OTT release | തിയേറ്റർ അങ്കം കഴിഞ്ഞു; ഒ.ടി.ടിയിൽ പൊരുതാൻ ഓണത്തിന് മലയാള ചിത്രങ്ങൾ

തിയേറ്ററുകൾ തകർത്തുവാരി ഓടിയ ശേഷം മൂന്നു മലയാള ചിത്രങ്ങൾ ഒ.ടി.ടിയിൽ (OTT release) പൊരുതാൻ എത്തുന്നു. ഓണത്തിന് പുതിയ മൂന്നു സിനിമകൾ തിയേറ്ററിൽ എത്തുമ്പോൾ, വിജയക്കൊടി പാറിച്ച മറ്റു മൂന്നുപേർ ഡിജിറ്റൽ റിലീസിന് തിയതി കുറിച്ചു. ഈ സിനിമകൾ എല്ലാം തന്നെ 50 കോടി ബോക്സ് ഓഫിസിൽ നേടി എന്ന പ്രത്യേകതയാണ് മറ്റൊന്ന്. ഏതെല്ലാം സിനിമകൾ എവിടെയെല്ലാം കാണാം എന്ന് നോക്കാം

സുരേഷ് ഗോപി- ജോഷി കൂട്ടുകെട്ടിന്റെ 'പാപ്പൻ' Zee5ൽ പ്രദർശനം തുടരുന്നു. സുരേഷ് ഗോപിയും മകൻ ഗോകുൽ സുരേഷും ആദ്യമായി ബിഗ് സ്‌ക്രീനിൽ ഒന്നിച്ചെത്തിയ ചിത്രം എന്ന പ്രത്യേകതയുമായാണ് പാപ്പൻ റിലീസ് ചെയ്തത്

ചാക്കോച്ചന്റെ തകർപ്പൻ ഡാൻസും, ഒരു പരസ്യവാചകവും കൊണ്ട് കേരളം മുഴുവൻ കോളിളക്കം സൃഷ്‌ടിച്ച ചിത്രം 'ന്നാ താൻ കേസ് കൊട്' ഡിസ്‌നി പ്ലസ് ഹോട്ട് സ്റ്റാറിൽ സെപ്റ്റംബർ എട്ടു മുതൽ കാണാം. രതീഷ് ബാലകൃഷ്ണൻ പൊതുവാൾ സംവിധാനം ചെയ്ത ചിത്രം പ്രമേയം കൊണ്ടും കഥാപാത്രങ്ങളുടെ തെരഞ്ഞെടുപ്പ് കൊണ്ടും ശ്രദ്ധ നേടിയ സിനിമയാണ്

മണവാളൻ വസിം ആയി ടൊവിനോയും വ്ലോഗർ ബീപാത്തുവായി കല്യാണി പ്രിയദർശനും വേഷമിട്ട ചിത്രം 'തല്ലുമാല' സെപ്റ്റംബർ 11 മുതൽ നെറ്ഫ്ലിക്സിൽ കാണാം. അടിയുടെ പൊടിപൂരവുമായെത്തിയ ചിത്രം പ്രധാനമായും യൂത്തിനെ ലക്‌ഷ്യം വച്ചുള്ള സിനിമയായാണ് റിലീസ് ചെയ്തത്