മകന്റെ ഭാര്യയ്ക്ക് 20 കാരറ്റിന്റെ വജ്രം നൽകുമെന്ന് ശില്പ ഷെട്ടി; ഈ നിബന്ധന പാലിച്ചാൽ

അഭിനേതാവാണെങ്കിലും മക്കൾക്കും കുടുംബത്തിനും പ്രാധാന്യം നൽകുന്ന പ്രകൃതിക്കാരിയാണ് ശില്പാ ഷെട്ടി. ശില്പയ്ക്കും ഭർത്താവ് രാജ് കുന്ദ്രക്കും രണ്ടു മക്കളാണുള്ളത്; ഒരു മകനും മകളും. മകൻ വിയാൻ രാജ് കുന്ദ്ര, മകൾ സമിഷ. ഈ വർഷത്തിന്റെ തുടക്കത്തിൽ വാടക ഗർഭപാത്രത്തിലൂടെയാണ് ശില്പയുടെ കുടുംബത്തിലേക്ക് മകൾ കടന്നു വന്നത്

ആഭരണ പ്രിയയാണ് ശിൽപാ. വിലയേറിയ ആഭരണങ്ങൾ വാങ്ങുമ്പോൾ അത് പാരമ്പര്യമായി തന്റെ തലമുറകളിലേക്ക് കൈമാറണമെന്ന ആഗ്രഹം മനസ്സിൽ വച്ചേ ശില്പ വാങ്ങാറുള്ളൂ. ഭർത്താവ് രാജ് കുന്ദ്ര ആദ്യമായി പ്രൊപ്പോസ് ചെയ്തപ്പോൾ അഞ്ച് ക്യാരറ്റ് മതിപ്പുള്ള ഒരു വജ്രമോതിരമാണ് ശില്പയെ അണിയിച്ചത്

എന്നാൽ ശിൽപയുടെ പക്കൽ ഉള്ളതിൽ ഏറ്റവും വിലകൂടിയത് 20 കാരറ്റിന്റെ വജ്രമാണ്. ആ വജ്രം തന്റെ മകന്റെ ഭാര്യയായി ഭാവിയിൽ വരാനിരിക്കുന്ന പെൺകുട്ടിക്ക് വേണ്ടി ശില്പ കരുതി വച്ചിരിക്കുന്നതാണ്. പക്ഷെ മരുമകൾ ആ വജ്രത്തിന് ഉടമയാവണമെങ്കിൽ ഇനി പറയുന്ന നിബന്ധന പാലിച്ചേ മതിയാവൂ

മരുമകൾ അവളുടെ ഭർത്താവിന്റെ അമ്മയോട് വളരെ നന്നായി പെരുമാറുന്ന ആളാണെങ്കിൽ മാത്രമേ ആ വജ്രം സ്വന്തമാക്കാൻ സാധിക്കും. അല്ലെങ്കിൽ തന്റെ പക്കലുള്ള മറ്റു ചെറിയ ആഭരണങ്ങൾ മാത്രമേ നൽകൂ എന്നും ശില്പ പറഞ്ഞു. അടുത്തിടെ നൽകിയ ഒരു അഭിമുഖത്തിലാണ് ശിൽപ ഇക്കാര്യം വ്യക്തമാക്കിയത്. 2009ലാണ് ശില്പ ഷെട്ടി വിവാഹിതയായത്. മകനിപ്പോൾ എട്ട് വയസ്സുണ്ട്

1993 പുറത്തിറങ്ങിയ 'ബാസിഗർ' എന്ന സിനിമയാണ് ശിൽപ്പയുടെ കന്നിച്ചിത്രം. ആ വർഷം തന്നെ പുതു മുഖത്തിനുള്ള ഫിലിംഫെയർ പുരസ്കാരത്തിന് ശില്പ നോമിനേറ്റ് ചെയ്യപ്പെടുകയും ചെയ്തു. പിന്നെ അങ്ങോട്ട് ശിൽപയ്ക്ക് തിരിഞ്ഞുനോക്കേണ്ടി വന്നിട്ടില്ല

വിവാഹശേഷം വളരെ കുറച്ച് സിനിമകളിൽ മാത്രം പ്രത്യക്ഷപ്പെട്ട ശില്പയുടെ നിക്കമ്മ, ഹംഗാമ 2 തുടങ്ങിയ ചിത്രങ്ങൾ നിർമ്മാണത്തിൽ ഇരിക്കുകയാണ്