OTT Release | ചതുരവും ക്രിസ്റ്റഫറും ക്രിസ്റ്റിയും ഈ ആഴ്ച ഒടിടിയില്‍; ഇരട്ടയ്ക്ക് നിറഞ്ഞ കൈയ്യടി

മലയാളി സിനിമാ പ്രേക്ഷകര്‍ ഏറെ നാളുകളായി കാത്തിരിക്കുന്നന സിദ്ധാര്‍ത്ഥ് ഭരതന്‍ ചിത്രം ചതുരം മാര്‍ച്ച് 9ന് ഡിജിറ്റല്‍ പ്രീമിയര്‍ ആരംഭിക്കും. സ്വാസിക വിജയ്, റോഷന്‍ മാത്യു, അലന്‍സിയര്‍ എന്നിവര്‍ കേന്ദ്ര കഥാപാത്രങ്ങളായ ഈ ഇറോട്ടിക് ത്രില്ലര്‍ സൈന പ്ലേയിലൂടെയാണ് റിലീസ് ചെയ്യുന്നത്.

മമ്മൂട്ടിയെ നായകനാക്കി ബി. ഉണ്ണികൃഷ്ണൻ സംവിധാനം ചെയ്ത പൊലീസ് ത്രില്ലർ. അമല പോൾ, ഐശ്വര്യ ലക്ഷ്മി, ഷൈന്‍ ടോം ചാക്കോ എന്നിവരാണ് മറ്റ് അഭിനേതാക്കൾ. ഉദയ്കൃഷ്ണയാണ് തിരക്കഥ. മാര്‍ച്ച് ഒമ്പതിന് ആമസോണ്‍ പ്രൈമിലൂടെ ചിത്രം റിലീസ് ചെയ്യും.

മാത്യു തോമസ്, മാളവിക മോഹനൻ എന്നിവരെ കേന്ദ്ര കഥാപാത്രങ്ങളാക്കി നവാ​ഗതനായ ആൽവിൻ ഹെൻറി സംവിധാനം ചെയ്ത ക്രിസ്റ്റി മാര്‍ച്ച് 9 മുതല്‍ സോണി ലിവില്‍ കാണാം. ജിആര്‍ ഇന്ദുഗോപനും ബെന്യാമിനും ചേര്‍ന്നാണ് ക്രിസ്റ്റിയുടെ തിരക്കഥ ഒരുക്കിയത്.

ജോജു ജോർജിനെ നായകനാക്കി നവാഗതനായ രോഹിത് എം.ജി. കൃഷ്ണൻ സംവിധാനം ചെയ്ത ത്രില്ലർ. ഇരട്ടവേഷത്തിലാണ് ജോജു എത്തുന്നത്. അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോൻ,അഭിരാം എന്നിവരാണ് ഇരട്ടയിലെ മറ്റു പ്രധാന കഥാപാത്രങ്ങൾ. മാര്‍ച്ച് 3 മുതല്‍ നെറ്റ്ഫ്ലിക്സില്‍ പ്രദര്‍ശനം ആരംഭിച്ച സിനിമയ്ക്ക് മികച്ച പ്രതികരണമാണ് ലഭിക്കുന്നത്.