പിറന്നാൾ ദിനത്തിൽ അശരണർക്ക് ഭക്ഷണവും കോവിഡ് സാമഗ്രികളുമായി ഒരു താരപത്നി; അനുകരണീയം ഈ മാതൃക

പിറന്നാൾ ദിനത്തിൽ അശരണർക്കൊപ്പം തെരുവിലിറങ്ങുക. കോവിഡ് പ്രതിസന്ധിക്കാലത്ത് അവർക്ക് വേണ്ട സഹായങ്ങൾ ചെയ്തു കൊടുക്കുക. ഒരു താരപത്നി തന്റെ പിറന്നാൾ ദിനം ആഘോഷിക്കുന്ന രീതിയാണ് ഇപ്പറഞ്ഞത്

നർത്തകിയായി വന്ന് പ്രേക്ഷകർക്ക് സുപരിചിതയായി മാറി പിന്നീട് താരപത്നിയായി പരിണമിച്ച രഞ്ജിനിയാണിത്

തെരുവിൽ ജീവിക്കുന്നവർക്ക് ഭക്ഷണം, സാനിറ്റൈസർ, മാസ്ക് എന്നിവ നൽകിയാണ് സണ്ണി വെയ്‌നിന്റെ ഭാര്യ രഞ്ജിനിയുടെ പിറന്നാൾ ആഘോഷം

ഭാര്യയുടെ നല്ല മനസ്സിനെ ദൈവം അനുഗ്രഹിക്കട്ടെ എന്ന് സണ്ണി വെയ്ൻ ആശംസിക്കുന്നു

2019 ഏപ്രിൽ മാസത്തിലാണ് സണ്ണി വെയ്‌നും കോഴിക്കോട് സ്വദേശിയായ രഞ്ജിനിയും തമ്മിലുള്ള വിവാഹം നടന്നത്. ഗുരുവായൂർ ക്ഷേത്രത്തിൽ വച്ചായിരുന്നു വിവാഹം

രഞ്ജിനി ഒരു നർത്തകിയാണ്. റിയാലിറ്റി ഷോയായ 'ഡി ഫോർ ഡാൻസിലെ' പ്രകടനത്തോടെയാണ് രഞ്ജിനി ശ്രദ്ധേയയാകുന്നത്