Masaba Gupta | മസാബ ഗുപ്തയുടെ വിവാഹം കഴിഞ്ഞതും വധുവിന്റെയും വരന്റെയും വിവാഹവസ്ത്രങ്ങൾ നേരെ പോയത് ഓൺലൈൻ വില്പനയിലേക്ക്

കഴിഞ്ഞ ദിവസമാണ് നടി നീന ഗുപ്തയുടെയും ക്രിക്കറ്റ് ഇതിഹാസം വിവിയൻ റിച്ചാർഡ്സിന്റെയും മകളും ഫാഷൻ ഡിസൈനറുമായ മസാബ ഗുപ്തയുടെ (Masaba Gupta) വിവാഹം. നടൻ സത്യദീപ് മിശ്രയാണ് വരൻ. മകളുടെ വിവാഹ ശേഷം നീന പോസ്റ്റ് ചെയ്ത ചിത്രമാണിത്. ഇതിൽ വധൂവരന്മാർ, വധുവിന്റെ മാതാപിതാക്കൾ, വരന്റെ അമ്മയും സഹോദരിയും, നീനയുടെ ഭർത്താവ് എന്നിവരാണുള്ളത്

മസാബയുടെ ഫാഷൻ ബുട്ടീക്കിൽ നെയ്തെടുത്ത വസ്ത്രമാണ് വിവാഹത്തിന് വധൂവരന്മാർ അണിഞ്ഞത്. അവർ മാത്രമല്ല, വളരെ കുറച്ചുപേർ മാത്രം പങ്കെടുത്ത ചടങ്ങിൽ സുപ്രധാന അതിഥികൾ എല്ലാപേരും അണിഞ്ഞത് 'ഹൗസ് ഓഫ് മസാബ'യുടെ വസ്ത്രങ്ങളായിരുന്നു. സംഗതി അവിടം കൊണ്ട് തീർന്നില്ല, വിവാഹം കഴിഞ്ഞതും വസ്ത്രങ്ങൾ പോയത് എവിടേക്കെന്നല്ലേ? (തുടർന്ന് വായിക്കുക)

മസാബയുടെ പുറത്തിറക്കിയിട്ടില്ലാത്ത ബ്രൈഡൽ വസ്ത്രങ്ങളാണ് വിവാഹത്തിന് അണിഞ്ഞു കൊണ്ട് മസാബയും ഭർത്താവും അവതരിപ്പിച്ചത്. വിവാഹം മാത്രമായിരുന്നില്ല, അത് പുതിയ ഡിസൈനുകളുടെ അവതരണം കൂടിയായിരുന്നു

സത്യദീപും മസാബയും അണിഞ്ഞ വസ്ത്രങ്ങൾ ഹൗസ് ഓഫ് മസാബ ഓൺലൈൻ സ്റ്റോറിൽ നിന്നും ആർക്കും വാങ്ങാം. ബർഫി പിങ്ക് 'പാൻ- പറ്റി' ലെഹെങ്കയാണ് മസാബ ധരിച്ചത്. സത്യദീപിന്റേത് ബർഫി പിങ്ക് വാൾഫ്ളവർ ബണ്ടി ആൻഡ് കുർത്ത സെറ്റും

ഇനി ഇവ സ്വന്തമാക്കണം എന്നുള്ളവർ വില കൂടി കേട്ടോളൂ. വധുവിന്റെ വസ്ത്രത്തിന് രണ്ടര ലക്ഷം രൂപയാണ്. വരന്റെ വസ്ത്രം അതുമായി താരതമ്യം ചെയ്യുമ്പോൾ, കുറവാണ്. 38000 രൂപയാണ് വില

നൂറിൽ താഴെ ആളുകൾ പങ്കെടുത്ത വിവാഹ ചടങ്ങിന് ശേഷം വൈകുന്നേരം വിവാഹം പാർട്ടി നടത്തിയിരുന്നു. ഇതിൽ മസാബ പിതാവ് വിവിയനൊപ്പം വന്നിറങ്ങുന്ന ദൃശ്യങ്ങൾ സോഷ്യൽ മീഡിയയിൽ എത്തിയിട്ടുണ്ട്

വിവാഹ വേളയിൽ മസാബയും നീനയും ഫോട്ടോയ്ക്ക് പോസ് ചെയ്തപ്പോൾ