Kajol | അജയ് ദേവ്ഗണിന്റെ വീടുവിട്ടിറങ്ങും എന്ന് ഭീഷണിപ്പെടുത്തിയ കാജോൾ; കാരണം പ്രമുഖ ബോളിവുഡ് നടി

പ്രണയ ബന്ധങ്ങളും കിംവദന്തികളും ബോളിവുഡിൽ സാധാരണമാണ്. അതിന്റെ ഫലമായി നിരവധി വിവാഹ ബന്ധങ്ങൾ തകരുന്നത് നാം കണ്ടിട്ടുണ്ട്. ഷാരൂഖ് ഖാൻ-ഗൗരി, അജയ് ദേവ്ഗൺ-കജോൾ (Ajay Devgn- Kajol), റിതേഷ്-ജെനീലിയ എന്നിവരുൾപ്പെടെ നിരവധി ബോളിവുഡ് ദമ്പതികൾക്ക് ദശാബ്ദങ്ങളായി പരസ്പരം അറിയാം. അവർ നമ്മിൽ പലർക്കും മാതൃകയുമായി. എന്നാൽ അവരുടെ ദാമ്പത്യത്തിൽ പ്രശ്‌നങ്ങളൊന്നും ഉണ്ടായിരുന്നില്ല എന്നല്ല ഇതിനർത്ഥം

ഏപ്രിൽ 2 ന് അജയ് ദേവ്ഗൺ തന്റെ 53-ാം ജന്മദിനം ആഘോഷിക്കുകയാണ്. അജയ്-കജോൾ ദമ്പതികൾ വിവാഹിതരായിട്ട് 23 വർഷമായി. അവരുടെ ജീവിതത്തിൽ നിരവധി ഉയർച്ച താഴ്ചകൾ ഉണ്ടായിട്ടുണ്ട്. പ്രശ്‌നങ്ങൾ പരിഹരിച്ച് മുന്നോട്ട് പോകാനും അവർക്ക് കഴിഞ്ഞു. മുംബൈയിലെ 'വൺസ് അപ്പോൺ എ ടൈം' എന്ന സിനിമയുടെ സെറ്റിൽ വെച്ച് അജയ് ദേവ്ഗൺ പ്രമുഖ ബോളിവുഡ് നായികയെ കണ്ടുമുട്ടിയതോടെയാണ് ഇരുവരുടെയും ദാമ്പത്യ ജീവിതത്തിൽ പ്രശ്നങ്ങൾ ആരംഭിച്ചതെന്ന് മാധ്യമങ്ങൾ റിപ്പോർട്ട് ചെയ്യുന്നു (തുടർന്ന് വായിക്കുക)

ചിത്രത്തിന്റെ ഷൂട്ടിങ്ങിനിടെ അജയ് ദേവ്ഗണും കങ്കണ റണൗത്തും കൂടുതൽ അടുത്തതായി റിപ്പോർട്ടുകൾ പുറത്തുവന്നിരുന്നു. അജയ് ദേവ്ഗന്റെയും കജോളിന്റെയും മക്കളായ നിസയും യുഗും അക്കാലത്താണ് ജനിച്ചത്. റിപ്പോർട്ടുകൾ പ്രകാരം തേജ്, റാസ്കൽസ് എന്നീ ചിത്രങ്ങൾക്ക് കങ്കണയുടെ പേര് നിർദ്ദേശിച്ചത് അജയ് ദേവ്ഗൺ ആണ്

സംഭവവികാസങ്ങളെല്ലാം കാജോൾ ശ്രദ്ധിച്ചപ്പോൾ, ഇത് തുടർന്നാൽ കുട്ടികളെയും കൂട്ടി വീടുവിട്ടുപോകുമെന്ന് അജയ് ദേവ്ഗണിനെ ഭീഷണിപ്പെടുത്തുകയും ചെയ്തു. ഒരു അഭിമുഖത്തിൽ അജയ് ദേവ്ഗൺ വിവാഹേതര ബന്ധത്തെക്കുറിച്ചും പറഞ്ഞിരുന്നു

"വിവാഹേതര ബന്ധങ്ങൾ നടക്കില്ലെന്ന് ഞാൻ പറയുന്നില്ല, പക്ഷേ ചിലപ്പോൾ മാധ്യമങ്ങൾ രണ്ട് പേരെ ഒരുമിച്ച് കാണുന്നത് തെറ്റായി വ്യാഖ്യാനിക്കാറുണ്ട്," അജയ് പറഞ്ഞു

“എന്റെ പേര് ആരുമായും ബന്ധപ്പെടുത്താൻ ഞാൻ ആരെയും അനുവദിക്കില്ല. എനിക്ക് എന്റെ ജോലി ഇഷ്ടമാണ്. ഞാൻ അതുകഴിഞ്ഞ് നേരെ വീട്ടിലേക്ക് പോകും," അജയ് ദേവ്ഗൺ പറഞ്ഞു