മൂന്നാം ക്ലാസുകാരിയുടെ മത്തി കവിതയ്ക്ക് റിമ കല്ലിങ്കലിന്റെ അഭിനന്ദനം

മൂന്നാം ക്‌ളാസ്സുകാരി മത്തിയെപ്പറ്റി എഴുതിയ കവിത തന്റെ ഇൻസ്റ്റാഗ്രാം ഹാന്ഡിലിൽ പോസ്റ്റ് ചെയ്ത് അഭിനന്ദനവുമായി നടിയും നിർമ്മാതാവുമായ റിമ കല്ലിങ്കൽ. കുട്ടികളുടെ മനസ്സിൽ നിന്നും വന്ന ക്രിയാത്മക രചനക്ക് ഒരുവരിയിലൊതുക്കിയ അഭിനന്ദനമാണ് റിമയുടേത്

കോവിഡ് പ്രതിസന്ധിക്കാലത്ത് ഏറ്റവുമധികം ദുരിതത്തിലായവരുടെ കൂട്ടത്തിലാണ് മത്സ്യ തൊഴിലാളികൾ. കടലോര പ്രദേശങ്ങളിൽ കോവിഡ് വ്യാപിച്ചതോടെ പലയിടങ്ങളിലും മത്സ്യ ലഭ്യതപോലും ഇല്ലാതെയായി. തിരുവനന്തപുരത്തെ അവസ്ഥ തന്നെ ഒരുദാഹരണം. ഇഷ്‌ട മീനായ മത്തി കിട്ടാതായ  കുട്ടിയുടെ ദുഃഖമാണ് ഈ കുട്ടിക്കവിതയിൽ. ആ പോസ്റ്റ് ചുവടെ കാണാം:

'മത്തീ നീ എവിടെ' എന്ന തലക്കെട്ടോടെയാണ് കവിത ആരംഭിക്കുന്നത്. 'മത്തീ നീ എവിടെ, ഞങ്ങളുടെ കുട്ടാ' എന്നാണ് ആദ്യ വരി. നാസിയ സലാം ആണ് കവയത്രി 

അടുത്തിടെ മുഹമ്മദ് ഫായിസ് എന്ന കുട്ടിയുടെ പ്രശസ്തമായ വാചകവും റിമ അഭിനന്ദിച്ചിരുന്നു

'വൈറസ്' എന്ന സിനിമയിലെ വേഷമാണ് ഏറ്റവും ഒടുവിൽ റിമ ചെയ്തത്. നിപ പോരാട്ടത്തിനിടെ ജീവൻപൊലിഞ്ഞ നേഴ്സ് ലിനിക്ക് സമാനമായ നേഴ്സ് അഖില എന്ന കഥാപാത്രത്തെയാണ് റിമ അവതരിപ്പിച്ചത്

അടുത്തതായി 'ഹാഗർ' എന്ന ചിത്രമാണ്. ഷറഫുദീനാണ് നായക കഥാപാത്രത്തെ ചെയ്യുന്നത്. ആഷിഖ് അബു ഈ സിനിമയുടെ ഛായാഗ്രാഹകനായി എത്തും