'കാന്താരാ എന്റെ ഏറ്റവും വലിയ സിനിമ'; 'ലോ ബജറ്റ്' ചിത്രമെന്ന് വിളിച്ച് ആക്ഷേപിച്ചവരോട് ഋഷബ് ഷെട്ടി

തന്റെ ഏറ്റവും പുതിയ കന്നഡ ബ്ലോക്ക്ബസ്റ്റർ ചിത്രം കാന്താര ഒരു 'ലോ-ബജറ്റ്' സിനിമയാണെന്ന് വിശ്വസിക്കുന്നവരോട് ഋഷബ് ഷെട്ടി യോജിക്കുന്നില്ല, 16 കോടി രൂപ ബജറ്റിൽ നിർമ്മിച്ച കാന്താര ബോക്‌സ് ഓഫീസിൽ 400 കോടിയിലധികം കളക്ഷൻ നേടിയതായാണ് റിപ്പോർട്ട്. എല്ലാ ഭാഷകളിലും ഈ ചിത്രം ഈ വർഷത്തെ ഏറ്റവും വിജയകരമായ ചിത്രങ്ങളിലൊന്നായി മാറിക്കഴിഞ്ഞു.

ചിത്രത്തിന്റെ ബജറ്റിനെക്കുറിച്ച് സംസാരിച്ച ഋഷബ് ഷെട്ടി ഒരു അഭിമുഖത്തിൽ പറഞ്ഞത് തന്നെ സംബന്ധിച്ചിടത്തോളം കാന്താര ഒരു ബിഗ് ബജറ്റ് ചിത്രമാണെന്നാണ്. “എന്റെ അവസാന ചിത്രം കാന്താരയുടെ ബജറ്റിന്റെ 10 ശതമാനം മാത്രമായിരുന്നു. അതുമായി താരതമ്യപ്പെടുത്തുമ്പോൾ, കന്താര തീർച്ചയായും എനിക്ക് ഒരു ബിഗ് ബജറ്റ് ചിത്രമാണ്, ”അദ്ദേഹത്തെ ഉദ്ധരിച്ച് ട്രാക്ക് ടോളിവുഡ് റിപ്പോർട്ട് ചെയ്തു.

കാന്താര സെപ്റ്റംബർ 30നാണ് പുറത്തിറങ്ങിയത്. ഹിന്ദി, തെലുങ്ക്, തമിഴ്, മലയാളം ഭാഷകളിലെ ഡബ്ബ് ചെയ്ത പതിപ്പുകൾ രണ്ടാഴ്ചയ്ക്ക് ശേഷം തിയേറ്ററുകളിൽ എത്തി.

പ്രധാന കഥാപാത്രത്തെ അവതരിപ്പിച്ച ഋഷബ് ഷെട്ടിയാണ് ചിത്രത്തിന്റെ രചനയും സംവിധാനവും നിർവ്വഹിച്ചിരിക്കുന്നത്. ഹോംബാലെ ഫിലിംസിന് കീഴിൽ വിജയ് കിരഗന്ദൂരും ചലുവെ ഗൗഡയും ചേർന്ന് നിർമ്മിച്ച ഈ ചിത്രത്തിൽ ഋഷബ് ഷെട്ടി, സപ്തമി ഗൗഡ, കിഷോർ കുമാർ ജി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ഹിന്ദി പതിപ്പ് ആഴ്ചകളോളം നിരവധി ബോളിവുഡ് റിലീസുകൾക്ക് കടുത്ത മത്സരം നൽകി. പ്രഭാസ്, ധനുഷ്, അനുഷ്‌ക ഷെട്ടി, സിദ്ധാന്ത് ചതുർവേദി, ശിൽപ ഷെട്ടി തുടങ്ങി നിരവധി താരങ്ങൾ ചിത്രത്തെ പ്രശംസിച്ചു.

[caption id="attachment_571011" align="alignnone" width="525"] അടുത്തിടെ, സിനിമാ ഇതിഹാസം കമൽഹാസൻ ഋഷബ് ഷെട്ടിയുടെ കാന്താരയെ പ്രശംസിച്ചു. 2022ൽ തന്റെ മനസ്സ് കീഴടക്കിയ ഒരു സിനിമയാണ് കാന്താരയെന്ന് കമൽഹാസൻ വെളിപ്പെടുത്തി

കാന്താരായുടെ ക്ലൈമാക്സ് കണ്ടിട്ട് രോമാഞ്ചമുണ്ടായെന്നാണ് ബോളിവുഡ് താരം ഋത്വിക് റോഷൻ കഴിഞ്ഞ ദിവസം പറഞ്ഞത്.