Scorpion in Beer: ബിയർ കുപ്പിക്കുള്ളിൽ ചത്ത തേൾ; തെലങ്കാനയിൽ മദ്യഷാപ്പിന് മുന്നിൽ പ്രതിഷേധം

ഹൈദരാബാദ്: തെലങ്കാനയിൽ ബിയർ കുപ്പിയിൽ ചത്ത തേളിനെ കണ്ടെത്തിയത് പ്രതിഷേധത്തിനിടയാക്കി. വാറങ്കൽ ജില്ലയിലാണ് സംഭവം. മദ്യഷോപ്പിൽനിന്ന് വാങ്ങിയ ബിയറിലാണ് ചത്ത തേളിനെ കണ്ടെത്തിയത്. കുടിക്കാനായി എടുത്തപ്പോഴാണ് കുപ്പിക്കുള്ളിൽ തേൾ ചത്തുകിടക്കുന്നത് ശ്രദ്ധയിൽപ്പെട്ടത്. ഇതോടെ നാട്ടുകാരുടെ നേതൃത്വത്തിൽ മദ്യഷാപ്പിന് മുന്നിൽ പ്രതിഷേധം നടത്തി. (Image: Twitter)

നർമേട്ട മണ്ഡലത്തിൽ ചൊവ്വാഴ്ച വൈകുന്നേരമാണ് ഞെട്ടിക്കുന്ന സംഭവം നടന്നത്. നർമേട്ടയിലെ തിരുമല വൈൻസിലേക്ക് സുഹൃത്തിനൊപ്പം പോയ കരുണാകർ എന്നയാൾ വാങ്ങിയ ബിയർ കുപ്പിയിലാണ് തേളിനെ കണ്ടെത്തിയത്. രണ്ടു കുപ്പി ബിയറാണ് ഇവർ വാങ്ങിയത്. പ്രതീകാത്മക ചിത്രം)

അവർ സമീപത്തെ ഹോട്ടലിൽ പോയി ബിയർ കുപ്പികൾ തുറന്ന് ഗ്ലാസിലേക്ക് ഒഴിച്ചു. കരുണാകർ ബിയർ കുടിച്ചപ്പോൾ രുചിവ്യത്യാസവും രൂക്ഷമായ ഗന്ധവും അനുഭവപ്പെട്ടു. തുടർന്ന് പരിശോധിച്ചപ്പോഴാണ് ബിയർ കുപ്പിയിൽ ചത്തനിലയിൽ ഒരു തേളിനെ കണ്ടത്. പ്രതീകാത്മക ചിത്രം)

ബിയർ കുപ്പിയിൽ തേളിനെ കണ്ടതോടെ കരുണാകരനും അവിടെയുണ്ടായിരുന്നവരും കുപ്പിയുമെടുത്ത് വൈൻ ഷോപ്പ് ഉടമയുടെ അടുത്ത് ചെന്ന് ചോദ്യം ചെയ്തു. എന്നാൽ തങ്ങൾക്ക് ഒന്നും അറിയില്ലെന്ന മട്ടിൽ വൈൻ ഷോപ്പ് ഉടമ കൈമലർത്തി.

ഇതോടെ നാട്ടുകാർ സംഘടിക്കുകയും മദ്യഷാപ്പിന് മുന്നിൽ പ്രതിഷേധിക്കുകയുമായിരുന്നു. ഇതിനിടെ ചിലർ എക്സൈസ് ഉദ്യോഗസ്ഥരെ വിളിച്ച് വിവരം പറഞ്ഞെങ്കിലും നടപടിയൊന്നും ഉണ്ടായില്ലെന്നാണ് ആരോപണം. പ്രതീകാത്മക ചിത്രം)