Nayanthara | നയൻതാരയെ വിവാഹം ചെയ്യാത്തതെന്ത്? അതിനുള്ള കാരണവുമായി വിഗ്നേഷ് ശിവൻ

വിക്കി എന്ന വിഗ്നേഷ് ശിവനും നയൻസ് എന്ന ഓമനപ്പേരിൽ ആരാധകർ വിളിക്കുന്ന നയൻതാരയും തമ്മിലെ പ്രണയം വാർത്തയായിട്ടു വർഷങ്ങൾ കഴിഞ്ഞു. വിവാഹം കഴിഞ്ഞിട്ടില്ലെങ്കിലും ഇരുവരും തമ്മിലെ ഇഴയടുപ്പം അത്രയേറെയുണ്ട്. അതുപോലെ തന്നെയാണ് വിക്കിയുടെയും നയന്സിന്റെയും കുടുംബങ്ങളും

2015 ലെ 'നാനും റൗഡി താൻ 'എന്ന സിനിമയിലാണ് നയൻതാരയും വിഘ്‌നേഷും ആദ്യമായി പരിചയപ്പെടുന്നത്. വിഗ്നേഷ് സംവിധാനം ചെയ്ത രണ്ടാമത് ചിത്രമാണ് ഇത്. ഈ ചിത്രത്തിൽ വിജയ് സേതുപതിയുടെ നായികയായി എത്തിയത് നയൻ‌താരയും. എന്നാൽ പിന്നീടങ്ങോട്ട് സംവിധായകന്റെ ജീവിതത്തിലെ നായികയായി നയൻ‌താര മാറി. പക്ഷെ ഇന്ന് നടക്കും നാളെ നടക്കും എന്ന രീതിയിൽ അഭ്യൂഹം വരുന്നതല്ലാതെ, ഇവരുടെ വിവാഹം എപ്പോൾ എന്ന അക്കാര്യം ഉറയ്ക്കാതെ നീളുകയാണ്. അതിനുള്ള കാരണം ഇപ്പോൾ വിഗ്നേഷ് ശിവൻ തന്നെ പറഞ്ഞിരിക്കുന്നു (തുടർന്ന് വായിക്കുക)

നയൻതാര എന്നാൽ തന്റെ അഭിമാനമാണെന്ന് വിഗ്നേഷ് പറയുന്നു. ഇൻസ്റ്റഗ്രാമിൽ നടന്ന ചോദ്യോത്തര വേളയിലാണ് ആരാധകൻ ഇങ്ങനെയൊരു ചോദ്യം എടുത്തിട്ടത്. 'നയൻ‌താര മാഡവുമായി വിവാഹം ചെയ്യാത്തതെന്ത്? ആകാംക്ഷയോടെ കാത്തിരിക്കുന്നു' എന്നാണു ചോദ്യം

'കല്യാണവും മറ്റുമായി ഒരുപാട് ചിലവാകും, ബ്രോ. അതുകൊണ്ട് വിവാഹത്തിനായി പണം നീക്കിവയ്ക്കുന്നു. പിന്നെ കൊറോണ മാറാൻ വേണ്ടിയുള്ള കാത്തിരിപ്പും' എന്നായിരുന്നു വിഗ്നേഷിന്റെ പ്രതികരണം

ജീവിതത്തിൽ താൻ കണ്ട ഏറ്റവും മികച്ച വ്യക്തി ആരെന്ന ചോദ്യത്തിന് വിഗ്നേഷ് നൽകിയ പേര് നയൻ‌താര എന്ന ഡയാന കുര്യന്റെ അമ്മ ഓമന കുര്യന്റെ പേരാണ്. മിസ്സിസ് കുര്യൻ എന്നാണു വിക്കി സോഷ്യൽ മീഡിയ പോസ്റ്റുകളിൽ അവരെ അഭിസംബോധന ചെയ്യുക

അഭിനയം മാത്രമല്ല, ലേഡി സൂപ്പർസ്റ്റാർ ഗീ റൈസും ചിക്കൻ കറിയും ഉണ്ടാക്കി മനം കവർന്ന കാര്യവും വിഗ്നേഷ് പറയാൻ മറന്നില്ല

നയൻതാരയും വിഗ്നേഷ് ശിവനും

നയൻതാരയും വിഗ്നേഷ് ശിവനും