥ്വിരാജിന് ആ രുചി  ഇഷ്‌ടമാവുകയും ചെയ്തു

കൈപ്പുണ്യത്തിന്റെ കാര്യത്തിൽ ഭർത്താവിനെപ്പോലെ ഭാര്യയും മിടുക്കി തന്നെ എന്ന് പൃഥ്വിരാജ്. പ്രശംസിച്ചുകൊണ്ട് പൃഥ്വിയുടെ ഭാര്യ സുപ്രിയയും കമന്റ് സെക്ഷനിലെത്തി. എന്നാൽ സുപ്രിയക്ക് മറ്റൊരു ഭാഗ്യം നേരത്തെ തന്നെ ലഭിച്ചിരുന്നു

മോഹൻലാലിന്റെ കൈകൊണ്ട് വീട്ടിലുണ്ടാക്കിയ ഭക്ഷണം തനിക്കും ഭാര്യ സുചിത്രയ്ക്കുമൊപ്പം കഴിക്കാൻ സുപ്രിയക്ക് വീട്ടിലേക്കു ക്ഷണം ലഭിക്കുകയായിരുന്നു. എന്നാൽ അന്ന് ഷൂട്ടിംഗ് തിരക്കിലായ പൃഥ്വിരാജിന് ഒപ്പം കൂടാൻ കഴിഞ്ഞില്ല

കഴിഞ്ഞ ദിവസം പൃഥ്വിരാജിന്റെ വീട്ടിലെ അതിഥികളായിരുന്നു മോഹൻലാലും ദുൽഖർ സൽമാനും

കഴിഞ്ഞ മാസം പൃഥ്വിരാജിന്റെ വീട്ടിൽ വച്ച് നടന്ന ദുൽഖർ സൽമാന്റെ പിറന്നാൾ ആഘോഷം