ഐശ്വര്യ റായിയും അഭിഷേക് ബച്ചനും വേർപിരിയുന്നു എന്ന് പ്രചാരണം; അഭിഷേകിന് പറയാനുള്ളത് ഇങ്ങനെ

2007ലാണ് ഇന്ത്യൻ സിനിമയിലെ താരറാണി ഐശ്വര്യ റായിയും ബോളിവുഡിലെ പകരംവയ്ക്കാനില്ലാത്ത താരകുടുംബത്തിലെ ഇളമുറക്കാരനായ അഭിഷേക് ബച്ചനും വിവാഹിതരാവുന്നത്. 2011 ൽ മകൾ ആരാധ്യ ജനിച്ചു. എന്നാൽ അഭിഷേകും ഐശ്വര്യയും തമ്മിൽ പിരിയുന്നു എന്ന പ്രചാരണം സോഷ്യൽ മീഡിയയിൽ സജീവമായി

ഒരു ചടങ്ങിനിടെയുള്ള പഴയ വീഡിയോ വൈറലായതിനെ തുടർന്നാണ് ഇരുവരും ഡിവോഴ്സ് വക്കിൽ എത്തി എന്ന വാർത്ത പരക്കുന്നത്. സംഭവത്തിൽ കഴമ്പുണ്ടോ ഇല്ലയോ എന്ന് ആരാധകരും പ്രേക്ഷകരും അന്വേഷിക്കുന്നതിനിടെ അഭിഷേകിന്റെ വാക്കുകൾ ശ്രദ്ധേയമാവുന്നു

ഇതേപ്പറ്റി ചോദിച്ചപ്പോൾ അഭിഷേക് പറയുന്നതിങ്ങനെ: തനിക്ക് സത്യം എന്തെന്നറിയാം.ഇത്തരം റിപ്പോർട്ടുകളെ എത്രത്തോളം ഗൗനിക്കേണ്ട ആവശ്യമുണ്ടെന്നും അറിയാം. തങ്ങളുടെ ബന്ധത്തിൽ തീരുമാനമെടുക്കാൻ മൂന്നാമതൊരു ഘടകത്തെ അനുവദിക്കില്ല

"ഞാൻ എന്റെ ഭാര്യയെ സ്നേഹിക്കുന്നു എന്നവൾക്കറിയാം. ഭാര്യ എന്നെ എന്തുമാത്രം സ്നേഹിക്കുന്നു എന്നെനിക്കുമറിയാം," അഭിഷേക് പറഞ്ഞു

അവരവരുടെ സൗകര്യത്തിന് ഓരോരുത്തർക്ക് കാര്യങ്ങൾ പടച്ചുവിടാമെങ്കിൽ അവർ അങ്ങനെ തന്നെ പൊയ്‌ക്കോട്ടെ. എല്ലാവരെയും എല്ലായിപ്പോഴും തൃപ്തിപ്പെടുത്താൻ സാധിച്ചെന്നു വരില്ല എന്നും അഭിഷേക് പറഞ്ഞു എന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു

അഭിഷേക് ബച്ചനും ഐശ്വര്യ റായിയും

അഭിഷേക് ബച്ചനും ഐശ്വര്യ റായിയും