പ്രിയാ കുഞ്ചാക്കോയുടെ പിറന്നാൾ സമ്മാനം കണ്ടോ? കടുത്ത മമ്മൂട്ടി ആരാധികയെക്കുറിച്ചുള്ള പോസ്റ്റുമായി ചാക്കോച്ചൻ

കുഞ്ചാക്കോ ബോബന്റെ വീട്ടിലെ കടുത്ത മമ്മൂട്ടി ആരാധികയാണ് ഭാര്യ പ്രിയ കുഞ്ചാക്കോ. മമ്മുക്കയുടെ എഴുപതാം പിറന്നാളിന് സ്‌പെഷൽ പോസ്റ്റും പ്രിയ ഒരുക്കിയ സമ്മാനവുമായി ചാക്കോച്ചൻ സോഷ്യൽ മീഡിയയിൽ രാവിലെ തന്നെ എത്തി

ചാക്കോച്ചൻ കുറിച്ച വാക്കുകൾ ഇങ്ങനെ: "എനിക്കും എന്റെ കുടുംബത്തിനും മികച്ച ഉപദേഷ്ടാവ്, വഴികാട്ടുന്ന വെളിച്ചം, അധ്യാപകൻ, മൂത്ത സഹോദരൻ, ഒരു യഥാർത്ഥ അഭ്യുദയകാംഷി ഒക്കെയാണ് താങ്കൾ. താങ്കളോടുള്ള എന്റെ സ്നേഹവും ബഹുമാനവും അനുദിനം വളരുന്നു. ചലച്ചിത്രമേഖലയിൽ പ്രവേശിക്കാൻ ആഗ്രഹിക്കുന്ന എല്ലാവർക്കും മങ്ങാത്ത പ്രചോദനവും മാതൃകയുമാണ് താങ്കൾ...(തുടർന്ന് വായിക്കുക)

'ദൈവം എന്നേക്കും താങ്കളെ കൂടുതൽ  അനുഗ്രഹിക്കട്ടെ. ഹാപ്പി ബർത്ത്ഡേ പ്രിയപ്പെട്ട മമ്മൂക്ക. താങ്കളുടെ ഏറ്റവും വലിയ ഫാൻ പ്രിയ കുഞ്ചാക്കോയുടെ ആശയമാണ് ഈ കേക്ക്' എന്ന് പറഞ്ഞുകൊണ്ട് പ്രിയ പറഞ്ഞു ചെയ്യിച്ച കേക്കിന്റെ ചിത്രം പോസ്റ്റ് ചെയ്‌തു. ഈ മമ്മുക്കയെ മുൻപ് കണ്ട പരിചയമുണ്ടോ? ഇല്ലെങ്കിൽ ചുവടെ കാണുന്ന ചിത്രം നോക്കുക

മമ്മൂട്ടി സ്വന്തം വീടിന്റെ സ്വീകരണ മുറിയിലെ സോഫയിൽ ഇരിക്കുന്ന ചിത്രമാണ് പ്രിയ കേക്കിൽ പതിപ്പിച്ചത്

മമ്മൂട്ടിയും ദുല്ഖറും ചാക്കോച്ചന്റെ മകൻ ഇസയുടെ മാമ്മോദീസ ചടങ്ങിൽ കുടുംബ സമേതം

മകൻ ഇസയുടെ രണ്ടാം പിറന്നാളിന് ഒരുക്കിയ കേക്കുമായി ചാക്കോച്ചനും പ്രിയയും