എയർ ഇന്ത്യാ വിമാനം വിജയവാഡ എയർപോർട്ടിൽ അപകടത്തിൽപ്പെട്ടു; 64 യാത്രക്കാരും സുരക്ഷിതർ

ദോഹയിൽ നിന്നും 64 യാത്രക്കാരെ വഹിച്ചുള്ള വിമാനം വിജയവാഡ രാജ്യാന്തര വിമാനത്താവളത്തിനുള്ളിൽ അപകടത്തിൽപ്പെട്ടു. ആർക്കും പരിക്കില്ല. വിമാനത്തിന്റെ നിയന്ത്രണം തെറ്റിയാണ് അപകടം പറ്റിയത്

വൈകുന്നേരം അഞ്ച് മണിയോട് കൂടിയായിരുന്നു അപകടം. റൺവേയിൽ ലാൻഡ് ചെയ്യുമ്പോൾ വിമാനത്തിന്റെ ചിറകു ഹൈ ബീം ലാംപ് പോസ്റ്റിൽ ഇടിക്കുകയായിരുന്നു. എയർ ഇന്ത്യ എക്സ്പ്രസ്സ് സർവീസ് IX1676 ദോഹ-വിജയവാഡ-തിരുച്ചിറപ്പള്ളി വിമാനത്തിൽ നിന്നും 19 പേരാണ് വിജയവാഡയിൽ ഇറങ്ങാനുണ്ടായിരുന്നത്. 45 പേർ തിരുച്ചിറപ്പള്ളിക്ക് പോകാനായിരുന്നു പ്ലാൻ

പെട്ടെന്ന് തന്നെ പൈലറ്റ് എൻജിൻ ഓഫ് ആക്കിയത് കൊണ്ട് ദുരന്തം ഒഴിവായി. ഉടനെ എമർജൻസി ടീം എത്തി യാത്രക്കാരെ സുരക്ഷിതരാക്കി. വിമാനം റിപ്പയർ ചെയ്യാൻ ആരംഭിച്ചിട്ടുണ്ട്. ലാംപ് പോസ്റ്റിൽ തട്ടിയതും തങ്ങൾ ചെറിയൊരു പ്രകമ്പനം മാത്രമേ അറിഞ്ഞുള്ളൂ എന്ന് യാത്രികർ പറഞ്ഞു