പ്രിയങ്ക ചോപ്ര മാത്രമല്ല, പുകവലിക്കുന്ന ബോളിവുഡ് നടിമാര്‍ വേറെയുമുണ്ട്; വൈറൽ ചിത്രങ്ങൾ

കൈയിൽ സിഗററ്റുമായി ഭർത്താവ് നിക്ക് ജോനസിനൊപ്പം ഇരിക്കുന്ന പ്രിയങ്കയുടെ ഫോട്ടോയാണ് സോഷ്യൽമീഡിയയിൽ വിമർശനവിധേയമായത്. ആസ്ത്മ ബാധിതയാണെന്ന് തുറന്നുപറയുക മാത്രമല്ല, ഇതുമായി ബന്ധപ്പെട്ട ബോധവൽക്കരണ പരസ്യങ്ങളിലും പ്രിയങ്ക മുൻപ് പ്രത്യക്ഷപ്പെട്ടിരുന്നു. ഇതിന്റെ പേരിലാണ് പ്രിയങ്കയുടെ ചിത്രം ട്രോളന്മാരുടെ ആക്രമണത്തിന് വിധേയമായത്. എന്നാൽ പുകവലിയുടെ പേരിൽ വിമർശനവിധേയരായ വേറെയും നടികൾ ബോളിവുഡിലുണ്ട്.

ന്യൂയോർക്ക്  വീഥികളിൽ പാകിസ്ഥാനി നടി മാഹിറഖാനും നടൻ രൺബീർ കപൂറും പുകവലിക്കുന്ന ചിത്രം വൈറലായിരുന്നു. ഇരുവരും പ്രണയത്തിലാണെന്ന തരത്തിലുള്ള പ്രചാരണങ്ങളും അന്ന് സോഷ്യൽമീഡിയയിൽ സജീവമായിരുന്നു.

ശരീരത്തിന്റെ ഫിറ്റ്നസ് കാത്തുസൂക്ഷിക്കുന്നതിൽ ശ്രദ്ധാലുവാണ് നടി സുഷ്മിത സെൻ. പുകവലിക്കുന്ന ഈ ചിത്രത്തിന്റെ പേരിൽ സുഷ്മിതക്കും ഏറെ വിമർശനങ്ങൾ കേള്‍ക്കേണ്ടിവന്നിരുന്നു.

പൊതുസ്ഥലങ്ങളിൽ പുകവലിക്കുന്ന നടി മനീഷ കൊയിരാളയുടെ പല ചിത്രങ്ങളും  പുറത്തുവന്നിട്ടുണ്ട്. എന്നാൽ അർബുദ ബാധയെ തുടർന്ന്  പുകവലി ശീലം നടി ഉപേക്ഷിക്കുകയായിരുന്നു.

കപിൽ ശർമ ഷോയിലൂടെ ശ്രദ്ധേയയായ നടി സുമോണ ചക്രബർത്തിയും പുകവലിക്കാറുണ്ട്. സെറ്റുകളിൽ പുകവലിക്കുന്ന സുമോണയുടെ ചിത്രങ്ങളും നേരത്തെ വൈറലായിട്ടുണ്ട്.

ടെലിവിഷൻ താരം സാറാ ഖാന്റെ പുകവലി ചിത്രങ്ങളും സോഷ്യൽമീഡിയയിൽ വൈറലായിരുന്നു.

കൈയിൽ സിഗററ്റ് പാക്കറ്റുമായുള്ള നടി തനീഷ മുഖർജിയുടെ ചിത്രവും ഏറെ ചർച്ചയായിരുന്നു.