Suresh Gopi | ക്ലബ്ഹൗസിൽ സുരേഷ് ഗോപി മോഡറേറ്ററായ 'നിങ്ങൾക്കുമാകാം കോടീശ്വരൻ' റൂം! വ്യാജനെ പൊക്കി സുരേഷ് ഗോപിയുടെ ടീം

മലയാളികൾ ഏറ്റവുമൊടുവിൽ ആഘോഷമാക്കിയ ക്ലബ്ഹൗസിൽ താരങ്ങളുടെ വ്യാജന്മാർ അരങ്ങ് തകർക്കുന്നു. ഏതാനും താരങ്ങൾ ഔദ്യോഗിക അക്കൗണ്ട് ആരംഭിച്ചെങ്കിലും മുൻനിര താരങ്ങളിൽ എല്ലാപേരും ക്ലബ്ഹൗസിൽ അംഗമല്ല. അത്തരത്തിൽ  വ്യാജനെ പൂട്ടിക്കെട്ടിയിരിക്കുകയാണ് സുരേഷ് ഗോപിയുടെ ടീം

സുരേഷ് ഗോപിയുടെ പേരിലെ നാല് ഫെയിക് അക്കൗണ്ടുകളാണ് ടീം കണ്ടെത്തി പോസ്റ്റ് ചെയ്തിരിക്കുന്നത്. അതുമാത്രമല്ല, അദ്ദേഹത്തിന്റെ പേരിൽ 'നിങ്ങൾക്കുമാകാം കോടീശ്വരൻ' എന്ന പേരിൽ റൂം തുറക്കുകയും ചെയ്തു. സുരേഷ് ഗോപി മാത്രമല്ല, ഫെയിക് അക്കൗണ്ടുകൾ ലഭിച്ച താരം. മറ്റ് യുവതാരങ്ങളുമുണ്ട് (തുടർന്ന് വായിക്കുക)

ആസിഫ് അലിയാണ് മറ്റൊരാൾ. ഇപ്പോൾ താൻ ഇൻസ്റ്റഗ്രാമിലും ഫേസ്ബുക്കിലും മാത്രമാണ് സജീവമെന്നും, മറ്റ് സോഷ്യൽ മീഡിയ അക്കൗണ്ടുകൾ തുറന്നാൽ അക്കാര്യം അറിയിക്കാം എന്നും ആസിഫ് പറഞ്ഞു

പൃഥ്വിരാജിന്റെ പേരിൽ വ്യാജ ക്ലബ്ഹൗസ് അക്കൗണ്ടുകൾ ഉണ്ടായിട്ടുണ്ട്. താരം ചൂണ്ടിക്കാട്ടിയ ശേഷം ഈ അക്കൗണ്ടുകൾ അപ്രത്യക്ഷമാവുകയും ചെയ്തു

ദുൽഖറിന്റെ പേരിൽ ക്ലബ്ഹൗസിൽ പ്രചരിക്കുന്നത് വ്യാജ അക്കൗണ്ടുകളാണ്. തന്റെ പേരിൽ വ്യാജ അക്കൗണ്ടുകൾ സോഷ്യൽ മീഡിയയിൽ തുറക്കുന്നത് നല്ലതല്ല എന്ന് ദുൽഖർ ട്വിറ്ററിൽ പോസ്റ്റ് ചെയ്ത സന്ദേശത്തിൽ പറയുന്നു. അതിനാൽ തന്നെ ആരാധകരും പ്രേക്ഷകരും ആ അക്കൗണ്ടുകൾ ദുൽഖറിന്റേതായി കരുതേണ്ടതില്ല