സൈജു കുറുപ്പും ശ്രീജിത്ത് രവിയും; രണ്ടു പതിനഞ്ചുകാരുടെ ആഘോഷത്തിന് വേദിയായി മേപ്പടിയാൻ

മലയാള സിനിമയിൽ രണ്ടു പേർക്ക് പതിനഞ്ചു തികഞ്ഞിരിക്കുന്നു. യാദൃശ്ചികമായി അവർ രണ്ടു പേരും ഒരേ സിനിമയിൽ തന്നെ  വേഷമിടുകയും ചെയ്‌തു. എന്നാൽ പിന്നെ ആഘോഷിക്കാതെ ഇരിക്കാൻ പറ്റുമോ? സൈജു കുറുപ്പിന്റെയും ശ്രീജിത്ത് രവിയുടെയും സിനിമാ പ്രവേശത്തിന്റെ 15 വർഷങ്ങളുടെ ആഘോഷം നടന്നത് മേപ്പടിയാൻ സിനിമയുടെ സെറ്റിലാണ്

രണ്ടുപേർക്കുമായി രണ്ടു വ്യത്യസ്ത കേക്കുകൾ ഒരുങ്ങി. പക്ഷെ ശ്രീജിത്ത് രവി സെറ്റിലെത്താൻ വൈകിയതോടു കൂടി സൈജു മാത്രമാണ് ആഘോഷങ്ങളിൽ പങ്കെടുക്കാൻ സാധിച്ച 15കാരൻ. നായകൻ ഉണ്ണി മുകുന്ദനും നായിക അഞ്ചു കുര്യനും ചേർന്നുള്ള ചടങ്ങിലാണ് വാർഷികാഘോഷം നടന്നത്. ഒപ്പം സെറ്റിലെ അംഗങ്ങളെല്ലാം അണിനിരന്നു

പതിനഞ്ചു വര്ഷം തികഞ്ഞപ്പോൾ ഇരുവരും ഒരു സിനിമയുടെ സെറ്റിൽ തന്നെ ആഘോഷിച്ചു എന്നത് മാത്രമല്ല. ഒരേ സിനിമയിൽ തന്നെയാണ് ഇവർ അഭിനയം ആരംഭിച്ചതും. 2005ൽ പുറത്തിറങ്ങിയ 'മയൂഖം' എന്ന ചിത്രത്തിലാണ് പുതുമുഖങ്ങളായ ഈ രണ്ടുപേരെയും ആദ്യമായി പ്രേക്ഷകർ ബിഗ് സ്‌ക്രീനിൽ കാണുന്നത്. ഹരിഹരൻ സംവിധാനം ചെയ്ത ചിത്രമാണിത്

മേപ്പടിയാൻ സെറ്റിലെ ആഘോഷ ചടങ്ങുകളിൽ നിന്ന്

മേപ്പടിയാൻ സെറ്റിലെ ആഘോഷ ചടങ്ങുകളിൽ നിന്ന്

മേപ്പടിയാൻ സിനിമയുടെ ആദ്യ ദിവസം