Samantha Ruth Prabhu|80 കോടിയുടെ ആസ്തി; ആഢംബര വീടും കാറുകളും; സിനിമാലോകത്ത് സാമന്തയുടെ ജൈത്രയാത്ര

തെന്നിന്ത്യയിൽ നിന്ന് ബോളിവുഡ് വരെ ആരാധകരെ സ്വന്തമാക്കിയ നടിയാണ് സാമന്ത(Samantha Ruth Prabhu). സിനിമാ പാരമ്പര്യമില്ലാത്ത കുടുംബത്തിൽ നിന്നെത്തി കഠിനാധ്വാനത്തിലൂടെ താരറാണി പട്ടം നേടിയ സാമിന്റെ പിറന്നാൾ (Samantha Ruth Prabhu Birthday)ആഘോഷമാക്കുകയാണ് ആരാധകർ.

സാമന്തയുടെ 35ാം പിറന്നാൾ ആണിന്ന്. മോഡലിങ് രംഗത്തു നിന്നാണ് സാമന്ത സിനിമാലോകത്ത് എത്തുന്നത്. കഴിഞ്ഞ ഒരു വർഷത്തിനിടയിൽ സാമന്തയുട കരിയർ ഉയരങ്ങൾ കീഴടക്കുകയാണ്. വ്യക്തിജീവിതത്തിൽ വിവാഹമോചനവും തുടർന്നുള്ള അപവാദ പ്രചരണങ്ങളേയും അതിജീവിച്ചുള്ള സാമന്തയുടെ നേട്ടങ്ങൾ എല്ലാ സ്ത്രീകൾക്കും പ്രചോദനമാണ്.

തെന്നിന്ത്യൻ സിനിമയിൽ ഏറ്റവും കൂടുതൽ പ്രതിഫലം വാങ്ങുന്ന രണ്ടാമത്തെ നടിയാണ് സാമന്ത. നയൻതാര മാത്രമാണ് സാമന്തയേക്കാൾ കൂടുതൽ പ്രതിഫലം വാങ്ങുന്ന നടി. ഇന്ന് സ്വന്തമായുള്ളതെല്ലാം സ്വന്തം അധ്വാനത്തിൽ മാത്രം നേടിയതാണ് സാമന്ത.

സാമന്തയുടെ ആസ്തി ഏകദേശം 80 കോടിയോളം വരുമന്നാണ് റിപ്പോർട്ടുകൾ. ആഢംബര വീടിന് പുറമേ സാമന്ത സ്വന്തമാക്കിയ മറ്റ് ആഢംബര വസ്തുക്കൾ ഏതൊക്കെയാണെന്ന് കൂടി അറിയാം.

ബ്രാൻഡഡ് ഫൂട്ട് വെയറുകളുടേയും ബാഗുകളുടേയും വലിയൊരു ശേഖരം തന്നെ സാമന്തയ്ക്കുണ്ട്. അടുത്തിടെ ഇൻസ്റ്റഗ്രാമിൽ സാം പങ്കുവെച്ച ചിത്രത്തിൽ ധരിച്ചിരിക്കുന്ന ചെരുപ്പിന് മാത്രം 98,000 നും ഒരു ലക്ഷത്തിനും ഇടയിൽ വിലയുണ്ട്.

ഇൻസ്റ്റഗ്രാമിൽ സാം പങ്കുവെക്കുന്ന പോസ്റ്റുകളിൽ താരത്തിന്റെ വേഷവും ബാഗും ആഭരണങ്ങളുമെല്ലാം ആരാധകരുടെ ശ്രദ്ധ പിടിച്ചു പറ്റാറുണ്ട്. സാമന്തയുടെ പക്കലുള്ള ബ്രാൻഡഡ് ബാഗുകളിൽ ഒന്നിന്റെ മാത്രം വില 1.40 ലക്ഷമാണെന്നാണ് റിപ്പോർട്ടുകൾ.

ജഗ്വാർ XF, ഔഡി Q7, പോർഷെ കേമാൻ ജിടിഎസ് തുടങ്ങിയ ആഢംബര കാറുകളാണ് സാമിന് സ്വന്തമായുള്ളത്. ജഗ്വാർ XF ന്റെ മാത്രം വില 72 ലക്ഷമാണ്. 83 ലക്ഷമാണ് ഔഡി Q7 ന്റെ വില. പോർഷെ കേമാൻ ജിടിഎസിനാകട്ടെ 1.46 കോടിയും. ഇതുകൂടാതെ, 2.26 കോടിയുടെ റേഞ്ച് റോവർ, 2.25 കോടി വിലമതിക്കുന്ന Mercedes Benz G63 AMG, 1.42 കോടിയുടെ ബിഎംഡബ്ല്യൂ 7 സീരീസ്, ഇങ്ങനെ നീളുന്നു സാമന്തയുടെ ആഢംബര കാർ ശേഖരം.

ഹൈദരാബാദിൽ അന്നപൂർണ സ്റ്റുഡിയോയ്ക്ക് സമീപമുള്ള ആഢംബര വീട്ടിലാണ് സാമന്തയും വളർത്തുപട്ടികളായ ഹാഷും സാഷയും താമസിക്കുന്നത്.

അഞ്ച് കോടിയാണ് ഒരു ചിത്രത്തിന് സാമന്തയുടെ പ്രതിഫലം. ഇതുകൂടാതെ പല പ്രമുഖ ബ്രാൻഡുകളുടേയും ബ്രാൻഡ് അംബാസിഡർ കൂടിയാണ് താരം.