കങ്കണയ്ക്ക് എന്ത് പറ്റി? കഴുത്തിൽ കോളർ ഘടിപ്പിച്ച കങ്കണയുടെ ചിത്രം പുറത്ത്

ബോളിവുഡ് നടി കങ്കണ റണൗത്ത് 'തലൈവി' എന്ന ചിത്രത്തിന്റെ ഷൂട്ടിംഗ് തിരക്കിലാണ്. ഈ ചിത്രം സിനിമാ, രാഷ്ട്രീയ ലോകം സസൂക്ഷ്മം ഉറ്റുനോക്കുകയാണ്. അന്തരിച്ച മുൻ തമിഴ്നാട് മുഖ്യമന്ത്രി ജയലളിതയുടെ ജീവിത കഥയാണ് എ.എൽ. വിജയ് സംവിധാനം ചെയ്യുന്ന 'തലൈവി'

ഗ്രേ നിറത്തിലെ സാരി ചുറ്റി, ജയലളിതയുടെ നാലാം ചരമ വാർഷിക ദിനത്തിൽ അഞ്ജലി അർപ്പിക്കുകയും സെറ്റിൽ മറ്റുള്ളവരുമായി കുശലം പറയുകയും ചെയ്യുന്ന കങ്കണയുടെ ചിത്രങ്ങൾ സോഷ്യൽ മീഡിയയിൽ പ്രചരിക്കുകയാണ്‌. പക്ഷെ ഇതിലെല്ലാം എടുത്തുകാണിക്കുന്ന വണ്ണം കങ്കണയുടെ കഴുത്തിന് ചുറ്റും ഒരു കോളർ ഉണ്ട്

കങ്കണയുടെ കഴുത്തിന് എന്ത് സംഭവിച്ചു എന്ന കാര്യം അണിയറക്കാർ പുറത്തുവിട്ടിട്ടില്ല. അതോ ഇനി മേക്കപ്പിന്റെ ഭാഗമായി കഴുത്തിന്റെ ഭാഗങ്ങളിൽ വരുത്തിയ മാറ്റങ്ങൾ എന്തെങ്കിലും പുറത്തറിയാതിരിക്കാനുള്ള ശ്രമമാണോ എന്നും വ്യക്തമല്ല

1991 മുതൽ 2016 വരെ  14 വർഷത്തോളം തമിഴ്‌നാട് മുഖ്യമന്ത്രിയായി സേവനമനുഷ്ഠിച്ച ജയലളിതയായി കങ്കണ വെള്ളിത്തിരയിൽ എത്തുമ്പോൾ ചിത്രം ഹിന്ദി, തമിഴ്, തെലുങ്ക് എന്നീ മൂന്നു ഭാഷകളിൽ റിലീസ് ചെയ്യും. 'തലൈവി' കൂടാതെ തേജസ്, ധാക്കാഡ് സിനിമകളും കങ്കണയുടേതായി ഒരുങ്ങുന്നുണ്ട്

കഥാപാത്രമായി മാറിയപ്പോൾ ജയലളിതയുമായുള്ള കങ്കണയുടെ രൂപസാദൃശ്യം ഒട്ടേറെ പ്രശംസ പിടിച്ചുപറ്റിയിട്ടുണ്ട്. ജയലളിതയുടെ വേഷവിധാനങ്ങളുമായാണ് കങ്കണ ഫോട്ടോഷൂട്ടിൽ പ്രത്യക്ഷപ്പെട്ടത്

തുടക്കത്തിൽ ഈ ലുക്കാണ് പുറത്ത് വന്നത്. എന്നാലിത് ഒട്ടേറെ വിമർശനങ്ങൾ ഏറ്റുവാങ്ങിയിരുന്നു