48 മണിക്കൂറിൽ കൂടുതലായി ദുബായ് വിമാനത്താവളത്തിൽ കുടുങ്ങി മലയാളി; ട്വീറ്റിന് മറുപടിയുമായി ഇന്ത്യൻ കോൺസുലേറ്റ്

ദുബായ് രാജ്യാന്തര വിമാനത്താവളത്തിൽ 48 മണിക്കൂറിലേറെയായി കുടുങ്ങി മലയാളി. വിമാന സർവീസുകൾ ഇല്ലാത്ത സാഹചര്യത്തിൽ മറ്റു മാർഗ്ഗങ്ങൾ ഒന്നും മുന്നിൽക്കാണാതെ വന്നപ്പോൾ ട്വീറ്റ് വഴി അധികാരികളെ ശ്രദ്ധയിൽപ്പെടുത്തുകയായിരുന്നു അദ്ദേഹം

മലയാളിയായ രാജേന്ദ്രൻ നായരാണ് എയർപോർട്ടിൽ കുടുങ്ങിയത്. 48 മണിക്കൂർ കാത്തിരിപ്പ് കഴിഞ്ഞപ്പോഴാണ് ട്വീറ്റ് ചെയ്തത്

ഓഫീസർമാർ നിരന്തരമായി ഇക്കാര്യത്തെ സംബന്ധിച്ച് ബന്ധപ്പെടുകയാണെന്നും, പാൻഡെമിക് അവസ്ഥയിൽ എളുപ്പം പോംവഴി കാണാൻ സാധിക്കുകയില്ലെന്നും ഇന്ത്യൻ കോൺസുലേറ്റ് അധികൃതർ മറുപടി ട്വീറ്റിൽ  പറയുന്നു. ദുബായിയിലെ അധികാരികളുമായി ബന്ധപ്പെട്ട് സഹായിക്കാൻ ശ്രമിക്കുകയാണെന്നും ഇന്ത്യൻ കോൺസൽ ജനറൽ വിപുൽ  അറിയിച്ചു 

പക്ഷെ എന്നിട്ടും രക്ഷയില്ലെന്നാണ് രാജേന്ദ്രൻ നായരുടെ പിന്നീടുള്ള ട്വീറ്റുകളിൽ കാണുന്നത്. കോവിഡ് മുൻകരുതലുകളോ, ഭക്ഷണമോ ലഭിക്കാത്ത അവസ്ഥയാണെന്നും യാത്രക്കാരൻ ട്വീറ്റിലൂടെ പറയുന്നു . ജനറൽ ഏരിയയിൽ ആണെന്നും, വൈറസ് പടരുമോ എന്ന് പേടിക്കുന്നതായും ഇദ്ദേഹം പറയുന്നു

അവസ്ഥ വിവരിച്ചുകൊണ്ടുള്ള രാജേന്ദ്രൻ നായരുടെ ട്വീറ്റുകൾ