ഒരു വർഷത്തെ മാഡ്‌നെസ്സ്; തങ്ങൾക്ക് രണ്ടു പേർക്കും ആശംസ അർപ്പിച്ച് രഞ്ജിനി ഹരിദാസ്

ഒരു വർഷത്തെ മാഡ്‌നെസ്സ്, ഇനിയും വർഷങ്ങൾ വരാനിരിക്കുന്നു. ആരാധകരെ കൺഫ്യൂഷൻ ആക്കിക്കൊണ്ടുള്ള രഞ്ജിനി ഹരിദാസിന്റെ പോസ്ടാണിത്. ഒപ്പം ഒരാൾ കൂടിയുണ്ട്. ഇപ്പോൾ ദമ്പതികൾക്കായുള്ള റിയാലിറ്റി ഷോയുടെ അവതാരകയാണ് രഞ്ജിനി. തന്റെ ഒപ്പമുള്ളയാളെക്കുറിച്ച് രഞ്ജിനി കൂടുതലൊന്നും പറഞ്ഞിട്ടുമില്ല താനും

ഇദ്ദേഹത്തിന്റെ പേര് ശരത് പുളിമൂട് എന്നാണ് ഇൻസ്റ്റഗ്രാമിൽ രേഖപ്പെടുത്തിയിരിക്കുന്നത്. രഞ്ജിനി പ്രണയത്തിലാണോ, വിവാഹം ചെയ്യുമോ എന്ന കാര്യമൊന്നും ഇതുവരെ തുറന്നു പറഞ്ഞിട്ടുമില്ല. പക്ഷെ ഈ കൂട്ടുകെട്ട് തുടങ്ങിയത് എപ്പോൾ എന്ന കാര്യം പോസ്റ്റിനൊപ്പമുണ്ട് (തുടർന്ന് വായിക്കുക)

ലവ്, ലൈഫ്, ലോക്ക്ഡൗൺ സ്റ്റോറി എന്നൊക്കെയാണ് രഞ്ജിനി നൽകിയിരിക്കുന്ന ക്യാപ്‌ഷനിലെ ഹാഷ്ടാഗുകൾ. അതുകൊണ്ടു തന്നെ സംശയവുമായി ആരാധകർ കമന്റ് സെക്ഷനിൽ എത്തിയിട്ടുണ്ട്. ആ സന്തോഷ വാർത്ത രഞ്ജിനി ഉടനെ എങ്ങാനും പുറത്തുവിടുമോ എന്നു കാത്തിരുന്നാൽ മാത്രമേ അറിയാൻ സാധിക്കൂ

അവതാരക, നടി, ഗായിക; ഇതിലുപരിയായി രഞ്ജിനിയെ പ്രേക്ഷകർ കൂടുതൽ അടുത്തറിഞ്ഞത് ബിഗ് ബോസ് മത്സരത്തിലൂടെയാണ്. ബിഗ് ബോസ് മലയാളം ആദ്യ സീസണിലെ മത്സരാർത്ഥിയായിരുന്നു രഞ്ജിനി. ഇന്നും ബിഗ് ബോസ് സഹയാത്രികർക്കൊപ്പം രഞ്ജിനി സമയം ചിലവിടാറുണ്ട്

ഇപ്പോൾ അവതരിപ്പിക്കുന്ന റിയാലിറ്റി ഷോയിൽ രഞ്ജിനി അമ്മയെ കൂട്ടി എത്തിയിരുന്നു. പക്ഷെ അവിടെയും പ്രണയത്തിന്റെയോ, വിവാഹത്തിന്റെയോ കാര്യങ്ങൾ രഞ്ജിനി പറഞ്ഞിരുന്നില്ല

ബിഗ് ബോസിൽ മോഹൻലാലിനൊപ്പം രഞ്ജിനി ഹരിദാസ്. പരിപാടിയിലെ ശ്രദ്ധേയ മത്സരാർഥികളിൽ ഒരാളായിരുന്നു രഞ്ജിനി

നല്ലൊരു മൃഗസ്നേഹി കൂടിയാണ് രഞ്ജിനി. രഞ്ജിനിക്ക് സ്വന്തമായി ഒട്ടേറെ വളർത്തു നായ്ക്കളുണ്ട്. ഇവരുടെ അവകാശ സംരക്ഷണത്തിനും രഞ്ജിനി വാദിക്കാറുണ്ട്

രഞ്ജിനിയും സഹോദരനും അവരുടെ ആദ്യത്തെ വളർത്തു നായക്കൊപ്പം

അച്ഛന്റെ ഛായാചിത്രത്തിനൊപ്പം രഞ്ജിനി

കോളേജ് കാലത്തെ കലാപരിപാടിക്കിടയിൽ രഞ്ജിനി