COVID 19 | രോഗ വിവരം മറച്ചുവച്ചാല്‍ 98.96 ലക്ഷം പിഴ; മുന്നറിയിപ്പുമായി സൗദി അറേബ്യ
കോവിഡ് ബാധിത രാജ്യങ്ങള്‍ സന്ദര്‍ശിച്ച ശേഷം വിവരം മറച്ചുവച്ച് വിവിധ ഗള്‍ഫ് രാജ്യങ്ങള്‍ വഴി സൗദിയിലേക്ക് വരുന്നവരുടെ എണ്ണം വര്‍ധിച്ച പശ്ചാത്തലത്തിലാണു നടപടി.
News18 Malayalam | March 11, 2020, 7:28 AM IST
1/ 7
കോവിഡ് 19 പടരുന്ന സാഹചര്യത്തിൽ കർശന മുന്നറിയിപ്പുമായി സൗദി അറേബ്യ. യാത്ര ചെയ്തിട്ടുള്ള എവിടെയൊക്കെയെന്നതും രോഗ വിവരങ്ങളും മറച്ചുവച്ച് രാജ്യത്ത് പ്രവേശിച്ചാല്‍ 5 ലക്ഷം റിയാല്‍ (98.96 ലക്ഷം രൂപ) പിഴ ഈടാക്കും. പബ്ലിക് പ്രോസിക്യൂഷനാണ് ഇക്കാര്യം വ്യക്തമാക്കിയിരിക്കുന്നത്.
2/ 7
കോവിഡ് ബാധിത രാജ്യങ്ങള്‍ സന്ദര്‍ശിച്ച ശേഷം വിവരം മറച്ചുവച്ച് വിവിധ ഗള്‍ഫ് രാജ്യങ്ങള്‍ വഴി സൗദിയിലേക്ക് വരുന്നവരുടെ എണ്ണം വര്‍ധിച്ച പശ്ചാത്തലത്തിലാണു നടപടി.
3/ 7
ഇറാന്‍, ഇറ്റലി, കുവൈത്ത്, യുഎഇ, ബഹ്‌റൈന്‍ എന്നീ രാജ്യങ്ങള്‍ വഴി സൗദിയില്‍ എത്തിയവരിലൂടെയാണു കോവിഡ് സൗദിയിലും എത്തിയത്.
4/ 7
രാജ്യത്ത് 15 പേരിൽ രോഗബാധ സ്ഥിരാകരിച്ചിട്ടുണ്ട്. രോഗം സ്ഥിരീകരിച്ചത്. നൂറുകണക്കിനു പേര്‍ നിരീക്ഷണത്തിലുമാണ്.
5/ 7
വിമാനത്താവള ഉദ്യോഗസ്ഥരോട് യാത്രാ-രോഗ വിവരം പറയാതെ കര, നാവിക, വ്യോമ കവാടങ്ങളിലൂടെ രാജ്യത്തേക്കു കടക്കുകയായിരുന്നു. ഇത് വലിയ കുറ്റമായി കണക്കാക്കുമെന്ന് അധികൃതര്‍ വ്യക്തമാക്കി.
6/ 7
തിരിച്ചറിയല്‍ കാര്‍ഡ് ഉപയോഗിച്ച് ജിസിസി രാജ്യങ്ങളില്‍നിന്ന് സൗദിയിലേക്ക് പ്രവേശിക്കാനുള്ള സൗകര്യമാണ് ഇവര്‍ ദുരുപയോഗം ചെയ്തത്.
7/ 7
പാസ്‌പോര്‍ട്ട് ഉപയോഗിക്കാത്തതിനാല്‍ ഇവരുടെ യാത്രാ വിവരങ്ങള്‍ എയര്‍പോര്‍ട്ടില്‍ ലഭ്യമല്ല. ഇത്തരം ദുരുപയോഗം വര്‍ധിച്ചതോടെ തിരിച്ചറിയല്‍ കാര്‍ഡ് ഉപയോഗിച്ചുള്ള യാത്രയ്ക്ക് വിലക്ക് ഏര്‍പ്പെടുത്തുകയും ചെയ്തിരുന്നു.
