Suresh Gopi | ഇനി കളി അഞ്ചാം ക്‌ളാസ്സുകാർക്കൊപ്പം; സുരേഷ് ഗോപി ഇനി '5നോട് ഇഞ്ചോടിഞ്ച്' അവതാരകൻ

ഇനി അഞ്ചാം ക്‌ളാസ്സുകാർക്കൊപ്പമാണ് സുരേഷ് ഗോപിയുടെ കളി. സിനിമാ, രാഷ്ട്രീയ തിരക്കുകൾക്കിടയിലും അവതാരകന്റെ റോളിൽ എത്തുകയാണ് അദ്ദേഹം. ഇനി സൂര്യ ടി.വി.യിലെ '5നോട് ഇഞ്ചോടിഞ്ച്' എന്ന പരിപാടിയിൽ അദ്ദേഹം പങ്കെടുക്കും. ഒപ്പം സ്കൂൾ വിദ്യാർത്ഥികളായ കൊച്ചുകൂട്ടുകാരും ചേരും. ഈ വാർത്ത സുരേഷ് ഗോപി ഇൻസ്റ്റഗ്രാമിൽ പങ്കിട്ടു

മലയാള സിനിമയുടെ ഇളമുറ തമ്പുരാനായ പൃഥ്വിരാജ് ഇനി മിനി സ്ക്രീനിലേക്ക് എന്ന വാർത്ത വന്നതിന് പിന്നാലെയാണ് വീണ്ടുമൊരു അങ്കത്തിന് സുരേഷ് വരുന്നത്. മലയാള സിനിമയിൽ നിന്നും അവതാരകരായ പ്രിയ താരങ്ങളെ പരിചയപ്പെടാം (തുടർന്ന് വായിക്കുക)

കോടീശ്വരൻ എന്ന പരിപാടിയുടെ അവതാരകനായി മുകേഷ് ആണ് തുടക്കത്തിൽ മിനി-സ്‌ക്രീനിലേക്കു ചേക്കേറിയത്. പിന്നീട് സൂപ്പർ ടാലന്റ്, ഡീൽ ഓർ നോ ഡീൽ, ബഡായി ബംഗ്ളാവ്, അടുത്തിടെ ആരംഭിച്ച 'ഇങ്ങനെയൊരു ഭാര്യയും ഭർത്താവും' തുടങ്ങിയ പരിപാടികളിലും മുകേഷിന്റെ സാന്നിധ്യമുണ്ടായി

'നിങ്ങൾക്കുമാകാം കോടീശ്വരൻ' എന്ന പരിപാടിയുടെ അവതാരകനായി പ്രേക്ഷകരുടെ സ്നേഹം നേടിയ നടനാണ് സുരേഷ് ഗോപി

ഏറ്റവും ഒടുവിലായി അവതാരകന്റെ കുപ്പായം അണിഞ്ഞത് മോഹൻലാൽ ആണ്. ബിഗ് ബോസ് റിയാലിറ്റി ഷോയുടെ മൂന്ന് എപ്പിസോഡുകളിലും മോഹൻലാൽ ആണ് അവതാരകൻ

ഇനി പൃഥ്വിരാജിന്റെ ഊഴമാണ്. സൂര്യ ടി.വി.യിലെ പരിപാടിയിലാവും പൃഥ്വിരാജ് എത്തുക എന്നാണു സൂചന. കൂടുതൽ വിവരം ലഭ്യമല്ല