Krishnakumar | കൃഷ്ണകുമാറിനൊപ്പം പ്രചാരണത്തിനിറങ്ങി ഭാര്യ സിന്ധുവും മക്കളും

ജനവിധി രേഖപ്പെടുത്താൻ ഇനി മണിക്കൂറുകൾ കൂടി മാത്രമേ ബാക്കിയുള്ളൂ. ദിവസങ്ങൾ നീണ്ട പ്രചാരണ ചൂടിലും എവിടെയും അയവു വന്നിരിക്കുകയാണ്. മത്സരിക്കുന്ന ചുരുക്കം ചില സ്റ്റാർ മത്സരാർത്ഥികളിൽ ശ്രദ്ധേയനാണ് തിരുവനന്തപുരത്തെ ബി.ജെ.പി. സ്ഥാനാർഥി കൃഷ്ണകുമാർ

കൃഷ്ണകുമാറിനൊപ്പം ഭാര്യ സിന്ധുവും മക്കളും പ്രചാരണത്തിനിറങ്ങിയിരുന്നു. ഈ ചിത്രങ്ങൾ മകൾ ഇഷാനി പോസ്റ്റ് ചെയ്തു (തുടർന്ന് വായിക്കുക)

മൂന്നാമത്തെ മകളായ ഇഷാനിയും ഇളയ മകൾ ഹന്സികയുമാണ്‌ അച്ഛനൊപ്പം തെരഞ്ഞെടുപ്പ് ഗോദയിൽ ഒപ്പം കൂടിയത്. മൂത്ത മകൾ അഹാന ഇപ്പോൾ ഷൂട്ടിംഗ് തിരക്കുകളിലാണ്. രാഷ്ട്രീയ പ്രമേയം അവതരിപ്പിച്ച കന്നി ചിത്രം 'വണ്ണിന്' ശേഷം ഇഷാനി തെരഞ്ഞെടുപ്പ് ചൂടിലേക്ക് നേരിട്ടിറങ്ങി എന്നത് തീർത്തും യാദൃശ്ചികം

നടൻ കൃഷ്ണകുമാറിനെ അറിയാത്ത മലയാളികൾ ഇന്നില്ല. കൃഷ്ണകുമാർ മാത്രമല്ല, അഭിനേത്രികളായ സഹോദരിമാരുള്ള കുടുംബവും ഏവർക്കും സുപരിചിതം. എന്നാൽ ടി.വി. ആങ്കറും നടനും എന്ന നിലയിൽ മാത്രം കൃഷ്ണകുമാറിനെ പരിചയമുള്ളവർക്ക് അദ്ദേഹത്തിന്റെ പ്രശസ്തമല്ലാത്ത ഭൂതകാലം അറിയാൻ സാധ്യത കുറവാണ്

നടനാവുന്നതിനും മുൻപ് കൃഷ്ണകുമാർ ഓട്ടോഡ്രൈവർ ആയിരുന്നു. ഇന്ന് തിരുവനന്തപുരത്ത് ബി.ജെ.പി. സ്ഥാനാർത്ഥിയായി മത്സരിക്കുന്ന കൃഷ്ണകുമാറിന്റെ പ്രചാരണം തുടങ്ങിയപ്പോഴാണ് ആ ഭൂതകാലം മറനീക്കി വന്നത്. വിദ്യാർത്ഥികാലത്തു ജീവിതത്തിൽ ഉണ്ടായ ഒരു വൻ തിരിച്ചടിയാണ് കൃഷ്ണകുമാറിനെ ഓട്ടോഡ്രൈവറാക്കി മാറ്റിയത് (തുടർന്ന് വായിക്കുക)

അച്ഛനും അമ്മയും മക്കളുമടങ്ങുന്ന സന്തുഷ്‌ട കുടുംബത്തിലെ അംഗമായിരുന്നു കൃഷ്ണകുമാർ. കോളേജ് പഠനം ആരംഭിക്കുന്ന നാളുകളിലായിരുന്നു അച്ഛൻ ജോലിയിൽ നിന്നും വിരമിക്കുന്നത്. വിരമിക്കലിനെ തുടർന്ന് അച്ഛന് അത്യാവശ്യം നല്ലൊരു തുക വന്നുചേർന്നു. പക്ഷെ പൊടുന്നനെയാണ് കാര്യങ്ങൾ മാറിമറിഞ്ഞത്

അച്ഛന്റെ സമ്പാദ്യങ്ങൾ രണ്ടു സ്വകാര്യ ബാങ്കുകളിലായി നിക്ഷേപിക്കപ്പെട്ടു. അധികം വൈകാതെ ആ രണ്ടു ബാങ്കുകൾ പൂട്ടി. സമ്പാദിച്ച തുക മുഴുവൻ നഷ്‌ടപ്പെട്ടു. വിദ്യാർത്ഥിയായ കൃഷ്ണകുമാറിന് ചുമതലകൾ വർധിച്ചു

കൃഷ്ണകുമാർ ഓട്ടോ ഡ്രൈവറായി. പഠനത്തിനിടെ ഫ്രീ പിരിയഡുകളിലും രാത്രി വൈകിയും കൃഷ്ണകുമാർ തിരുവനന്തപുരം നഗരത്തിലെ വീഥികളിലൂടെ വണ്ടി ഓടിച്ച് വരുമാനമുണ്ടാക്കി. പഠനത്തോടൊപ്പം സ്വന്തം കുടുംബത്തെയും പുലർത്തി. അതിനു ശേഷമാണ് ദൂരദർശനിൽ വാർത്താവതാരകനായി ജീവിതം ആരംഭിക്കുന്നതും നടനാവുന്നതുമെല്ലാം

ഭാര്യ സിന്ധുവുമായി പ്രണയവിവാഹമായിരുന്നു. ഇവർക്ക് നാല് പെണ്മക്കളുണ്ട്

കൃഷ്ണകുമാർ സിന്ധുവിനും മക്കളായ അഹാന, ദിയ, ഇഷാനി, ഹൻസിക എന്നിവർക്കൊപ്പം