Covid 19| യുഎഇയിൽ 1311 പേർക്ക് കൂടി കോവിഡ്; സൗദിയിൽ രോഗം സ്ഥിരീകരിച്ചത് 189 പേർക്ക്

അബുദാബി/ റിയാദ്: യുഎഇയില്‍ 1311 പേര്‍ക്ക് കൂടി കോവിഡ് 19 സ്ഥിരീകരിച്ചു. ചികിത്സയിലായിരുന്ന 1495 പേര്‍ രോഗമുക്തി നേടി. രണ്ട് മരണങ്ങളാണ് പുതിയതായി രേഖപ്പെടുത്തിയതെന്നും ആരോഗ്യ - പ്രതിരോധ മന്ത്രാലയം അറിയിച്ചു. കഴിഞ്ഞ 24 മണിക്കൂറിനിടെ 1,38,914 കോവിഡ് പരിശോധനകളാണ് യുഎഇയില്‍ നടത്തിയത്.

രാജ്യത്ത് ഇതുവരെ കോവിഡ് സ്ഥിരീകരിക്കപ്പെട്ടവരുടെ എണ്ണം 1,98,435 ആയി. ഇവരില്‍ 1,74,479 പേരും രോഗമുക്തരായി. ആകെ മരണം 647 ആണ്. നിലവില്‍ 23,309 കോവിഡ് രോഗികള്‍ യുഎഇയിലുണ്ട്. ഇതുവരെയുള്ള കണക്കുകള്‍ പ്രകാരം 1.98 കോടി കോവിഡ് പരിശോധനകളാണ് രാജ്യത്ത് നടത്തിയിട്ടുള്ളത്.

സൗദി അറേബ്യയില്‍ പുതുതായി 189 പേര്‍ക്ക് കൂടി കോവിഡ് സ്ഥിരീകരിച്ചു. 190 പേര്‍ രോഗമുക്തി നേടി. 11 പേര്‍ രാജ്യത്തെ വിവിധ ഭാഗങ്ങളിലായി മരിച്ചു. ഇതോടെ രാജ്യത്ത് റിപ്പോര്‍ട്ട് ചെയ്ത കോവിഡ് കേസുകളുടെ ആകെ എണ്ണം 3,61,725 ഉം രോഗമുക്തരുടെ എണ്ണം 3,52,608 ഉം ആയി. മരണസംഖ്യ 6159 ആയി ഉയര്‍ന്നു.

രോഗ ബാധിതരായി രാജ്യത്ത് ബാക്കിയുള്ളത് 2958 പേരാണ്. ഇതില്‍ 380 പേര്‍ മാത്രമാണ് ഗുരുതരാവസ്ഥയിലുള്ളത്. ഇവര്‍ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യ സ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്.

റിയാദ് 52, മക്ക 38, കിഴക്കന്‍ പ്രവിശ്യ 32, മദീന 30, ഖസീം 9, അസീര്‍ 9, തബൂക്ക് 4, അല്‍ബാഹ 4, നജ്‌റാന്‍ 3, അല്‍ജൗഫ് 3, ഹാഇല്‍ 3, ജീസാന്‍ 1, വടക്കന്‍ മേഖല 1- എന്നിങ്ങനെയാണ് കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കോവിഡ് കേസുകള്‍.