Alamkritha Prithviraj | അല്ലി മോൾക്ക് സിറിയയിൽ നിന്നും ആ ശബ്ദ സന്ദേശമെത്തി; പോസ്റ്റുമായി സുപ്രിയ മേനോൻ

സിറിയൻ നീന്തൽ താരം യൂസ്‌റ മർദീനിയുടെ നാടായ സിറിയയിൽ പോകണമെന്ന് അല്ലി ആവശ്യമുന്നയിച്ചതും അവളുടെ പുതിയ ഇഷ്‌ട താരത്തിന് സന്ദേശമയച്ച് അമ്മ സുപ്രിയ മേനോൻ. താൻ ഇട്ട പോസ്റ്റ് ഉൾപ്പെടെയാണ് സുപ്രിയ യൂസ്‌റക്ക്‌ അയച്ചു കൊടുത്ത്. അധികം വൈകാതെ യൂസ്‌റ മറുപടിയും നൽകി

ഒരു ശബ്ദ സന്ദേശമാണ് മറുപടിയായി കിട്ടിയത്. കോവിഡ് ശമിച്ചാൽ യൂസ്‌റയെ കാണാൻ അല്ലിക്ക് ആഗ്രഹമുണ്ടെന്നും സുപ്രിയ അറിയിച്ചു. സുപ്രിയയുടെ പോസ്റ്റ് ഇഷ്‌ടമായ യൂസ്‌റ താൻ കുട്ടിക്കാലത്ത് കുടുംബത്തോടൊപ്പം ഇന്ത്യൻ സിനിമകൾ കാണാറുണ്ടെന്നു മറുപടി അയക്കുകയും ചെയ്തു. കഴിഞ്ഞ ദിവസമാണ് പൃഥ്വിരാജിന്റെ മകൾ അലംകൃത സിറിയയിൽ പോകണമെന്ന വളരെ വിചിത്രമായ ആവശ്യം ഉന്നയിച്ചത് (തുടർന്ന് വായിക്കുക)

തിരക്കുകൾ ഒഴിഞ്ഞ് അച്ഛൻ പൃഥ്വിരാജ് വീട്ടിൽ വന്ന ദിവസമായിരുന്നു. ഭക്ഷണം കഴിക്കുന്നതിനിടെ പറഞ്ഞ വിശേഷങ്ങളിൽ തീർത്തും വിചിത്രമായ ഒരു ആഗ്രഹം മകൾ അലംകൃത മുന്നോട്ടു വച്ചു. സിറിയയിൽ പോണം. സുപ്രിയ പങ്കുവച്ച ഇൻസ്റ്റഗ്രാം പോസ്റ്റിലാണ് അല്ലിയുടെ പുതിയ കൗതുകത്തെക്കുറിച്ച് പറയുന്നത്

കാരണം എന്തെന്ന് ചോദിച്ച അച്ഛനമ്മമാരോട് മകൾ പറഞ്ഞത് യൂസ്‌റ മർദീനിയെ കുറിച്ചാണ്. പൃഥ്വിയും സുപ്രിയയും അതാരെന്ന് അറിയാത്ത അമ്പരപ്പിൽ. പിന്നെ ആറുവയസ്സുകാരി അവളുടെ അച്ഛനും അമ്മയ്ക്കും യൂസ്‌റ മർദീനി ആരെന്ന് പരിചയപ്പെടുത്തി. എങ്ങനെയാണ് യൂസ്‌റ മർദീനി അല്ലിയുടെ മനസ്സിൽ കയറിക്കൂടിയതെന്നറിയാമോ? 

രാത്രി ഉറങ്ങാൻ കിടക്കുന്നതിനു മുൻപ് അല്ലി മോൾക്ക് വായിക്കാൻ നൽകിയ പുസ്തകങ്ങളിൽ ഒന്നിൽ നിന്നുമാണ് യൂസ്‌റ അവളുടെ കുഞ്ഞ് മനസ്സിലേക്ക് കയറുന്നത്. ഇന്നത്തെ കാലത്തെ ഒരു ആറ് വയസ്സുകാരി എന്തെല്ലാം വിവരങ്ങൾ മനസ്സിലാക്കുന്നു എന്ന് സുപ്രിയയ്ക്കും കൗതുകം. ഒരുപാട് വെല്ലുവിളികൾ നിറഞ്ഞ കുട്ടിക്കാലമായിരുന്നു യൂസ്‌റ തരണം ചെയ്തത്

സിറിയയിലെ നീന്തൽ താരമാണ് യൂസ്‌റ. അഭയാർത്ഥിയായി ജർമനിയിലെത്തി വിജയം കൈപ്പിടിയിലൊതുക്കിയ യുവതിയാണ് ഈ 22കാരി. 'ഗുഡ് നൈറ്റ് സ്റ്റോറീസ് ഫോർ റിബൽ ഗേൾസ്' എന്ന പുസ്തകം യൂസ്‌റയുടെ ജീവിതം പറയുന്ന ചെറുകഥാ സമാഹാരമാണ്. ജീവൻ പണയം വച്ച് ജീവിതത്തിലേക്കു നീന്തിക്കയറിയ പെൺകുട്ടിയാണ് യൂസ്‌റ

അല്ലി മോൾ വായിച്ച പുസ്തകവും 'ഗുഡ് നൈറ്റ് സ്റ്റോറീസ് ഫോർ റിബൽ ഗേൾസ്' ആണ്. അല്ലിക്ക് ഇപ്പോൾ ഏറ്റവും പ്രിയപ്പെട്ട പുസ്തകവും ഇതുതന്നെയാണ് എന്ന് സുപ്രിയ പറയുന്നു

ഒട്ടേറെ സാമൂഹിക വിഷയങ്ങളിൽ അല്ലി തന്റേതായ അഭിപ്രായം കുറിക്കാറുണ്ട്. കോവിഡ് വാക്സിനെ കുറിച്ച് അല്ലി എഴുതിയ കുറിപ്പാണിത്