മൂന്നാം വിവാഹവും വിവാഹമോചനത്തിന്റെ വക്കിലോ? ദുരൂഹമായ ഇൻസ്റ്റഗ്രാം പോസ്റ്റിൽ നിന്നും നടി ശ്രബന്തിയും ഭർത്താവും വേർപിരിയുന്നു എന്ന് സൂചന

മൂന്നാമതും വിവാഹിതയായ ബംഗാളി താരം ശ്രബന്തി ചാറ്റർജിയും ഭർത്താവും വേർപിരിയുന്നുവെന്ന് സൂചന. ഇക്കഴിഞ്ഞ പൂജ അവധിക്കു മുൻപേ ഇരുവരും പിരിഞ്ഞു താമസിക്കാൻ തുടങ്ങി എന്നാണ് റിപ്പോർട്ട്. കരുത്തയായ ഒരു സ്ത്രീ ഏതു തകർച്ചയും മറികടന്നു ജീവിതത്തിലേക്ക് തിരികെ വരും എന്ന ശ്രബന്തിയുടെ ഇൻസ്റ്റഗ്രാം പോസ്റ്റും ദുരൂഹതയുയർത്തുന്നു

2019 ഏപ്രിൽ മാസത്തിലായിരുന്നു ശ്രബന്തിയും ക്യാബിൻ ക്രൂ സൂപ്പർവൈസറായ റോഷൻ സിങ്ങും വിവാഹിതരായത്. ബംഗാളി മാധ്യമങ്ങളുടെ മുന്നിൽപ്പെടാതെ പഞ്ചാബിലെ അമൃത്സറിൽ വച്ചായിരുന്നു വിവാഹം. ആദ്യ ഭർത്താവ് രാജീവുമായി വേർപിരിഞ്ഞ ശ്രബന്തി കിഷനെ വിവാഹം  ചെയ്തിരുന്നു. ഈ ബന്ധവും പിരിഞ്ഞ ശേഷമാണ്  റോഷനെ വിവാഹം ചെയ്തത്

ശ്രബന്തിയുടെ കുടുംബത്തെ ബഹുമാനിക്കുന്നതാണ് റോഷന്റെ കുടുംബം എന്ന് അന്ന് ശ്രബന്തി പറഞ്ഞിരുന്നു. ശ്രബന്തിക്ക് ഒരു മകനുണ്ട്. റോഷനുമായി നല്ല രീതിയിൽ മകൻ ചേർന്നുപോകുന്നു എന്നും അവർ അക്കാലയളവിൽ പറഞ്ഞു

ഇൻസ്റ്റഗ്രാമിൽ നിന്നും റോഷന്റെ ചിത്രങ്ങളും ശ്രബന്തി നീക്കം ചെയ്ത് കഴിഞ്ഞു. ഇതാണ് വിവാഹമോചനം ഉണ്ടാവുമോ എന്ന ചോദ്യം ഉയർത്തുന്നത്

റോഷനും ശ്രബന്തിയും

വിവാഹ ചിത്രങ്ങൾ ഉൾപ്പെടെ നീക്കം ചെയ്യുകയും, ഇൻസ്റ്റഗ്രാമിൽ അൺഫോളോ ചെയ്യുകയും ചെയ്തിട്ടുണ്ട്

പൂജയ്ക്കു മുൻപ് പിരിഞ്ഞു താമസിക്കാൻ ആരംഭിച്ചു എന്ന കാര്യം പുറത്തു പറഞ്ഞത് റോഷനാണ്