വിവാഹം കഴിക്കാൻ തയാറെടുത്തിരുന്നു; വഞ്ചകനായ കാമുകന് ഒടുവിൽ രഞ്ജിനി ഹരിദാസ് നൽകിയത് എട്ടിന്റെ പണി

മലയാള അവതരണ രംഗത്തെ വേറിട്ട ശൈലിയുടെ ഉടമയാണ് രഞ്ജിനി ഹരിദാസ്. മണിമണി പോലെ ഇംഗ്ലീഷ് കൈകാര്യം ചെയ്യുന്ന, ആരെയും കൂസാത്ത രഞ്ജിനിക്ക് ആരാധകർ ഏറെയാണ്. അതുപോലെ തന്നെ വിമർശകരും. ഇത്രയും നാളായിട്ടും എന്തുകൊണ്ട് രഞ്ജിനി വിവാഹം കഴിക്കുന്നില്ല എന്ന് ചോദിച്ചവർക്ക് രഞ്ജിനി തന്നെ മറുപടി നൽകുന്നു. രഞ്ജിനി ഇക്കാര്യത്തെപ്പറ്റി ഒരു ചാനൽ അഭിമുഖത്തിൽ പറഞ്ഞ വീഡിയോ സോഷ്യൽ മീഡിയയിൽ വൈറലാവുകയാണ്

വിവാഹം കഴിക്കണം എന്ന് തീരുമാനിച്ചുറപ്പിച്ച ഒരു കാമുകനുണ്ടായിരുന്നു രഞ്ജിനിക്ക്. അച്ഛനെ നഷ്‌ടപ്പെട്ട്‌ അമ്മയുടെ തണലിൽ വളർന്ന രഞ്ജിനിക്ക് അയാൾ നൽകി പോന്ന കരുതലാണ് രഞ്ജിനിയെ ഏറെ ആകർഷിച്ചത്. കൂടാതെ അയാളുടെ വീട്ടിൽക്കൊണ്ടു പോയി മാതാപിതാക്കൾക്കും സഹോദരിക്കും രഞ്ജിനിയെ പരിചയപ്പെടുത്തി കൊടുക്കുകയും ചെയ്തിരുന്നു

തന്നെപ്പോലെ തന്നെ കരുത്തനായ വ്യക്തിയായിരുന്നു അയാൾ എന്ന് രഞ്ജിനി. അതുകൊണ്ടു തന്നെ അയാൾ പറയുന്ന കാര്യങ്ങൾ അനുസരിക്കാനോ ചെവിക്കൊള്ളാനോ രഞ്ജിനിക്ക് താത്പ്പര്യമായിരുന്നു  ഒടുവിൽ അയാൾക്ക് മറ്റൊരു പെൺകുട്ടിയുമായി ബന്ധമുണ്ട് എന്ന് കണ്ടെത്തി. ഇതറിഞ്ഞതും രഞ്ജിനി വളരെ വ്യത്യസ്തമായാണ് പ്രതികരിച്ചത്

ഒന്ന് കാണണമെന്ന് പറഞ്ഞ ശേഷം, അയാളുടെ വീട്ടിൽ അവളെയും കൂട്ടി പോയി. ഞാൻ പിന്മാറുന്നു, പക്ഷെ കുട്ടിക്ക് വേണമെങ്കിൽ ഈ ബന്ധം ഇയാളുമൊത്തു തുടരാം എന്ന് പെൺകുട്ടിയോട് രഞ്ജിനി പറഞ്ഞു. ദേഷ്യത്തിൽ അയാളുടെ വീട്ടിലെ പലതും തല്ലിപ്പൊട്ടിച്ചു. തീർന്നില്ല

ഒക്കെയും കഴിഞ്ഞ ശേഷമാണ് എല്ലാം ആ പെൺകുട്ടി വാങ്ങി നല്കിയതായിരുന്നു എന്ന് അറിയുന്നത്. അഞ്ചു ലക്ഷത്തോളം വിലവരുന്ന വസ്തുക്കൾ ഉണ്ടായിരുന്നു. അവൾ വാങ്ങി കൊടുത്ത വസ്തുക്കളുടെ വിലവിവരം രഞ്ജിനിയും ഒപ്പമിരുന്നു കണക്കെടുത്തു. ഒടുവിൽ ആ തുക മുഴുവനും അയാളുടെ പക്കൽ നിന്നും തിരികെ വാങ്ങാൻ കഴിഞ്ഞില്ലെങ്കിലും 50,000 രൂപ രഞ്ജിനി മുൻകൈ എടുത്തു തിരികെ കൊടുപ്പിച്ചു

ആ വേർപിരിയൽ ഒരു ഷോക്ക് ആയിരുന്നെങ്കിലും അയാൾ പോയതിൽ സന്തോഷമേയുള്ളൂ എന്നും അങ്ങനെ ഒരാൾക്കൊപ്പം ജീവിക്കാൻ സാധിക്കില്ലായിരുന്നെന്നും രഞ്ജിനി പറയുന്നു. അതിന് ശേഷം മറ്റൊരാളെ വിശ്വസിക്കാൻ തന്നെക്കൊണ്ടായില്ലെന്നും രഞ്ജിനി പറയുന്നു