നയൻതാരയ്‌ക്ക്‌ വിമർശനം; പിന്നാലെ ട്വിറ്റർ അക്കൗണ്ട് പൂട്ടിക്കെട്ടി വനിതാ വിജയകുമാർ

മൂന്നാമതും വിവാഹം ചെയ്ത നടി വനിത വിജയകുമാർ വൻ വിവാദങ്ങളിലേക്കാണ് വാതിൽ തുറന്നത്. വിവാഹം കഴിഞ്ഞ ഉടൻ തന്നെ ഭർത്താവ് പീറ്റർ പോൾ വിവാഹമോചനം നേടാതെയാണ് വനിതയെ വിവാഹം ചെയ്തതെന്ന ആരോപണവുമായി ആദ്യ ഭാര്യ എലിസബത്ത് പോലീസിൽ പരാതി നൽകി

വനിതയെ ശക്തമായി വിമർശിച്ചുകൊണ്ട് നടിമാരായ ലക്ഷ്മി രാമകൃഷ്ണൻ, കസ്തൂരി ശങ്കർ എന്നിവരും മുന്നോട്ടുവന്നു. ഇരുകൂട്ടരും സോഷ്യൽ മീഡിയയിൽ നടത്തിയ വാഗ്വാദങ്ങൾ സിനിമാ മേഖലയിലും ആരാധക വൃന്ദത്തിന്റെ ഇടയിലും ചർച്ചയ്ക്ക് വഴിവച്ചിരുന്നു

മോശം ഭാഷയിൽ ഇരുകൂട്ടരും പരസ്പരം ആഞ്ഞടിച്ചതോടെ പ്രശ്നങ്ങൾ സങ്കീർണ്ണമായി. ഇതിനിടെ നടി നയൻതാരയെ മോശമായി പരാമർശിച്ച ട്വീറ്റ് പോസ്റ്റ് ചെയ്ത ശേഷം ചർച്ചകളുടെ പ്രധാന വേദിയായിരുന്ന വനിതയുടെ ട്വിറ്റർ അക്കൗണ്ട് പൂട്ടിക്കെട്ടിയ നിലയിലാണ് ഇപ്പോൾ

നയൻതാരയും പ്രഭുദേവയുമായുണ്ടായിരുന്ന ബന്ധത്തെ മോശം രീതിയിൽ ചിത്രീകരിച്ചുകൊണ്ടായിരുന്നു വനിതയുടെ ട്വീറ്റ്. ലക്ഷ്മിയെയും കസ്തൂരിയെയും ടാഗ് ചെയ്തുകൊണ്ടായിരുന്നു ട്വീറ്റ് വനിത പോസ്റ്റ് ചെയ്തത്

ഭാര്യയും മൂന്നു കുട്ടികളും ഉള്ള പ്രഭുദേവയുമായി പ്രണയബന്ധത്തിൽ ആയിരുന്ന നയൻതാരയെ എന്തുകൊണ്ട് ലക്ഷ്മി ചോദ്യം ചെയ്തില്ല എന്ന് വനിത

ഇംഗ്ലീഷിലെ ട്വീറ്റിൽ സഭ്യമല്ലാത്ത പദപ്രയോഗം നടത്തി എന്നതാണ് ഇവിടെ വാഗ്വാദങ്ങൾക്ക് വഴിവച്ചത്. നയൻതാരയുടെ ഫാൻസ് വനിതയുടെ പരാമർശത്തെ ശക്തമായി വിമർശിച്ചു മുന്നോട്ടു വന്നു

വിവാഹിതനായ പ്രഭുദേവയെ നയൻതാര വിവാഹം ചെയ്തില്ലെന്നു മാത്രമല്ല വിവാഹമോചനത്തിനായി കാത്തിരിക്കുകയും ചെയ്തു എന്ന കാര്യം ചൂണ്ടിക്കാട്ടി ആരാധകർ രംഗത്തെത്തി

അനാവശ്യമായി നയൻതാരയെ വലിച്ചിഴച്ചുകൊണ്ടുള്ള വനിതയുടെ ട്വീറ്റ് കടുത്ത വിമർശനം നേരിട്ടുകൊണ്ടിരുന്ന സാഹചര്യത്തിലാണ് ട്വിറ്റർ അക്കൗണ്ട് അപ്രത്യക്ഷമായത്. നിലവിൽ ലക്ഷ്മിയും കസ്തൂരിയും #Vanithaapologize, #ISupportElizabeth ഹാഷ്ടാഗ് ക്യാമ്പയിനുകൾ ട്വിറ്ററിൽ ആരംഭിച്ചിട്ടുണ്ട്

വനിതയുടെയും പീറ്റർ പോളിന്റെയും വിവാഹ ചടങ്ങിൽ നിന്നും