Emmy 2022| ചരിത്രം കുറിച്ച് സ്ക്വിഡ് ഗെയിം; എമ്മി നോമിനേഷൻ നേടുന്ന ആദ്യ ഇംഗ്ലീഷ് ഇതര ഭാഷാ സീരീസ്

74ാമത് എമ്മി (Emmy 2022)പുരസ്കാരങ്ങൾക്കുള്ള നോമിനേഷൻ പ്രഖ്യാപിച്ചപ്പോൾ ചരിത്രം കുറിച്ച് സൗത്ത് കൊറിയൻ സീരീസ് സ്ക്വിഡ് ഗെയിം (Squid Game). 14 നോമിനേഷനുകളാണ് നെറ്റ്ഫ്ലിക്സിൽ പുറത്തിറങ്ങിയ സ്ക്വിഡ് ഗെയിം നേടിയത്.

മാത്രമല്ല, ഒപ്പം പുതിയൊരു ചരിത്രവും സീരീസ് സ്വന്തമാക്കി. മികച്ച ഡ്രാമ വിഭാഗത്തിൽ എമ്മി നോമിനേഷൻ നേടുന്ന ആദ്യ ഇംഗ്ലീഷ് ഇതര സീരീസാണ് സ്ക്വിഡ് ഗെയിം. ബെറ്റർ കോൾ സോൾ, യൂഫോറിയ, സ്ട്രേഞ്ചർ തിങ്സ്, ഒസാർക്, സെവറൻസ്, സക്സഷൻ, യെല്ലോ ജാക്കറ്റ് എന്നിവയാണ് ഈ വിഭാഗത്തിൽ നോമിനേഷൻ നേടിയ മറ്റ് സീരീസുകൾ. (Image: Instagram)

സ്ക്വിഡ് ഗെയിംസിൽ പ്രധാന വേഷങ്ങളിലെത്തിയ അഭിനേതാക്കളും വിവിധ നോമിനേഷനുകളിൽ ഇടംപിടിച്ചിട്ടുണ്ട്. സീരീസിൽ പ്രധാന വേഷത്തിൽ എത്തിയ ലീ ജംഗ്-ജെ ഡ്രാമ സീരീസ് വിഭാഗത്തിൽ മികച്ച നടനുള്ള നോമിനേഷൻ സ്വന്തമാക്കി. (Image: Instagram)

സീരീസിൽ മറ്റൊരു പ്രധാന കഥാപാത്രമായി എത്തിയ പാർക് ഹേ-സൂവും മികച്ച നടനുള്ള നോമിനേഷനുണ്ട്. അതിഥി വേഷത്തിൽ എത്തി ഗംഭീര പ്രകടനം കാഴ്ച്ച വെച്ച വിഭാഗത്തിലുള്ള നോമിനേഷിൽ ലീ യൂ-മീയും ഇടംനേടി. (image: Instagram)

നെറ്റ്ഫ്ലിക്സിൽ ഒരു പുതിയ ഷോയ്ക്ക് ലഭിക്കുന്ന ഏറ്റവും വലിയ ലോഞ്ചായിരുന്നു സ്ക്വിഡ് ഗെയിമിന്റേത്. പുറത്തിറങ്ങി ഒരു മാസത്തിനുള്ളിൽ 111 ദശലക്ഷം പേരാണ് സീരീസ് കണ്ടത്. ജനപ്രിയ സീരീസ് 'ബ്രിഡ്ജർട്ടൺ' ന്റെ റെക്കോർഡായിരുന്നു സ്ക്വിഡ് ഗെയിം മറികടന്നത്. (Image: Instagram)

അതേസമയം, ആരാധകരെ ആവശേത്തിലാക്കി സ്ക്വിഡ് ഗെയിം രണ്ടാം സീസൺ ഉടൻ എത്തുമെന്ന് നെറ്റ്ഫ്ലിക്സ് ഔദ്യോഗികമായി അറിയിച്ചിരുന്നു. (Image: Instagram)