Priyanka Chopra | ആ കുഞ്ഞിനെ വളർത്തണം എന്നാഗ്രഹിച്ചു, അമ്മ എതിർത്തു: പ്രിയങ്ക ചോപ്ര

ജനുവരിയിൽ വാടക ഗർഭപാത്രത്തിലൂടെ പെൺകുഞ്ഞിന്റെ അമ്മയായിരിക്കുകയാണ് നടി പ്രിയങ്ക ചോപ്ര (Priyanka Chopra). മകൾക്ക് മാൽതി മേരി എന്നാണ് പേര് നൽകിയിട്ടുള്ളത്. തന്റെ സ്റ്റൈലിസ്റ്റിന്റെ മകൾ കൃഷ്ണ സ്കൈ ജനിച്ചതുമുതൽ താരം എപ്പോഴും ആ കുഞ്ഞിനൊപ്പം ചെലവഴിച്ചിരുന്നു. എന്നിരുന്നാലും, അവർ ലോകസുന്ദരിയാകുന്നതിനും ഒരു അഭിനേതാവാകുന്നതിനും വളരെ മുമ്പുതന്നെ ഒരു കുഞ്ഞിനെ താലോലിച്ച കാര്യം ഇപ്പോൾ ചർച്ചയാവുകയാണ്

നടനും ഗായകനുമായ ഭർത്താവ് നിക്ക് ജോനസിനും മകൾക്കുമൊപ്പം ലോസ് ഏഞ്ചൽസിലാണ് പ്രിയങ്ക ഇപ്പോൾ താമസിക്കുന്നത്. എൻഡിംഗ് തിംഗ്സ്, ഇറ്റ്സ് ഓൾ കമിംഗ് ബാക്ക് ടു മീ, സിറ്റാഡൽ, ബോളിവുഡ് ചിത്രമായ ജീ ലെ സരാ എന്നിവയിലാണ് അവർ അടുത്തതായി അഭിനയിക്കുന്നത്. തന്റെ പുസ്തകമായ 'അൺഫിനിഷ്ഡ്'ൽ നിന്നുമുള്ള പരാമർശമാണ് ഇപ്പോൾ ചർച്ചകളിൽ ഇടം നേടുന്നത്. ആ കുഞ്ഞാരെന്നും, അവൾ എങ്ങനെ വന്നു എന്നും പ്രിയങ്ക പറയുന്നു (തുടർന്ന് വായിക്കുക)

'അൺഫിനിഷ്ഡ്' എന്ന തന്റെ ഓർമ്മക്കുറിപ്പിൽ ഇങ്ങനെ പറയുന്നു. ഒരു രാത്രി നടി ഉണർന്ന് തന്റെ വീട്ടിലെ ബഹളം എന്താണെന്ന് ശ്രദ്ധിക്കാൻ തുടങ്ങുകയായിരുന്നു. “സിദ് (അനുജൻ) ജനിച്ചപ്പോൾ ഞങ്ങളുടെ കൂടെ താമസിക്കാൻ വന്ന എന്റെ മുത്തശ്ശി എഴുന്നേറ്റു വീടിനു ചുറ്റും ഓടിനടക്കുന്നതായി തോന്നിയ അമ്മയോട് പതിഞ്ഞ സ്വരത്തിൽ സംസാരിച്ചു. ഉറക്കച്ചടവോടെ, ഞാൻ എന്താണ് സംഭവിക്കുന്നതെന്ന് കാണാൻ എഴുന്നേറ്റു...

അടുക്കളയിൽ അമ്മ ഒരു നവജാതശിശുവിനെ തന്റെ കൈകളിൽ വച്ചിരിക്കുന്നത് കണ്ടു. പ്രസവം കഴിഞ്ഞ് ആശുപത്രിക്ക് പുറത്ത് റോഡിൽ പാർക്ക് ചെയ്തിരുന്ന കാറിൽ തിരിച്ചെത്തിയപ്പോൾ ഒരു കുഞ്ഞ് കരയുന്ന ശബ്ദം കേട്ടതായി അമ്മ എന്നോട് പറഞ്ഞു. മഴ ശക്തമായി പെയ്യുന്ന സമയത്ത് ആരോ ഒരു നവജാത ശിശുവിനെ വാഹനത്തിനടിയിൽ ഉപേക്ഷിച്ചു

ആ രാത്രിയിൽ, കുഞ്ഞിനെ ഞങ്ങൾക്ക് വളര്താൻസ് സാധിച്ചെങ്കിൽ എന്ന് ഞാൻ തീവ്രമായി ആഗ്രഹിച്ചു. കുഞ്ഞിനെ എന്റെ സഹോദരന്റെ വസ്ത്രത്തിൽ പൊതിഞ്ഞു. ഞങ്ങൾക്ക് അതിന് കഴിയില്ലെന്ന് അമ്മ സൌമ്യമായി വിശദീകരിച്ചു

കുട്ടികളില്ലാത്ത ദമ്പതികൾക്ക് കുഞ്ഞിനെ നൽകാൻ അമ്മ തീരുമാനിച്ചതായി പ്രിയങ്ക വെളിപ്പെടുത്തി. ദമ്പതികൾക്ക് അവളെ കൈമാറാൻ അവർ കാറിൽ പോകുമ്പോൾ പ്രിയങ്ക കുഞ്ഞിനെ കൈകളിൽ എടുത്തു. "തീർച്ചപ്പെടുത്തേണ്ട നിയമപരമായ രേഖകൾ ധാരാളമുണ്ടായിരുന്നു, പക്ഷേ ആ സമയത്ത് എനിക്ക് അതിനെക്കുറിച്ച് അറിയില്ലായിരുന്നു

കൊടുങ്കാറ്റുള്ള രാത്രിയിൽ ഞങ്ങൾ കാത്തിരിക്കുന്ന ദമ്പതികളുടെ വീട്ടിലേക്ക് പോകുമ്പോൾ കുഞ്ഞിനെ കൈകളിൽ മുറുകെ പിടിക്കുന്നതിൽ ഞാൻ ശ്രദ്ധ കേന്ദ്രീകരിച്ചു. അവരുടെ മുഖത്തെ ഭാവങ്ങൾ ഞാൻ ഒരിക്കലും മറക്കില്ല, നന്ദിയോടെ ആ സ്ത്രീ മുട്ടുകുത്തി വീണത് ഞാൻ ഓർക്കുന്നു. കനത്ത മഴയിൽ, ഉത്സവമായ ജന്മാഷ്ടമി സമയത്ത് ആ കുഞ്ഞിനെ എടുത്തവർ വിതുമ്പി," പ്രിയങ്ക എഴുതി