Gold movie | ചിത്രശലഭങ്ങളെയും മേച്ചുകൊണ്ട് ഈ വഴി വരില്ലേ? 'ഗോൾഡ്' ഡിജിറ്റൽ റിലീസ് പോസ്റ്റിന് കമന്റുകളുടെ ആറാട്ട്

ആദ്യമായി സംവിധാനം ചെയ്ത 'പ്രേമം' റിലീസ് ചെയ്ത് ഏഴു വർഷങ്ങളുടെ കാത്തിരിപ്പിനു ശേഷം സംവിധായകൻ അൽഫോൻസ് പുത്രൻ അവതരിപ്പിച്ച ചിത്രമാണ് പൃഥ്വിരാജ് നായകനായ 'ഗോൾഡ്'. തുടരെത്തുടരെ ഹിറ്റുകളുമായി കളംനിറഞ്ഞു നിൽക്കുകയായിരുന്ന നായകന്റെ ബോക്സ് ഓഫീസ് തിരിച്ചടിയായി മാറി 'ഗോൾഡ്'. നയൻതാരയുടെ വരവ് കൊണ്ടും പ്രേക്ഷകരെ ആകർഷിക്കാൻ സാധിച്ചില്ല

തിയേറ്റർ റിലീസിന് ശേഷം ഒരു മാസം തികയും മുൻപേ ചിത്രം ഡിജിറ്റൽ പ്ലാറ്റ്‌ഫോമിലുമെത്തി. ആമസോൺ പ്രൈം ആണ് ഡിജിറ്റൽ അവകാശം സ്വന്തമാക്കിയത്. റിലീസിന് മുൻപ് അവകാശങ്ങളുടെ വിറ്റുവരവിൽ 50 കോടി നേടി എന്ന് അണിയറക്കാർ അറിയിച്ചിരുന്നു. എന്നാലിപ്പോൾ സിനിമ ഒ.ടി.ടിയിലെത്തി എന്ന പൃഥ്വിരാജിന്റെ പോസ്റ്റിൽ ചിത്രം കണ്ടവർ കമന്റുമായി ആറാട്ടു നടത്തുകയാണ് (തുടർന്ന് വായിക്കുക)

സിനിമ തിയേറ്ററിൽ പോയി കണ്ടവരും, ഒ.ടി.ടിയിൽ കണ്ടവരും ഒരേ സ്വരത്തിലാണ് തങ്ങളുടെ അഭിപ്രായം രേഖപ്പെടുത്തിയിട്ടുള്ളത്. ആദ്യ പകുതിയിലും രണ്ടാം പകുതിയിലും പ്രതീക്ഷകളെ തകിടം മറിക്കുന്ന തരത്തിലായിരുന്നു സിനിമയുടെ വിലയിരുത്തലുകൾ ഏറെക്കുറെയും

കണ്ടിരിക്കാനുള്ള പ്രയാസമാണ് കമന്റുകളുടെ ആകെത്തുക എന്ന് പറയാം. 'സംവിധാനം വളരെ വളരെ മോശം, ഒട്ടും ലോജിക് ഇല്ല', 'ഉറുമ്പ്, വാഴ, ചായ, എഡിറ്റിംഗ്', 'ഇനിയും ഇതുവഴി വരില്ലേ, ചിത്രശലഭങ്ങളെയും തെളിച്ചു കൊണ്ട്'... തുടങ്ങിയ നിലയിൽ പുരോഗമിക്കുകയാണ് കമന്റ് വിഭാഗം

സൗബിൻ ഷാഹിർ ഉൾപ്പെടുന്ന മികച്ച ഫോമിൽ നിൽക്കുന്ന താരങ്ങളെ അതിഥിവേഷത്തെക്കാളും ദൈർഖ്യം കുറഞ്ഞ കഥാപാത്രങ്ങൾ നൽകിയാണ് സിനിമ സ്‌ക്രീനിലെത്തിച്ചത് എന്ന് പരക്കെ ആക്ഷേപമുണ്ട്

'ഗോൾഡ്' ഒ.ടി.ടി. റിലീസ് ആണെന്ന് പ്രഖ്യാപിച്ചുകൊണ്ടുള്ള പൃഥ്വിരാജിന്റെ ഫേസ്ബുക്ക് പോസ്റ്റിന് താഴെ വന്ന കമന്റുകളിൽ ചിലത്