Covid Impact| കോവിഡിനെ തുടർന്ന് ഇന്ത്യയിൽ തൊഴിൽ നഷ്ടമായത് 41 ലക്ഷം യുവാക്കൾക്ക്

covid കോവിഡ് 19 പകർച്ചാവ്യാധി മൂലം രാജ്യത്ത് 41 ലക്ഷം യുവാക്കൾക്ക് തൊഴിൽ നഷ്ടപ്പെട്ടെന്ന് റിപ്പോർട്ട്. നിർമാണ, കാർഷിക മേഖലയിലെ തൊഴിലാളികളാണ് തൊഴിൽ നഷ്ടത്തിൽ ഭൂരിഭാഗവും.

ഇന്റർനാഷണൽ ലേബർ ഓർഗനൈസേഷനും (ഐ‌എൽ‌ഒ) ഏഷ്യൻ ഡെവലപ്‌മെന്റ് ബാങ്കും സംയുക്തമായി തയ്യാറാക്കിയ റിപ്പോർട്ടിൽ ആണ് ഇക്കാര്യം വ്യക്തമാക്കിയിരിക്കുന്നത്. ചൊവ്വാഴ്ചയാണ് റിപ്പോർട്ട് പുറത്തിറങ്ങിയത്.

ഏഷ്യയിലും പസഫിക്കിലും കോവിഡ് 19 മൂലം ഉണ്ടായ യുവാക്കളുടെ തൊഴിൽ നഷ്ടത്തെ കൈകാര്യം ചെയ്യൽ(Tackling the COVID-19 youth employment crisis in Asia and the Pacific')എന്ന തലക്കെട്ടിലാണ് ലേഖനം.

'ഇന്ത്യയെ സംബന്ധിച്ചിടത്തോളം 41ലക്ഷം യുവാക്കൾക്ക് തൊഴിൽ നഷ്ടപ്പെട്ടെന്ന് റിപ്പോർട്ട് കണക്കാക്കുന്നു. നിർമാണവും കൃഷിയും അടക്കം ഏഴ് പ്രധാന മേഖലകളിൽ വലിയ തൊഴിൽ നഷ്ടം ഉണ്ടായി'- റിപ്പോർട്ട് വ്യക്തമാക്കിയിരിക്കുന്നു.

പ്രതിസന്ധി വളരെ പെട്ടെന്ന് ബാധിച്ചത് യുവാക്കളായ തൊഴിലാളികളെയാണ്.ഏഷ്യാ-പസഫിക് മേഖലയിലെ 15 മുതല്‍ 25 വയസ് വരെയുള്ള 22 കോടിയോളം യുവാക്കളായ തൊഴിലാളികളെയാണ് പ്രതിസന്ധി ബാധിച്ചിരിക്കുന്നതെന്നും റിപ്പോര്‍ട്ടില്‍ പറയുന്നു.

ഗ്ലോബൽ സർവേ ഓൺ യൂത്ത് ആന്റ് കോവിഡ് -19' ന്റെ പ്രാദേശിക വിലയിരുത്തലിനെ അടിസ്ഥാനമാക്കിയാണ് റിപ്പോർട്ട് തയ്യാറാക്കിയിരിക്കുന്നത്. വിവിധ രാജ്യങ്ങളിൽ ലഭ്യമായ തൊഴിലില്ലായ്മ സംബന്ധിച്ച വിവരങ്ങളെ അടിസ്ഥാനമാക്കിയാണ് കണക്കുകളിൽ എത്തിച്ചേർന്നത്.(പ്രതീകാത്മക ചിത്രം)

ഇന്ത്യയിൽ, പകർച്ചവ്യാധി സമയത്ത് മൂന്നിൽ രണ്ട് ഫേം ലെവൽ അപ്രന്റീസ്ഷിപ്പുകളും മുക്കാൽ ഇന്റേൺഷിപ്പുകളും പൂർണ്ണമായും തടസ്സപ്പെട്ടുവെന്നും റിപ്പോർട്ടിൽ പറയുന്നു. ഈ പ്രതിസന്ധി പരിഹരിക്കാന്‍ സമഗ്രമായ നയമാണ് വേണ്ടതെന്നാണ് സര്‍ക്കാരുകളോട് ഈ റിപ്പോര്‍ട്ടില്‍ ആവശ്യപ്പെടുന്നത്.

വേതന സബ്‌സിഡി, തൊഴില്‍ പദ്ധതികള്‍ തുടങ്ങിയവയിലൂടെ പ്രതിസന്ധിയുടെ ആഘാതം കുറയ്ക്കണമെന്നും റിപ്പോര്‍ട്ടില്‍ ആവശ്യപ്പെടുന്നു. ഫലപ്രദമായ നടപടികളിലൂടെ ദരിദ്രരും ദുര്‍ബലരുമായ യുവാക്കള്‍ക്ക് സഹായം എത്തിച്ചേരുന്നുവെന്ന് ഉറപ്പ് വരുത്തുകയും വേണം.

2020 ൽ ഏഷ്യയിലെയും പസഫിക്കിലെയും 13 രാജ്യങ്ങളിലായി ഒരു കോടി മുതൽ 1.5 കോടി വരെ യുവജനങ്ങൾക്ക് തൊഴിൽ (മുഴുവൻ സമയം) നഷ്ടപ്പെട്ടേക്കുമെന്ന് റിപ്പോർട്ടിന്റെ പ്രവചനങ്ങൾ പറയുന്നു. (പ്രതീകാത്മക ചിത്രം)

റിപ്പോർട്ട് അനുസരിച്ച്, ഈ മേഖലയിലെ ചെറുപ്പക്കാർക്ക് മുതിർന്നവരെ അപേക്ഷിച്ച് കൂടുതൽ തൊഴിൽ വിപണി തടസ്സവും തൊഴിൽ നഷ്ടവും നേരിടേണ്ടിവരുന്നതിന്റെ ഒരു കാരണം, അവരിൽ പകുതിയും (10 കോടിയിൽ കൂടുതൽ) പ്രതിസന്ധി നേരിടുന്ന നാല് മേഖലകളിലാണ് ജോലി ചെയ്യുന്നത് എന്നതിനാലാണെന്നും റിപ്പോർട്ട് പറയുന്നു.