വിശാഖപട്ടണം: തൊണ്ണൂറുകളില്‍ തെന്നിന്ത്യന്‍ സിനിമ ലോകത്തിലെ പ്രശസ്ത നടിയായിരുന്നു റോജ. സിനിമ അഭിനയം വിട്ട് ഇപ്പോള്‍ സജീവ രാഷ്ട്രീയത്തിലാണ് താരം. (Photo:Instagram)
2/ 11
ആന്ധ്രയിലെ വൈഎസ്ആര്‍ കോണ്‍ഗ്രസ് സര്‍ക്കാറില്‍ ടൂറിസം മന്ത്രിയാണ് ഇപ്പോള്‍ റോജ. രാഷ്ട്രീയ എതിരാളികള്‍ക്കെതിരായ പ്രസ്താവനകളാല്‍ എപ്പോഴും വിവാദം സൃഷ്ടിക്കുന്ന റോജ ഇപ്പോള്‍ വീണ്ടും ഒരു വിവാദത്തില്‍ പെട്ടിരിക്കുകയാണ്. (Photo:Instagram)
3/ 11
നാഗേരി മണ്ഡലത്തില്‍ നിന്നുള്ള എംഎല്‍എയായ റോജ ബപട്ല സൂര്യലങ്ക ബീച്ച് സന്ദര്‍ശിച്ചിരുന്നു. (Photo:Instagram)
4/ 11
ഇവിടെ കടലില്‍ ഇറങ്ങിയ മന്ത്രിയായ റോജ തന്‍റെ ചെരുപ്പ് ഒപ്പം ഉണ്ടായിരുന്ന സര്‍ക്കാര്‍ ഉദ്യോഗസ്ഥന്‍റെ കൈയ്യില്‍ ഏല്‍പ്പിക്കുകയായിരുന്നു. (Photo:Instagram)
5/ 11
സര്‍ക്കാര്‍ ഉദ്യോഗസ്ഥന്‍ ചെരുപ്പ് കൈയില്‍ പിടിക്കുന്നതും റോജ വെള്ളത്തിലിറങ്ങുകയും ചെയ്യുന്ന ഫോട്ടോകള്‍ വൈറലായി.(Photo:Instagram)
6/ 11
ഇതോടെ മന്ത്രിക്കെതിരെ കടുത്ത വിമര്‍ശനവും ട്രോളുമാണ് സോഷ്യല്‍ മീഡിയയില്‍ ഉയരുന്നത്. (Photo:Instagram)
7/ 11
അതേ സമയം ബീച്ച് സന്ദര്‍ശനത്തിന് ശേഷം അവിടുത്തെ അധികൃതരുമായി മന്ത്രി അവലോകന യോഗം നടത്തി. ബപട്ല സൂര്യലങ്ക ബീച്ച് മനോഹരമാണെന്നും, മികച്ച ടൂറിസം കേന്ദ്രമാക്കി ഇതിനെ മാറ്റുന്ന തരത്തിലുള്ള അടിസ്ഥാന വികസനം ഇവിടെ നടപ്പിലാക്കുമെന്നും മന്ത്രി പറഞ്ഞു. (Photo:Instagram)
8/ 11
1999 ല്‍ തെലുങ്ക് ദേശം പാര്‍ട്ടിയിലൂടെയാണ് റോജ തന്‍റെ രാഷ്ട്രീയ ജീവിതം ആരംഭിച്ചത്. (Photo:Instagram)
9/ 11
എന്നാല്‍ 2009 ല്‍ സംസ്ഥാന തെരഞ്ഞെടുപ്പില്‍ പരാജയപ്പെട്ടതോടെ ടിഡിപി വിട്ട് വൈഎസ്ആര്‍ കോണ്‍ഗ്രസില്‍ ചേര്‍ന്നു. (Photo:Instagram)
10/ 11
ജഗന്‍ മോഹന്‍ റെഡ്ഡിക്കൊപ്പം ആദ്യകാലത്ത് പാര്‍ട്ടിയുടെ സ്ഥാപക നേതാക്കളില്‍ ഒരാളാണ് റോജ. (Photo:Instagram)
11/ 11
പിന്നീട് തുടര്‍ച്ചയായ വര്‍ഷങ്ങളില്‍ നാഗേരി മണ്ഡലത്തില്‍ നിന്നും വിജയിച്ച റോജ വൈഎസ്ആര്‍ കോണ്‍ഗ്രസ് ഭരണം നേടിയപ്പോള്‍ മന്ത്രിയുമായി. (Photo:Instagram)
