മുക്തയുടെ മകൾക്ക് ഇന്ന് നാലാം പിറന്നാൾ; കൺമണിക്ക് പിറന്നാള്‍ സമ്മാനമൊരുക്കി റിമി ടോമി

നടി മുക്തയുടെ മകൾ കണ്മണിയെന്ന കിയാരയുടെ നാലാം പിറന്നാളായിരുന്നു ഇന്ന്. മകൾക്ക് പിറന്നാൾ സമ്മാനമായി അതിമനോഹരമായൊരു നൃത്ത വീഡിയോ തന്നെ സമ്മാനിച്ച നടിയുടെ വീഡിയോ വൈറലായിരുന്നു.

അമ്മയ്ക്കൊപ്പം നൃത്തചുവടുകളുമായി കൺമണിയേയും കാണാം വീഡിയോയിൽ. മകൾക്കായി ഒരുക്കിയ പിറന്നാൾ കേക്കിന്റെ ചിത്രവും മുക്ത ഇൻസ്റ്റഗ്രാമിൽ പങ്കുവച്ചിട്ടുണ്ട്.

കൺമണിയ്ക്ക് പിറന്നാൾ ആശംസകൾ നേർന്നുകൊണ്ട് അമ്മായി കൂടിയായ റിമിയും ഇൻസ്റ്റഗ്രാമിൽ ഒരു കുറിപ്പ് പങ്കുവച്ചിട്ടുണ്ട്. റിമി ടോമിയുടെ സഹോദരൻ റിങ്കു ടോമിയാണ് മുക്തയുടെ ഭർത്താവ്. കൺമണിയ്ക്കായി സ്വന്തം കൈകൊണ്ട് ഒരു കേക്ക് ഉണ്ടാക്കാൻ കഴിഞ്ഞ സന്തോഷം പങ്കുവയ്ക്കുകയാണ് റിമി.

2015ലായിരുന്നു മുക്തയുടെയും റിങ്കുവിന്റെയും വിവാഹം.

അടുത്തിടെ, അഞ്ച് വർഷങ്ങൾക്ക് മുൻപുള്ള തങ്ങളുടെ പെണ്ണുകാണൽ ചടങ്ങിന്റെ ചിത്രങ്ങളും ഓർമകളും മുക്ത പങ്കുവച്ചിരുന്നു.