അന്ന് അച്ഛനൊപ്പം, ഇന്ന് തനിക്കൊപ്പം; മമ്മൂട്ടിക്കൊപ്പമുള്ള ചിത്രം പങ്കുവെച്ച് പൃഥ്വിരാജ്

മലയാളത്തിന്റെ മെഗാ സ്റ്റാർ മമ്മൂട്ടിക്കൊപ്പമുള്ള പൃഥ്വിരാജിന്റെ ചിത്രം കണ്ട ആവേശത്തിലാണ് ആരാധകർ. വർഷങ്ങൾക്ക് മുമ്പ് പിതാവ് സുകുമാരനൊപ്പമുള്ള മമ്മൂട്ടിയുടെ ചിത്രവും ഇപ്പോൾ തനിക്കൊപ്പമുള്ള ചിത്രവുമാണ് പൃഥ്വി സോഷ്യൽമീഡിയയിലൂടെ പങ്കുവെച്ചിരിക്കുന്നത്. (Instagram/Prithviraj)

രണ്ട് തലമുറയിലെ പ്രധാന താരങ്ങൾക്കൊപ്പമുള്ള മലയാളികളുടെ പ്രിയനടന്റെ ചിത്രം ആരാധകർ ഇരു കൈയ്യും നീട്ടിയാണ് സ്വീകരിച്ചിരിക്കുന്നത്. ചിത്രത്തിന് ദുൽഖർ സൽമാനും പൃഥ്വിരാജിന്റെ ഭാര്യ സുപ്രിയ മേനോനും കമന്റും നൽകിയിട്ടുണ്ട്.(Instagram/Prithviraj)

തങ്ങളുടെ മകൾ അല്ലിക്കൊപ്പമുള്ള മമ്മൂട്ടി ചിത്രം കൂടി വേണമെന്നാണ് സുപ്രിയയുടെ കമന്റ്. സിനിമാ കുടുംബത്തിലെ പുതിയ തലമുറയിലെ ഇളമുറക്കാരിക്കൊപ്പം മെഗാസ്റ്റാറിന്റെ ചിത്രം ഉടൻ കാണാനാകുമെന്ന് പ്രതീക്ഷിക്കാം.(Instagram/Prithviraj)

പൃഥ്വി പങ്കുവെച്ച ചിത്രങ്ങൾ തമ്മിൽ വർഷങ്ങളുടെ അന്തരമുണ്ടെങ്കിലും അതിൽ മായാതെ നിൽക്കുന്നത് മമ്മൂട്ടിയുടെ സൗന്ദര്യവും യൗവനവും മാത്രമാണെന്നാണ് ആരാധകർ പറയുന്നത്.(Instagram/Prithviraj)

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫറിന്റെ രണ്ടാംഭാഗമായ എമ്പുരാന് ശേഷം മമ്മൂട്ടിയെ നായകനാക്കി പൃഥ്വി സിനിമയെടുക്കുമെന്ന് വാർത്തകളുണ്ടായിരുന്നു. മുരളി ഗോപി തന്നെയായിരിക്കും ഈ ചിത്രത്തിനും തിരക്കഥയൊരുക്കാൻ എന്നാണ് സൂചന. (Instagram/Prithviraj)

സുകുമാരനും മമ്മൂട്ടിയും ഒന്നിച്ചഭിനയിച്ച മലയാളികളുടെ പ്രിയങ്കരമായ ഒരുപിടി ചിത്രങ്ങൾ ഉണ്ട്. മമ്മൂട്ടിയും പൃഥ്വിരാജും ഒന്നിച്ചഭിനയിച്ച സിനിമയും ആരാധകർ ഇരു കൈയ്യും നീട്ടിയാണ് സ്വീകരിച്ചത്. ഇനി മമ്മൂട്ടിയെ നായകനാക്കി പൃഥ്വി ഒരുക്കുന്ന ചിത്രത്തിനായുള്ള കാത്തിരിപ്പിലാണ് ആരാധകർ. (Instagram/Prithviraj)

വൈശാഖ് സംവിധാനം ചെയ്ത 2010 ൽ പുറത്തിറങ്ങിയ പോക്കിരി രാജയിൽ മമ്മൂട്ടിയും പൃഥ്വിരാജും ഒന്നിച്ച് അഭിനയിച്ചിരുന്നു. പൃഥ്വിരാജ് ഇതിൽ മമ്മൂട്ടിയുടെ സഹോദരന്റെ വേഷത്തിലാണ് അഭിനയിച്ചത്.(Instagram/Prithviraj)

രതീഷ് അമ്പാട്ട് സംവിധാനം ചെയ്യുന്ന തീർപ്പാണ് പൃഥ്വിരാജ് ഇപ്പോൾ അഭിനയിച്ചുകൊണ്ടിരിക്കുന്ന ചിത്രം. പൃഥ്വിരാജും ഇന്ദ്രജിത്തും ഒന്നിച്ചഭിനയിക്കുന്ന ചിത്രത്തിന്റെ പൂജ കടവന്ത്രയിൽ ദിവസങ്ങൾക്ക് മുമ്പ് കഴിഞ്ഞിരുന്നു. ചിത്രത്തിന്റെ തിരക്കഥ മുരളി ഗോപിയുടേതാണ് (Instagram/Prithviraj)

അമൽ നീരദ് സംവിധാനം ചെയ്യുന്ന ഭീഷ്മ പർവമാണ് മമ്മൂട്ടിയുടെ ഏറ്റവും പുതിയ ചിത്രം. നടിമാരായ നസ്രിയ നസീം, ജ്യോതിര്‍മയി എന്നിവർ ക്ലാപ്പ് ബോര്‍ഡ് അടിച്ചാണ് സിനിമയ്ക്ക് തുടക്കമായത്. 13 വര്‍ഷത്തെ ഇടവേളയ്ക്ക് ശേഷമാണ് മമ്മൂട്ടിയും അമല്‍ നീരദും ഒന്നിക്കുന്നത്.

അമൽ നീരദിന്റെ ബിഗ് ബിയുടെ രണ്ടാം ഭാഗമായി ബിലാൽ പ്രഖ്യാപിച്ചിരുന്നു. എന്നാൽ അതിന് മുമ്പ് ഭീഷ്മ പർവം പുറത്തിറങ്ങും.