UAEയിലെ മികച്ച പേസ്ട്രി ഷെഫ് ആയി ഷാജഹാൻ; പുരസ്കാരം നേടുന്ന ആദ്യമലയാളി വയനാട്ടിൽ നിന്ന്

യുഎഇ യിലെ മികച്ച പേസ്ട്രി ഷെഫ് ആയി തെരഞ്ഞെടുക്കപ്പെട്ട മലയാളിയെ പരിചയപ്പെടാം. ആദ്യമായാണ് ഒരു മലയാളി ഈ പുരസ്കാരം നേടുന്നത്. വയനാട് സ്വദേശിയായ ഷാജഹാൻ മമ്പള്ളിയാണ് ഈ വർഷം യുഎഇ യിലെ മികച്ച പേസ്ട്രി ഷെഫ് പുരസ്കാരം സ്വന്തമാക്കിയത്.

യു.എ.ഇ രാജ്യങ്ങളിലെ ഷെഫുമാർക്ക് വേണ്ടി മാത്രം എല്ലാ വർഷവും നടത്തുന്ന മത്സരമാണ് LA CUISINE BY SIAL- 2019. വിവിധ വിഭാഗങ്ങളിലായി നടന്ന മത്സരത്തിൽ മൂന്ന് ഇനങ്ങളിൽ മത്സരിച്ചാണ് വയനാട് സ്വദേശിയായ ഷാജഹാൻ മമ്പള്ളി മികച്ച പേസ്ട്രി ഷെഫ് എന്ന പുരസ്കാരം നേടിയത്.

പ്ലേറ്റഡ് ഡെസേർട്ട് വിഭാഗത്തിൽ സ്വർണമെഡലോടെയാണ് പുരസ്കാര നേട്ടം. ആദ്യമായാണ് ഒരു മലയാളി യു.എ.ഇ യിലെ മികച്ച പേസ്ട്രി ഷെഫ് ആയി തെരഞ്ഞെടുക്കപ്പെടുന്നത്. അബുദാബിയിൽ ഡിസംബർ 9,10,11 തിയതികളിലായിരുന്നു മത്സരം നടന്നത്. വയനാട് കൽപ്പറ്റ സ്വദേശിയായ ഷാജഹാൻ മമ്പള്ളി ഷാർജയിലാണ് താമസം.

ഷാർജ സർക്കാരിന് കീഴിൽ ഷാർജ ലേഡീസ് ക്ലബ്ബിലെ പേസ്ട്രി ഷെഫായി ജോലി ചെയ്യുകയാണ് ഷാജഹാൻ. കഴിഞ്ഞവർഷം നടന്ന മത്സരത്തിലും പ്ലേറ്റഡ് ഡെസേർട്ട് വിഭാഗത്തിൽ ഷാജഹാന് പുരസ്കാരങ്ങൾ ലഭിച്ചിട്ടുണ്ട്. 15 വർഷത്തോളമായി പാചകരംഗത്ത് തുടരുന്ന ഷാജഹാൻ ഇതിനോടകം 25 ലധികം പുരസ്കാരങ്ങളും നേടിയിട്ടുണ്ട്.

ഷാജഹാന് പുരസ്കാരം നേടി നൽകിയ വിഭവങ്ങൾ ഇതാണ്. (1) പ്ലേറ്റഡ് ഡെസേർട്ട് (ഗോൾഡ് മെഡൽ വിത്ത് ബെസ്റ്റ് കാറ്റഗറി പുരസ്കാരവും) (a) ഹോട്ട് ഡിഷ് - ഹോട്ട് ചോക്ലേറ്റ് പുഡിംങ്, ഓറഞ്ച് ഐസ്ക്രീം, കരാമലൈസ്ഡ് ഓറഞ്ച് സെഗ്മെന്റ് എന്നിവ ചേർന്നതാണ് ഹോട്ട് ഡിഷ് ഡെസേർട്ട്

(1) പ്ലേറ്റഡ് ഡെസേർട്ട് (ഗോൾഡ് മെഡൽ വിത്ത് ബെസ്റ്റ് കാറ്റഗറി പുരസ്കാരവും) (b) വെജിറ്റബിൾ സ്വീറ്റ് ഡിഷ് - ചോക്ലേറ്റ് കേക്ക് വിത്ത് വെഗൺ വാനില കൊക്കനട്ട് ഐസ്ക്രീം,

(1) പ്ലേറ്റഡ് ഡെസേർട്ട് (ഗോൾഡ് മെഡൽ വിത്ത് ബെസ്റ്റ് കാറ്റഗറി പുരസ്കാരവും) (c) അറബിക് ഡെസേർട്ട് - പിസ്റ്റാറ്റിയൊ സഫ്റോൺ കേക്ക്, അറബിക് ചീസ് കൂണാഫ,

(1) പ്ലേറ്റഡ് ഡെസേർട്ട് (ഗോൾഡ് മെഡൽ വിത്ത് ബെസ്റ്റ് കാറ്റഗറി പുരസ്കാരവും) (d) ഇറ്റാലിയൻ ഡെസേർട്ട് - വാനില മാങ്കോ പനാക്കോട്ട, മാങ്കോ കവിയർ, ബ്രിട്ടൺ ബിസ്ക്കറ്റ്.

(2) ലൈവ് കേക്ക് ( സിൽവർ മെഡല്‍) -അബുദാബിയിലെ പ്രശസ്തമായ കോയിൻ ബിൽഡിങ്ങിന്‍റെ രൂപത്തിൽ ചോക്ലേറ്റിൽ നിർമ്മിച്ചതാണ് കേക്ക്. രണ്ട് മണിക്കൂർ സമയത്തിൽ കേക്ക് നിർമ്മിക്കണം. ഹസൽനറ്റ് ചോക്ലേറ്റും, പിസ്താഷിയൊ പാഷൻഫ്രൂട്ട്, മാങ്കോ വൈറ്റ് ചോക്ലേറ്റ് എന്നിവ ചേർത്തായിരുന്നു കേക്കിന്‍റെ നിർമ്മാണം.

(3) മിനി വൺ ബൈറ്റ് സൈസ് കേക്ക് ( PETITES FOUR AND PRELINES) (ബ്രോൺസ് മെഡൽ) - ആറ് തരത്തിൽ ഓരോന്നായ് ആറെണ്ണം വീതം 36 വിവിധയിനം മിനി ചോക്ലേറ്റുകളാണ് ഉണ്ടാക്കിയിരുന്നത്. അതിന്‍റെ മധ്യഭാഗത്തായ് ജ്വല്ലറി ഗോൾഡ് ഡിസ്പ്ലെ തീംചോക്ലേറ്റിൽ തീർത്ത രൂപവും നിർമ്മിച്ചിരുന്നു.