സാമന്തയെ 'തേപ്പുകാരിയാക്കിയ' സിദ്ധാർത്ഥിന് ചുട്ട മറുപടി റെഡി; ഉരുളയ്ക്കുപ്പേരിയുമായി ട്വിറ്ററിൽ മറുപടി നൽകി പ്രേക്ഷക

സാമന്ത റൂത്ത് പ്രഭു, നാഗ ചൈതന്യ വിവാഹമോചനത്തിന് ശേഷം സാമന്തയുടെ മുൻകാമുകനായ നടൻ സിദ്ധാർഥ് നടത്തിയ ട്വിറ്റർ പരാമർശം വിവാദമായിരുന്നു. ഒക്ടോബർ രണ്ടാം തിയതിയാണ് സാമന്ത ഇക്കാര്യത്തെക്കുറിച്ചുള്ള ഔദ്യോഗിക വിശദീകരണം നൽകിയത്. തൊട്ടടുത്ത ദിവസം തന്നെ സിദ്ധാർത്ഥിന്റെ പരാമർശവുമെത്തി. പേര് പറഞ്ഞില്ലെങ്കിലും ഉദ്ദേശിച്ചത് ആരെയാണ് എന്ന് ആരാധകർക്ക് മനസ്സിലാവാൻ അധികം വൈകിയില്ല

'സ്കൂളിലെ ടീച്ചറിൽ നിന്നും ആദ്യം പഠിച്ച പാഠം ഇതാണ്. വഞ്ചകർ ഒരിക്കലും അഭിവൃദ്ധി നേടുകയില്ല. നിങ്ങൾക്ക് അതെങ്ങനെയാണ്?' എന്നാണ് സിദ്ധാർഥ് കുറിച്ചിട്ടുള്ളത്. ഇതാണ് സിദ്ധാർത്ഥിന്റെ ട്വീറ്റ്. സാമന്ത മറ്റൊരാളുടെ ഭാര്യയാവുകയും, വിവാഹമോചിതയാവുകയും ചെയ്താലും ഇത്തരം കമന്റ് സിദ്ധാർത്ഥിന്റെ ഭാഗത്തുനിന്നും ഉണ്ടാവേണ്ട കാര്യമില്ല എന്ന് പലരും വിമർശിച്ചു. എന്നാൽ സിദ്ധാർത്ഥിന്റെ മുന്കാമുകനിമാരുടെ പട്ടിക അക്കമിട്ടു പറഞ്ഞുകൊണ്ട് ഒരു പ്രേക്ഷക ഈ ട്വീറ്റിന് മറുപടി നൽകിയിരിക്കുകയാണ് (തുടർന്ന് വായിക്കുക)

'നിങ്ങൾ സോഹ അലി ഖാന് വേണ്ടി ഉപേക്ഷിച്ചപ്പോൾ മുൻഭാര്യ മേഘ്നയും ഇങ്ങനെയാകും ചിന്തിച്ചിരിക്കുക. ശ്രുതി ഹാസന് വേണ്ടി ഉപേക്ഷിച്ചപ്പോൾ സോഹയും അതാവും കരുതിയിട്ടുണ്ടാവുക. സാമന്തക്കു വേണ്ടി ശ്രുതിയെ വിട്ടുപോയപ്പോൾ അവരും അങ്ങനെത്തന്നെയാവും മനസ്സിലാക്കിയിരിക്കുക' എന്നാണ് സ്വാതി ബെല്ലം എന്ന ട്വിറ്റർ ഉപയോക്താവ് നൽകിയ മറുപടി

ഈ മറുപടി ഇപ്പോൾ സോഷ്യൽ മീഡിയയിൽ വൈറലായി മാറിയിരിക്കുകയാണ്. ഇതാണ് അവർ പോസ്റ്റ് ചെയ്ത റിപ്ലൈ

അതേസമയം നാഗചൈതന്യയുമായുള്ള വേർപിരിയലിനെക്കുറിച്ചുള്ള വാർത്തകൾ വന്നുകൊണ്ടിരിക്കുമ്പോൾ തന്നെ നടി മറ്റൊരു ബന്ധത്തിലാണെന്ന വാർത്തയും പുറത്തുവരുന്നുണ്ട് 

സാമന്ത ഒരു ഡിസൈനറുമായി ബന്ധത്തിലാണെന്ന അഭ്യൂഹങ്ങൾ പരക്കുന്നുണ്ട്. എന്നാൽ ഇപ്പോൾ, ഈ രണ്ടുപേരിൽ നിന്നും ഒരു പ്രസ്താവനയും ഇല്ല. കുട്ടികളുടെ വിഷയത്തെച്ചൊല്ലി സാമന്തയും ഭർത്താവുമായി വഴക്കുണ്ടായതായി പറയപ്പെടുന്നുണ്ട്

സാമന്ത മുംബൈയിലേക്ക് മാറിയതായി മാധ്യമ റിപ്പോർട്ടുകൾ ഉണ്ടായിരുന്നു. പക്ഷേ പിന്നീട്, ഒരു ഇൻസ്റ്റഗ്രാം ലൈവ് സെഷനിൽ അവർ എല്ലാ അഭ്യൂഹങ്ങളും നിരസിച്ചു. "മറ്റ് നൂറു കിംവദന്തികൾ പോലെ തന്നെ, ഇതും ശരിയല്ല. ഈ കിംവദന്തി എവിടെ നിന്നാണ് തുടങ്ങിയതെന്ന് എനിക്കറിയില്ല. ഹൈദരാബാദ് എന്റെ വീടാണ്, എപ്പോഴും എന്റെ വീടായിരിക്കും. ഈ സ്ഥലം എനിക്ക് എല്ലാം നൽകുന്നു, ഞാൻ ഇവിടെ സന്തോഷത്തോടെ ജീവിക്കുന്നത് തുടരും," സാമന്ത പറഞ്ഞു

നാലാം വിവാഹ വാർഷികത്തിന് അഞ്ച് ദിവസം മുമ്പാണ് വേർപിരിയുന്നു എന്ന വാർത്ത പുറത്തുവന്നത്. പരസ്പര സമ്മതത്തോടെയാണ് ഇരുവരും വിവാഹമോചനത്തിന് അപേക്ഷിക്കുന്നത്. വൻ തുകയാണ് സാമന്ത റൂത്ത് പ്രഭുവിനു അക്കിനേനി കുടുംബം വാഗ്ദാനം ചെയ്തിട്ടുള്ളതെന്നു ഇന്ത്യ ടുഡേ റിപ്പോർട്ട്  ചെയ്തിരുന്നു. പക്ഷെ സാമന്തയുടെ പ്രതികരണം മറിച്ചായിരുന്നു

സമാന്തയ്ക്ക് 200 കോടി രൂപയാണ് ജീവനാംശം വാഗ്ദാനം ചെയ്തത്. വളരെയധികം ആലോചിച്ച ശേഷം, ജീവനാംശം വേണ്ടെന്ന് പറഞ്ഞ സാമന്ത, ചൈതന്യയിൽ നിന്നോ കുടുംബത്തിൽ നിന്നോ ഒരു രൂപ പോലും എടുക്കാൻ ആഗ്രഹിക്കുന്നില്ല. തന്റെ കഠിനാധ്വാനവും സ്ഥിരോത്സാഹവും കൊണ്ട് നടി ടോളിവുഡിലെ മുൻനിരയിലെത്തിയ ചരിത്രമാണ് അവർക്കുള്ളത്. അതിനാൽ, ഈ വിവാഹത്തിൽ നിന്ന് പണം ആവശ്യമില്ലെന്ന് സാമന്ത തീരുമാനിക്കുകയായിരുന്നു

ഇരുവരും വിവാഹമോചിതരാവുന്നു എന്ന കാര്യം വളരെ മുൻപ് തന്നെ ഗോസിപ് കോളങ്ങളിൽ നിറഞ്ഞിരുന്നു. അപ്പോഴാണ് ഫിലിം കംപാനിയൻ സൗത്തിന് വേണ്ടി അടുത്തിടെ ബരദ്വാജ് രംഗനുമായുള്ള ഒരു അഭിമുഖത്തിൽ നാഗ ചൈതന്യ വിവാഹമോചന വാർത്തകളോട് പ്രതികരിച്ചത്

അദ്ദേഹത്തിന്റെ വ്യക്തിജീവിതം റിപ്പോർട്ടുകളിൽ പരാമർശിക്കപ്പെട്ടിട്ടുണ്ടെന്നും അത് വ്യക്തിപരമായ തലത്തിൽ 'വേദനാജനകമാണെങ്കിൽ' എങ്ങനെയാണ് കൈകാര്യം ചെയ്യുന്നതെന്നും ചോദിച്ചു

"തുടക്കത്തിൽ ഇത് അൽപ്പം വേദനാജനകമായിരുന്നു. എന്തുകൊണ്ടാണ് കാര്യങ്ങൾ ഈ വഴിക്ക് പോകുന്നത് എന്ന് ചിന്തിച്ചു. എന്നാൽ ഇന്നത്തെ കാലഘട്ടത്തിൽ വാർത്തകൾ വാർത്തകൾക്ക് പകരമായി വരും എന്ന് ഞാൻ പഠിച്ചു. അത് ആളുകളുടെ മനസ്സിൽ അധികകാലം നിലനിൽക്കില്ല. യഥാർത്ഥ വാർത്തകൾ, പ്രാധാന്യമുള്ള വാർത്തകൾ, നിലനിൽക്കും. എന്നാൽ ഉപരിപ്ലവമായ, ടിആർപികൾ സൃഷ്ടിക്കാൻ ഉപയോഗിക്കുന്ന വാർത്തകൾ വിസ്മരിക്കപ്പെടുന്നു. ഒരിക്കൽ ഞാൻ ഈ നിരീക്ഷണം നടത്തിയപ്പോൾ, അക്കാര്യങ്ങൾ എന്നെ ബാധിക്കുന്നത് അവസാനിച്ചു," നാഗചൈതന്യ പറഞ്ഞു

ഏറെ നാളുകളായി സോഷ്യൽ മീഡിയയിൽ സമാന്ത - നാഗ ചൈതന്യ ദമ്പതികൾ വേർപിരിയുന്നുവെന്ന പ്രചാരണം ആരംഭിച്ചിട്ട്. 2017 ലാണ് സമാന്ത- നാഗചൈതന്യ വിവാഹം നടന്നത്. അഭിനയ കുടുംബത്തിലെ മരുമകളായി സമാന്ത എത്തിയത് ആഘോഷിക്കപ്പെട്ട കാര്യമായിരുന്നു. എന്നാൽ അടുത്തിടെയായി ഈ ദമ്പതികൾ വേർപിരിയുന്നു എന്ന തരത്തിലാണ് റിപോർട്ടുകൾ പ്രചരിക്കുന്നത്. തുടക്കം കുറിച്ചത് സമാന്തയിൽ നിന്നുമാണ്

സമാന്ത എപ്പോഴും സിനിമയെ സ്നേഹിച്ചിരുന്നു. ചെന്നൈയിലെ ഒരു സാധാരണ കുടുംബത്തിൽ ജനിച്ച സാം സിനിമകളിലൂടെ ഏറെ അംഗീകാരം നേടി. വിവാഹശേഷവും ഗ്ലാമർ ലോകം ഉപേക്ഷിക്കാൻ അവർ ആഗ്രഹിച്ചില്ല

അവർ ഫോട്ടോഷൂട്ടുകളും ഗ്ലാമറസ് വേഷങ്ങളും സ്കിൻ ഷോയും വീണ്ടും വീണ്ടും ചെയ്യുന്നു. പക്ഷേ, ചൈതന്യയും നാഗാർജ്ജുനയും സ്ക്രീനിൽ സമാന്ത അഴകളവുകൾ കാണിക്കുന്നത് ഇഷ്ടപ്പെട്ടില്ല. സമാന്തയുടെ മനസ്സ് മാറ്റാനും അമലയെ പിന്തുടരാനും കുടുംബം പലതവണ ചർച്ച നടത്തിയതായി റിപ്പോർട്ടിൽ പറയുന്നു

പക്ഷേ, ഒന്നും പ്രവർത്തികമായില്ല. അതേ സമയം, സാമന്ത 'ഫാമിലി മാൻ -2' എന്ന പേരിൽ ഒരു വെബ് സീരീസിൽ അഭിനയിച്ചു. പരമ്പരയിൽ അവർ വളരെ ബോൾഡായ ഒരു കഥാപാത്രത്തെ അവതരിപ്പിച്ചു. എന്നിരുന്നാലും ആ വേഷം ശ്രദ്ധേയമായി

ഇത് അക്കിനേനി കുടുംബാംഗങ്ങളെ വളരെയധികം അസ്വസ്ഥരാക്കിയതായി തോന്നുന്നു. തന്റെ കരിയറിനെ കുറിച്ചുള്ള സമാന്തയുടെ ചിന്തകൾ മാറിയിട്ടില്ല, തൽഫലമായി, വിഷയം വിവാഹമോചനത്തിലേക്ക് നയിച്ചു എന്നാണ് റിപ്പോർട്ടിൽ പരാമർശിക്കുന്നത്

സാമന്തയും നാഗ ചൈതന്യയും വേർപിരിയാൻ തീരുമാനിച്ചതിന് ശേഷം ഇരുവരെയും കുടുംബ കോടതിയിൽ പലതവണ കൗൺസിലിംഗ് ചെയ്തതായി അറിയുന്നു. കൗൺസിലിംഗിന് ശേഷവും ഇരുവരുടെയും തീരുമാനം മാറിയില്ല, വിവാഹമോചനം ഉറപ്പായിരിക്കുമെന്ന് ഉറവിടങ്ങൾ പറയുന്നു

ഈ വാർത്ത നാഗ ചൈതന്യയ്ക്കും സമാന്ത ആരാധകർക്കും അൽപ്പം വേദനയാണ്. ഒരു യൂട്യൂബർ അടുത്തിടെ താരദമ്പതികൾ പിരിയുമെന്ന് ഉറപ്പായതായി ഒരു വീഡിയോ ചെയ്തിരുന്നു. ഈ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്

സമാന്ത റൂത് പ്രഭു (ചിത്രം: ഇൻസ്റ്റഗ്രാം)

സമാന്ത റൂത് പ്രഭു (ചിത്രം: ഇൻസ്റ്റഗ്രാം)