തെലുങ്ക് ചിത്രത്തിന്റെ ടീസർ പങ്കുവെച്ച് നായകൻ; പിന്നാലെ ട്രെന്റിങ്ങായത് പ്രിയ വാര്യർ

ഒറ്റപ്പാട്ടിൽ  ലോകം മുഴുവൻ വൈറലായ താരമാണ് പ്രിയ പ്രകാശ് വാര്യർ. ഒരു അഡാർ ലൗ എന്ന ചിത്രത്തിലെ ഗാനത്തിൽ പ്രിയയുടെ കണ്ണിറുക്കൽ ആരും മറന്നു കാണില്ല. 2018 ലായിരുന്നു തൃശ്ശൂർകാരി പെൺകുട്ടി ഇന്ത്യയിലേയും ലോകോത്തര തലത്തിൽ തന്നെ ശ്രദ്ധിക്കപ്പെട്ടത്. ആ വർഷം ഗൂഗിളിൽ ഏറ്റവും കൂടുതൽ പേർ സെർച്ച് ചെയ്തത് പ്രിയയെ കുറിച്ചായിരുന്നു.

ഇൻസ്റ്റഗ്രാമിൽ എഴുപത് ലക്ഷം പേരാണ് പ്രിയയെ ഫോളോ ചെയ്യുന്നത്. ഇതിൽ മലയാളികളേക്കാൾ കൂടുതൽ അന്യ ഭാഷയിലുള്ള ആരാധകരാണ്. പ്രിയയുടെ ഓരോ പുതിയ ഫോട്ടോകളും സോഷ്യൽമീഡിയയിൽ വൈറലാണ്.(Image: Instagram)

ആദ്യ ചിത്രത്തിലെ ഗാനത്തിൽ ലഭിച്ച പ്രാധാന്യം ചിത്രം ഇറങ്ങിയപ്പോൾ പ്രിയയ്ക്ക് ലഭിച്ചിരുന്നില്ല. എങ്കിലും മലയാളം കടന്ന് അങ്ങ് ബോളിവുഡിൽ വരെ അഭിനയിച്ചിരിക്കുകയാണ് താരം. പ്രിയ നായികയാകുന്ന തെലുങ്ക് ചിത്രവും റിലീസ് ഒരുങ്ങുകയാണ്. (image: Instagram)

തെലുങ്കിലെ ശ്രദ്ധേയനായ യുവതാരം നിതിൻ നായകനാകുന്ന ചെക്ക് എന്ന ചിത്രത്തിൽ പ്രിയയാണ് നായിക. രാകുൽ പ്രീത് സിങ്ങും ചിത്രത്തിൽ പ്രധാന വേഷത്തിൽ എത്തുന്നുണ്ട്. (Image: Instagram)

കഴിഞ്ഞ ദിവസം നിതിൻ ചിത്രത്തിന്റെ ടീസർ പുറത്തുവിട്ടിരുന്നു. ഇതിന് പിന്നാലെ ട്വിറ്ററിൽ ട്രെന്റിങ്ങായതും പ്രിയ തന്നെ. പ്രിയയുടെ പഴയ കണ്ണിറുക്കൽ വീഡിയോ ആണ് ആരാധകർ വീണ്ടും വീണ്ടും ട്വീറ്റ് ചെയ്തുകൊണ്ടിരിക്കുന്നത്. (Image: Instagram)

ടീസറിൽ നിതിനെ കൂടാതെ രാകുൽ പ്രീതിന്റെ ദൃശ്യമാണുള്ളത്. പ്രിയയുടെ ദൃശ്യങ്ങൾ ഉൾപ്പെടുത്താതെയാണ് ടീസർ പുറത്തുവിട്ടിരിക്കുന്നതും. എന്നിട്ടും ട്രെന്റിങ്ങിൽ ഇടം പിടിച്ചത് ഈ മലയാളി താരം തന്നെ. (Image: Instagram)

നേരത്തേ, നിതിനും പ്രിയയും ഒന്നിച്ചുള്ള ചിത്രത്തിന്റെ ഫസ്റ്റ് പോസ്റ്റർ വൈറലായിരുന്നു. (Image: Instagram)

ബോളിവുഡിൽ പ്രിയ നായികയാകുന്ന ശ്രീദേവി ബംഗ്ലാവും റിലീസാനായുള്ള ഒരുക്കത്തിലാണ്. (Image: Instagram)