'പടച്ചോനെ ഇങ്ങള് കാത്തോളി'... ഇത് ഡെഡിക്കേഷന്റെ മറ്റൊരു ലെവൽ

പ്രേക്ഷകർ ഇതിനോടകം പ്രിയ താരങ്ങളുടെ ഫിറ്റ്നസിന്റെ ഓരോരോ ഭാവങ്ങൾ കണ്ടിരിക്കും. പക്ഷേ ഇത്തരമൊരു വേർഷൻ കണ്ടു കാണുമോ എന്ന് സംശയമാണ്. ഇത്രേം കഷ്‌ടപ്പെട്ട് ഫിറ്റ്നസ് നിലനിർത്തുന്ന ആൾ 'പടച്ചോനെ ഇങ്ങള് കാത്തോളി' എന്നാണ് ചിത്രത്തിന് ക്യാപ്‌ഷൻ നൽകിയിരിക്കുന്നത്

ആളെ മനസ്സിലാവണമെങ്കിൽ ഫോൺ തലകീഴായി പിടിക്കണമല്ലേ? സെന്തിൽ കൃഷ്ണ എന്ന മലയാളികളുടെ പ്രിയ രാജാമണിയാണ് ചിത്രത്തിൽ കാണുന്നത്. ആദ്യമായി തന്റെ ഫിറ്റ്നസ് നിലനിർത്താനുള്ള കഷ്‌ടപ്പാടിന്റെ നേർക്കാഴ്ച ആരാധകരെ കൂടി അറിയിക്കുകയാണ് സെന്തിൽ

ചാലക്കുടിക്കാരൻ ചങ്ങാതി, വൈറസ്, ആകാശ ഗംഗ 2 തുടങ്ങിയ സിനിമകളിലെ പ്രകടനത്തോടെ കഴിഞ്ഞ രണ്ടു വർഷക്കാലം സെന്തിൽ പ്രേക്ഷകരുടെ പ്രിയങ്കരനായി മാറിയിരുന്നു

ഈ ലോക്ക്ഡൗൺ നാളുകളിലാണ് സെന്തിലും ഭാര്യയും അവരുടെ കടിഞ്ഞൂൽ കൺമണിയെ വരവേറ്റത്. കാശി എന്നാണ് മകന്റെ പേര്