ബോളിവുഡിൽ പിടിമുറുക്കി കോവിഡ് 19| പ്രധാന താരങ്ങളുടെ വസതികൾ കണ്ടെയിൻമെന്റ് സോണിൽ

ബോളിവുഡിൽ പിടിമുറുക്കി കോവിഡ് 19. നടി സെക്യൂരിറ്റി ഉദ്യോഗസ്ഥന് കോവിഡ് സ്ഥിരീകരിച്ചതോടെ നടി രേഖയുടെ വീട് നിൽക്കുന്ന സ്ഥലം കണ്ടെയ്ൻമെന്റ് സോണായി പ്രഖ്യാപിച്ചിരുന്നു.

ഇതിന് പിന്നാലെ സംവിധായിക സോയ അക്തറുടെ വീടും ബ്രിഹൻമുംബൈ മുൻസിപ്പൽ കോർപ്പറേഷൻ അധികൃതർ സീൽ ചെയ്തു.

രേഖയുടെ വീടിന് സമീപമാണ് സോയ അക്തറും താമസിക്കുന്നത്. മുൻകരുതൽ എന്ന നിലയ്ക്കാണ് സോയയുടെ വീടും അണുവിമുക്തമാക്കി സീൽ ചെയ്തത്.

കഴിഞ്ഞയാഴ്ച്ചയാണ് രേഖയുടെ സഹായിക്ക് കോവിഡ് സ്ഥിരീകരിച്ചത്.

രേഖയുടെ വീട് സ്ഥിതി ചെയ്യുന്ന സ്ഥലം കണ്ടെയ്ന്മെന്റ് സോണായി പ്രഖ്യാപിച്ചിരിക്കുകയാണ്.

സോയ അക്തറുടെ വീടിന് മുന്നിൽ മുന്നറിയിപ്പ് നൽകി ബോർഡും ബിഎംസി അധികൃതർ സ്ഥാപിച്ചിട്ടുണ്ട്.

അമിതാഭ് ബച്ചനും അഭിഷേക് ബച്ചനും കോവിഡ് സ്ഥിരീകരിച്ചതിന് പിന്നാലെ ഐശ്വര്യ റായിക്കും മകൾ ആരാധ്യയ്ക്കും കോവിഡ‍് സ്ഥിരീകരിച്ചിരുന്നു.