കാരണമെന്ത്? ജൂനിയർ NTR, ജാൻവി കപൂർ ചിത്രത്തിൽ അഭിനയിക്കില്ല എന്ന് സെയ്ഫ് അലി ഖാൻ

ജൂനിയർ എൻ.ടി.ആർ. (Jr NTR), ജാൻവി കപൂർ (Janhvi Kapoor) എന്നിവർ വേഷമിടുന്ന എൻടിആർ -30 എന്ന് വിളിക്കപ്പെടുന്ന സിനിമയിലേക്ക് ബോളിവുഡ് താരം സെയ്ഫ് അലി ഖാനെ (Saif Ali Khan) സമീപിച്ചതായി റിപ്പോർട്ട് വന്നിരുന്നു. എന്നാൽ, സെയ്ഫ് അലി ഖാൻ ഈ ഓഫർ നിരസിച്ചതായി ഇന്ത്യാ ടുഡേയുടെ പുതിയ റിപ്പോർട്ട് സൂചിപ്പിക്കുന്നു

ജൂണിൽ റിലീസ് ചെയ്യാനിരിക്കുന്ന പ്രഭാസ് നായകനായ ആദിപുരുഷിൽ സെയ്ഫ് പ്രതിനായകനായി വേഷമിടുന്നു. ഇതുകൂടാതെ, അജയ് ദേവ്ഗൺ നായകനായ 'തൻഹാജി: ദി അൺസങ് വാരിയർ' എന്ന ചിത്രത്തിലും അദ്ദേഹം ഒരു നെഗറ്റീവ് വേഷം ചെയ്തു. തീരുമാനത്തിന് പിന്നിലെന്താണെന്നും റിപ്പോർട്ടിൽ പരാമർശിക്കുന്നു (തുടർന്ന് വായിക്കുക)

റിപ്പോർട്ട് അനുസരിച്ച്, അദ്ദേഹത്തിന്റെ തീരുമാനത്തിന് കാരണങ്ങളൊന്നും ആരോപിക്കപ്പെട്ടിട്ടില്ല, എന്നാൽ 'ഇപ്പോൾ ഒരു തെന്നിന്ത്യൻ സിനിമയിൽ ഒപ്പിടാൻ അദ്ദേഹം ആഗ്രഹിക്കുന്നില്ല' എന്ന് ഊഹാപോഹമുണ്ട്

അതേസമയം, ജൂനിയർ എൻടിആറിന്റെയും ജാൻവി കപൂറിന്റെയും എൻടിആർ 30 എന്ന് പേരിട്ടിരിക്കുന്ന ചിത്രം കഴിഞ്ഞ മാസം ലോഞ്ച് ചെയ്തു. ജാൻവി കപൂറുമായുള്ള താരകിന്റെ ആദ്യ ചിത്രവും നടിയുടെ ആദ്യ തെലുങ്ക് ചിത്രവും എന്ന പ്രത്യേകതയുമുണ്ട്. രാജമൗലിയാണ് ലോഞ്ച് നിർവഹിച്ചത്

ചടങ്ങിൽ കെജിഎഫ് 2 ഡയറക്ടർ പ്രശാന്ത് നീൽ സന്നിഹിതനായിരുന്നു. NTR 30 സംവിധായകൻ കൊരട്ടാല ശിവ, താരകിനൊപ്പം മറ്റൊരു ചിത്രത്തിനായി വീണ്ടും ഒന്നിക്കുന്നു. “ഇന്ത്യയുടെ വിസ്മൃതമായ ഒരു തീരദേശത്താണ് സിനിമയുടെ പശ്ചാത്തലം. മനുഷ്യരേക്കാൾ കൂടുതൽ രാക്ഷസന്മാർ ഉള്ള ഒരു ലോകത്ത് നമ്മൾ എങ്ങനെ ജീവിക്കുന്നു എന്നതിനെക്കുറിച്ചുള്ള വളരെ വൈകാരികമായ കഥയാണിത്," അദ്ദേഹം പറഞ്ഞു. ചടങ്ങിൽ സംഗീത സംവിധായകൻ അനിരുദ്ധും നിർമ്മാതാക്കളും ഉണ്ടായിരുന്നു