ഷാരൂഖ് ഖാൻ മുതൽ അല്ലു അർജുൻ വരെ; പ്രൈവറ്റ് ജെറ്റ് സ്വന്തമായുള്ള ഇന്ത്യൻ താരങ്ങൾ

ബോളിവുഡ് കിംഗ് ഖാൻ ഷാരൂഖ് ഖാന്റെ ആഢംബര സ്വത്തുക്കളുടെ നീണ്ട നിരയെ കുറിച്ച് പറഞ്ഞാൽ ഒരുപാടുണ്ടാകും. ബോളിവുഡിലെ ഏറ്റവും വലിയ ബംഗ്ലാവായ മന്നത്ത് എന്ന വീട് മുതൽ പ്രൈവറ്റ് ജെറ്റ് വരെ നീണ്ടു നിൽക്കുന്നതാണത്.

പ്രൈവറ്റ് ജെറ്റിന്റെ ഉടമയായ മറ്റൊരു താരമാണ് ബോളിവുഡിലെ ബിഗ് ബി അമിതാഭ് ബച്ചൻ. ഇക്കണോമിക്സ് ടൈംസ് റിപ്പോർട്ട് അനുസരിച്ച് അമിതാഭ് ബച്ചന്റെ പ്രവൈറ്റ് ജെറ്റിന്റെ വില 260 കോടി രൂപയാണ്.

ബോളിവുഡിൽ നിന്നും ഹോളിവുഡ് വരെ ഖ്യാതി നേടിയ താരമാണ് പ്രിയങ്ക ചോപ്ര. ലോസ് ഏഞ്ചൽസിൽ താമസമാക്കിയ പ്രിയങ്ക ജോലിത്തിരക്കുമായി ലോകത്തിന്റെ പല ഭാഗങ്ങളിലാണ് യാത്ര ചെയ്യുന്നത്. ഏതാനും വർഷം മുമ്പാണ് പ്രിയങ്ക പ്രൈവറ്റ് ജെറ്റ് തന്റെ യാത്രാ സൗകര്യത്തിനായി വാങ്ങിയത്.

ഋത്വിക് റോഷനാണ് പ്രൈവറ്റ് ജെറ്റ് സ്വന്തമായുള്ള മറ്റൊരു ബോളിവുഡ് താരം. യാത്രാ സൗകര്യത്തിനായി താരം കോടികൾ മുടക്കി പ്രൈവറ്റ് ജെറ്റ് വാങ്ങിയെന്നാണ് ഇക്കണോമിക് ടൈംസ് റിപ്പോർട്ട് ചെയ്യുന്നത്.

ബോളിവുഡിൽ മാത്രമല്ല, ഇങ്ങ് തെന്നിന്ത്യൻ സിനിമാ ലോകത്തും പ്രൈവറ്റ് ജെറ്റിൽ യാത്ര ചെയ്യുന്ന താരങ്ങളുണ്ട്. അതിൽ ഒന്നാമൻ മെഗാസ്റ്റാർ ചിരഞ്ജീവിയാണ്.

പ്രൈവറ്റ് ജെറ്റിന്റെ ഉടമയാണ് തെലുങ്ക് സൂപ്പർ താരം അല്ലു അർജുൻ. കുടുംബത്തിനൊപ്പമുള്ള യാത്രയ്ക്ക് പ്രൈവറ്റ് ജെറ്റിനെയാണ് അല്ലു അർജുൻ ആശ്രയിക്കുന്നത്. തന്റെ പുതിയ ചിത്രം പുഷ്പയുടെ രണ്ടാം ഭാഗത്തിനായി 175 കോടിയാണ് താരം പ്രതിഫലമായി വാങ്ങുന്നത്.

80 കോടിയുടെ പ്രൈവറ്റ് ജെറ്റിന‍്റെ ഉടമയാണ് തെലുങ്ക് നടൻ ജൂനിയർ എൻടിആർ. ഇന്ത്യയിൽ ആദ്യമായി ലംബോർഗിനി ഉറുസ് പേൾ കാപ്സ്യൂൾ സ്വന്തമാക്കിയ താരവും ജൂനിയർ എൻടിആർ ആണ്. റിപ്പോർട്ടുകൾ അനുസരിച്ച് 440 കോടിയാണ് താരത്തിന്റെ ആസ്തി.