Top Indian Singers|ഒരു പാട്ടിന് 25 ലക്ഷം രൂപ വരെ; ശ്രേയ ഘോഷാൽ മുതൽ അർജിത് സിംഗ് വരെ വാങ്ങുന്ന പ്രതിഫലം

ബോളിവുഡിലെ പ്രധാന നടീനടന്മാർ ഒരു ചിത്രത്തിന് കോടികളാണ് പ്രതിഫലം വാങ്ങുന്നത്. എന്നാൽ താരങ്ങൾ തകർത്താടുന്ന പലഗാനരംഗങ്ങളിലും പിന്നണി ഗായകരാകുന്ന മുൻനിര ഗായകർക്ക് ആ പ്രതിഫലം ലഭിക്കാറില്ല. ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന ഗായകരെ പരിചയപ്പെടാം.

ഇന്ത്യ മുഴുവൻ ആരാധകരുള്ള ഗായകനാണ് അർജിത് സിംഗ്. റിയാലിറ്റി ഷോയിലൂടെ പിന്നണിഗാനരംഗത്ത് എത്തിയ അർജിത് സിംഗിന് ഇന്ന് കൈ നിറയെ ചിത്രങ്ങളാണ്. ജിക്യു മാഗസിൻ റിപ്പോർട്ട് അനുസരിച്ച് അർജിത് സിംഗ് ഒരു ഗാനത്തിന് ഈടാക്കുന്നത് 15 ലക്ഷം രൂപയാണ്.

ബോളിവുഡിലെ പാർട്ടി സോംഗുകളിലൂടെ പ്രശസ്തയായ ഗായികയാണ് നേഹ കക്കർ. പത്ത് മുതൽ പതിനഞ്ച് ലക്ഷം വരെയാണ് ഒരു പാട്ടിന് നേഹ ഈടാക്കുന്നതെന്ന് ജിക്യു റിപ്പോർട്ട് ചെയ്യുന്നു.

ഇരുപത് ലക്ഷം രൂപയാണ് റാപ്പർ ബാദ്ഷാ ഒരു ഗാനത്തിന് ഈടാക്കുന്നതെന്നാണ് ജിക്യു റിപ്പോർട്ട് ചെയ്യുന്നത്.

ബോളിവുഡിലും പഞ്ചാബി സംഗീത ലോകത്തും വിലകൂടിയ ഗായകനാണ് ഗുരു രാന്ധവ. ഒരു പാട്ടിന് 15 ലക്ഷം രൂപയാണ് ഈ ഗായകൻ ഈടാക്കുന്നതെന്ന് ജിക്യു റിപ്പോർട്ടിൽ പറയുന്നു.

ബോളിവുഡിൽ മാത്രമല്ല, ഇന്ത്യയിലെ ഒട്ടുമിക്ക പ്രധാന ഭാഷകളിലെല്ലാം മുൻനിര ഗായികയാണ് ശ്രേയ ഘോഷാൽ. മലയാളത്തിലടക്കം ശ്രേയഘോഷാൽ നിരവധി ഹിറ്റുകൾ സമ്മാനിച്ചിട്ടുണ്ട്. 20 മുതൽ 25 ലക്ഷം വരെയാണ് ശ്രേയ ഘോഷാൽ ഒരു പാട്ടിന് വാങ്ങുന്നതെന്നാണ് ജിക്യു റിപ്പോർട്ട് ചെയ്യുന്നത്.