നീണ്ട 77 ദിവസങ്ങൾ; വിവാഹശേഷം ഒരിക്കലും തങ്ങൾ ഇത്രയും നാൾ വേർപിരിഞ്ഞിരുന്നിട്ടില്ലെന്ന് സുപ്രിയ മേനോൻ

2012ൽ 'മോളി ആന്റി റോക്‌സ്' സിനിമയുടെ സെറ്റിൽ നിന്നും പകർത്തിയ ചിത്രമാണത്. ഭർത്താവ് പൃഥ്വിരാജിനൊപ്പം ഇങ്ങനെ ഇരുന്ന് പൊട്ടിചിരിച്ചിട്ട് 77 ദിവസങ്ങളാവുന്നു. വിവാഹം കഴിഞ്ഞതിൽ പിന്നെ ഇത്രയും നാൾ തങ്ങൾ പിരിഞ്ഞിരുന്നിട്ടില്ലെന്ന് ഇൻസ്റ്റാഗ്രാമിൽ ഈ പോസ്റ്റ് പങ്കിട്ടു കൊണ്ട് സുപ്രിയ കുറിച്ചു

ലോകമെമ്പാടും കോവിഡ് പ്രതിസന്ധിയും ലോക്ക്ഡൗണുമെല്ലാം വന്ന് ചേരുന്നത് പൃഥ്വിരാജ് ആടുജീവിതം ചിത്രീകരണത്തിനായി ജോർദാനിലേക്ക് പോയതിന് ശേഷമാണ്. ഇപ്പോഴും വിമാന സർവീസുകൾ പഴയപടി ആയിട്ടില്ലാത്തതിനാൽ തിരികെ വരുന്ന കാര്യം തീരുമാനിച്ചിട്ടില്ല. സങ്കടത്തോടെ ഈ പോസ്റ്റ് ഇട്ട സുപ്രിയക്ക് സാന്ത്വനമായി ഒരാൾ കമന്റിൽ എത്തിയിട്ടുണ്ട്

അന്നാസ് വോഗ് എന്ന അക്കൗണ്ടിന്റെ ഉടമക്കും സമാന കഥ പറയാനുണ്ട്. ഇവരുടെ ഭർത്താവ് ദുബായിയിലാണ്. മടങ്ങി വരവ് കാത്തുനിൽക്കുന്നു. വിഷമിക്കേണ്ട കാര്യമില്ല, ഈ അവസ്ഥയും കടന്നു പോകും എന്നാണ് കമന്റ്. നമ്മൾ രണ്ടുപേരും വൈകാതെ തന്നെ കുടുംബവുമായി ഒത്തുചേരും എന്ന പ്രത്യാശ ഈ കമന്റിന് മറുപടിയായി സുപ്രിയ നൽകുന്നു

ബ്ലെസി ചിത്രത്തിനായി പൃഥ്വി അകലെയായപ്പോൾ അല്ലി മോളുടെ അച്ഛനെയും അമ്മയെയും ഫ്രിഡ്ജ് മാഗ്നറ്റിൽ ഒന്നിപ്പിച്ച കലാസൃഷ്‌ടിയാണിത്

പുതിയ ചിത്രത്തിന്റെ ഗെറ്റപ്പിനായി താടി വളർത്തി തുടങ്ങിയതിന്റെ ആദ്യ ഘട്ടത്തിൽ സുപ്രിയക്കൊപ്പമുള്ള പൃഥ്വിരാജിന്റെ സെൽഫി

പൃഥ്വിരാജും സുപ്രിയയും മകൾ അലംകൃതക്കൊപ്പം