Mohanlal Birthday | 'ചേട്ടൻ ജീവിതത്തിൽ ഏറ്റവും മോശം നടനാണ് അഭിനയിക്കാൻ തീരേയറിയില്ല'; സുചിത്ര

മലയാളത്തിന്റെ അഭിനയ വിസ്മയം മോഹൻലാൽ ഇന്ന് അറുപത്തിമൂന്നാം പിറന്നാൾ ആഘോഷിക്കുകയാണ്. ഇപ്പോഴിതാ അദ്ദേഹത്തിന്റെ ജീവിതപങ്കാളിയായ സുചിത്ര നടനെക്കുറിച്ച് പറഞ്ഞ വാക്കുകളാണ്  ശ്രദ്ധ നേടുന്നത്.

മോഹന്‍ലാല്‍ ക്യാമറയ്ക്ക് മുന്നില്‍ ഒന്നാന്തരം നടനാണെങ്കിലും ജീവിതത്തില്‍ ഏറ്റവും മോശം നടനുമാണെന്നും സുചിത്ര പറയുന്നു. മോഹൻലാൽ ഇമോഷണലാണെന്നും ഒരു മാജിക്കുകാരനെപ്പോലെ അത് ഒളിപ്പിക്കും. മനസ്സിലാവുകയേയില്ലെന്ന് സുചിത്ര പറയുന്നു. മാതൃഭൂമിക്ക് നൽകിയ അഭിമുഖത്തിലാണ് സുചിത്ര ഇക്കാര്യം പറയുന്നത്.

1988 ലാണ് മോഹൻലാലും സുചിത്രയും വിവാഹിതരായത്. അന്തരിച്ച തമിഴ് നടനും, നിർമ്മാതാവുമായ കെ ബാലാജിയുടെ മകളാണ് സുചിത്ര. പ്രണവ് മോഹൻലാൽ, വിസ്മയ മോഹൻലാല്‍ എന്നിവരാണ് മക്കൾ.

63-ാം പിറന്നാള്‍ ആഘോഷിക്കുന്ന മോഹന്‍ലാലിന് ആശംസകളുമായി സിനിമ സാംസ്കാരിക രംഗത്തെത്തിയിരുന്നു. മോഹന്‍ലാലിന്‍റെ ആരാധക സംഘടനയായ ഓള്‍ കേരള മോഹന്‍ലാല്‍ ഫാന്‍സ് ആന്‍ഡ് കള്‍ച്ചറല്‍ വെല്‍ഫെയര്‍ അസോസിയേഷന്‍റെ ആഭിമുഖ്യത്തില്‍ സംസ്ഥാനത്തുടനീളം വിവിധ ജീവകാരുണ്യ പ്രവര്‍ത്തനങ്ങള്‍ നടക്കും.

ലിജോ ജോസ് പെല്ലിശേരി സംവിധാനം ചെയ്യുന്ന മലൈക്കോട്ടൈ വാലിബന്‍, പൃഥ്വിരാജ് ഒരുക്കുന്ന എമ്പുരാന്‍, ജിത്തു ജോസഫിന്‍റെ റാം, മോഹന്‍ലാല്‍ സംവിധായകനായി അരങ്ങേറ്റം കുറിക്കുന്ന ബറോസ്, രജനീകാന്തിനൊപ്പമുള്ള തമിഴ് ചിത്രം ജയിലര്‍ തുടങ്ങിയവയാണ് മോഹന്‍ലാലിന്‍റെ പുറത്തിറങ്ങാനുള്ള പുതിയ സിനിമകള്‍.